టాలీవుడ్ ప్రముఖ నిర్మాత దిల్ రాజు ఇటీవల సినిమా నిర్మాణ రంగంలో ప్రస్తుత సవాళ్లపై ఆసక్తికర వ్యాఖ్యలు చేశారు. కేవలం సినిమా తీయడం గొప్పకాదని, ప్రేక్షకులను థియేటర్లకు తీసుకురావడమే అసలైన విజయం అని ఆయన అభిప్రాయపడ్డారు. ఈ వ్యాఖ్యలు ఇండస్ట్రీలో చర్చనీయాంశంగా మారాయి.
Key Points
టాలీవుడ్ నిర్మాత దిల్ రాజు సినిమా నిర్మాణ సవాళ్లపై మాట్లాడారు.
ప్రేక్షకులను థియేటర్లకు రప్పించడమే అసలైన సవాల్ అని దిల్ రాజు నొక్కి చెప్పారు.
మీడియా పాజిటివ్ రివ్యూలు ఇస్తేనే సినిమా ఇండస్ట్రీకి మేలు అన్నారు.
'సంతాన ప్రాప్తిరస్తు' ట్రైలర్ లాంచ్ ఈవెంట్లో దిల్ రాజు పాల్గొన్నారు.
సినిమా తీయడం గొప్పకాదు: దిల్ రాజు
టాలీవుడ్ నిర్మాత దిల్ రాజు ఆసక్తికర కామెంట్స్ చేశారు. ఈ రోజుల్లో సినిమాలు తీయడం గొప్పకాదన్నారు. మనం తీసిన సినిమాకు ఆడియన్స్ను రప్పించడమే అసలైన సవాల్ అని తెలిపారు. ప్రెస్మీట్స్ పెట్టి ట్రైలర్స్ లాంఛ్ చేయడం కంటే.. మీరిచ్చే కంటెంట్తో ప్రేక్షకులను థియేటర్లలో కూర్చోబెట్టాలని సూచించారు. మార్నింగ్ షోకు ఆడియన్స్ తీసుకురావడమే గొప్పదనమన్నారు. మీడియా వాళ్లు కూడా పాజిటివ్గా రివ్యూలు ఇస్తే సినిమా ఇండస్ట్రీకి ఎంతో మేలని దిల్ రాజు అన్నారు. మీరు అలా రాసినప్పుడే మార్నింగ్ ఫస్ట్ షోలకు కలెక్షన్స్ పెరుగుతున్నాయని తెలిపారు. సంతాన ప్రాప్తిరస్తు మూవీ ట్రైలర్ లాంఛ్కు హాజరైన దిల్ రాజు మాట్లాడారు.
కాగా.. విక్రాంత్, చాందినీ చౌదరి హీరో హీరోయిన్లుగా నటిస్తోన్న తాజా చిత్రం సంతాన ప్రాప్తిరస్తు(Santhana Prapthirasthu). ఈ మూవీకి సంజీవ్ రెడ్డి దర్శకత్వం వహిస్తున్నారు. ప్రస్తుత రోజుల్లో సంతానం కోసం యువత పడే పాట్లను ఇందులో చూపించనున్నారు. తాజాగా ఈ మూవీ ట్రైలర్ను మేకర్స్ విడుదల చేశారు. ఈ మూవీ నవంబర్ 14న థియేటర్లలో సందడి చేయనుంది.
ఆడియన్స్ను థియేటర్లకు రప్పించడమే సవాల్
సంతాన ప్రాప్తిరస్తు ట్రైలర్ ఆవిష్కరణ
దిల్ రాజు వ్యాఖ్యలు ప్రస్తుత సినీ పరిశ్రమ వాస్తవాలను ప్రతిబింబిస్తున్నాయి. మంచి కంటెంట్తో పాటు, ప్రేక్షకుల మద్దతు, మీడియా సానుకూల స్పందన కూడా సినిమా విజయానికి అత్యవసరం అని ఆయన సందేశం.
