ఆహా వీడియో ఓటీటీ ప్రేక్షకుల ముందుకు మరో తెలుగు రొమాంటిక్ కామెడీ వెబ్ సిరీస్ “ఆనందలహరి”ని తీసుకురాబోతోంది. ఈస్ట్ గోదావరి అబ్బాయి, వెస్ట్ గోదావరి అమ్మాయిల సరదా ప్రేమకథతో రూపొందిన ఈ సిరీస్ ట్రైలర్ ఇటీవల విడుదలై, ఆకట్టుకుంటోంది. అక్టోబర్ 17 నుండి ఆహాలో స్ట్రీమింగ్ కానుంది.
Key Points
ఆనందలహరి వెబ్ సిరీస్ అక్టోబర్ 17 నుండి ఆహా వీడియోలో స్ట్రీమింగ్.
ఈస్ట్ గోదావరి అబ్బాయి, వెస్ట్ గోదావరి అమ్మాయి మధ్య ప్రేమ, పెళ్లి కథ.
ట్రైలర్ లో కామెడీ, ఫ్యామిలీ ఫైట్స్ హైలైట్ అయ్యాయి.
ఆనందలహరి వెబ్ సిరీస్: కథాంశం
ఆహా వీడియో ఓటీటీ మరో అదిరిపోయే తెలుగు రొమాంటిక్ కామెడీ వెబ్ సిరీస్ ను అందించబోతోంది. ఈ సిరీస్ పేరు ఆనందలహరి (Anandalahari). ఆనంద్, లహరి అనే ఓ యువ జంట చుట్టూ తిరిగే కథతో రాబోతున్న ఈ వెబ్ సిరీస్ ట్రైలర్ ను శుక్రవారం (అక్టోబర్ 10) మేకర్స్ రిలీజ్ చేశారు.
ఆనందలహరి వెబ్ సిరీస్ ట్రైలర్
ఓటీటీ లోకి మరో కొత్త తెలుగు రొమాంటిక్ కామెడీ వెబ్ సిరీస్ వస్తోంది. ఈ సిరీస్ పేరు ఆనందలహరి. ఆహా వీడియో ఓటీటీలో అక్టోబర్ 17 నుంచి స్ట్రీమింగ్ కానుంది. తాజాగా మేకర్స్ ట్రైలర్ రిలీజ్ చేశారు. పాన్ గోదావరి అంటూ ఈస్ట్ అబ్బాయి, వెస్ట్ అమ్మాయి మధ్య జరిగే ప్రేమ, పెళ్లి కాన్సెప్ట్ తో ఈ సిరీస్ రూపొందించారు. 3 నిమిషాలకుపైగా ఉన్న ట్రైలర్ చాలా సరదాగా సాగిపోయింది. ట్రైలర్ మొదట్లోనే ఈ వెబ్ సిరీస్ లో లీడ్ రోల్స్ అయిన ఆనంద్, లహరి ఓ కౌన్సిలర్ ను కలవడం చూపించారు.
ఆహాలో విడుదల తేదీ, నటీనటులు
తమ మధ్య బంధంలో సమస్యతో వాళ్లు ఆమె దగ్గరికి వెళ్తారు. ఆ తర్వాత కథ వెనక్కి వెళ్తుంది. అసలు ఈస్ట్ గోదావరి అబ్బాయి అయిన ఆనంద్, వెస్ట్ గోదావరి అమ్మాయి అయిన లహరి మధ్య ఎలా కుదిరిందో చూపించారు. ఉద్యోగం సరిపడదనుకొని తన సొంతూరిలోనే ఉండాలనుకునే అబ్బాయి.. ఎలాగైనా ఉద్యోగం సంపాదించి సొంతూరి నుంచి వెళ్లిపోవాలనుకునే అమ్మాయి మధ్య పెళ్లి కుదిరితే ఎలా ఉంటుందన్నదే ఈ ఆనందలహరి వెబ్ సిరీస్ స్టోరీగా కనిపిస్తోంది.
ఆనందలహరి వెబ్ సిరీస్ గురించి..
గోదావరి యాస, హాస్యం: ట్రైలర్ హైలైట్స్
ఆహా వీడియో ఓటీటీ చాలా రోజుల తర్వాత మరో తెలుగు రొమాంటిక్ కామెడీ వెబ్ సిరీస్ ను ఈ ఆనందలహరి ద్వారా తీసుకొస్తోంది. ఈ సిరీస్ ను సాయి వానపల్లి డైరెక్ట్ చేశాడు. కథ, స్క్రీన్ ప్లే కూడా అతనిదే. ప్రవీణ్ ధర్మపురి నిర్మాతగా ఉన్నాడు. “ఈస్ట్ గోదావరి అబ్బాయి ప్లస్ వెస్ట్ గోదావరి అమ్మాయి = ఫుల్ డ్రామా, ఫన్, ఫ్యామిలీ ఫైట్స్.. రెండు ప్రపంచాల మధ్య పెళ్లి.. ఆనందలహరి స్టోరీ ఓ పాన్ గోదావరి రోలర్కోస్టర్.
అక్టోబర్ 17న ప్రేమ, యుద్ధం, ఫ్లెక్సీ రాజు స్టైల్లో ఈస్ట్.. వెస్ట్ ను కలవడం చూడండి” అనే క్యాప్షన్ తో ఆహా వీడియో ఓటీటీ ట్వీట్ చేసింది. ఈ వెబ్ సిరీస్ లో అభిషేక్, భ్రమరాంబిక లీడ్ రోల్స్ లో నటించారు. మరి అక్టోబర్ 17 నుంచి ఆహా వీడియో ఓటీటీలో స్ట్రీమింగ్ కానున్న ఈ వెబ్ సిరీస్ కు ఎలాంటి రెస్పాన్స్ వస్తుందో చూడాలి.
ఆనందలహరి వెబ్ సిరీస్ గోదావరి జిల్లాల నేపథ్యంలో సాగే రొమాంటిక్ కామెడీగా అలరించనుంది. ఆహా వీడియోలో అక్టోబర్ 17న విడుదల కానున్న ఈ సిరీస్ ప్రేక్షకులను ఎంతవరకు ఆకట్టుకుంటుందో వేచి చూడాలి.
