నటి రష్మిక మందన్నా ఇటీవల ఓ టాక్ షోలో సందడి చేసింది. ఆమె చేతికి ఉన్న ఉంగరాలు అందరి దృష్టిని ఆకర్షించాయి. హోస్ట్ జగపతిబాబు సరదాగా ప్రశ్నించడంతో, విజయ్ దేవరకొండతో ఎంగేజ్మెంట్ వార్తలు మళ్ళీ తెరపైకి వచ్చాయి. ఈ విషయమై రష్మిక అభిమానుల్లో ఆసక్తి నెలకొంది.
Key Points
రష్మిక మందన్నా తాజాగా 'జయమ్ము.. నిశ్చయమ్మురా' టాక్ షోలో పాల్గొంది.
ఆమె చేతికి రెండు ఉంగరాలు కనిపించడంతో చర్చ మొదలైంది.
హోస్ట్ జగపతిబాబు సరదాగా విజయ్ దేవరకొండ పేరు ప్రస్తావించి రష్మికను ఆటపట్టించారు.
గత నెలలో విజయ్ దేవరకొండతో రష్మిక ఎంగేజ్మెంట్ వార్తలు వచ్చాయి.
టాక్ షోలో రష్మిక రింగుల రహస్యం
ఈ ఏడాది వరుస సినిమాలతో దూసుకెళ్తోన్న బ్యూటీ రష్మిక మందన్నా. ఇప్పటికే ఛావాతో బ్లాక్బస్టర్ హిట్ కొట్టిన ఈ బ్యూటీ.. ఇటీవలే థామా మూవీతో ప్రేక్షకుల ముందుకొచ్చింది. అయితే ఈ సినిమా బాక్సాఫీస్ వద్ద అంతగా ఆకట్టుకోలేకపోయింది. ప్రస్తుతం రష్మిక నటించిన ది గర్ల్ఫ్రెండ్ రిలీజ్కు సిద్ధమైంది. ఈ నేపథ్యంలోనే మూవీ ప్రమోషన్లతో బిజీగా ఉంది ముద్దుగుమ్మ. ఈ సినిమా నవంబర్ 7న థియేటర్లలో సందడి చేయనుంది.
ది గర్ల్ఫ్రెండ్ మూవీ ప్రమోషన్లలో భాగంగా రష్మిక తాజాగా టాలీవుడ్ టాక్ షోకు హాజరైంది. నటుడు జగపతిబాబు హోస్ట్ చేస్తున్న జయమ్ము..నిశ్చయమ్మురా టాక్ షోలో సందడి చేసింది. ఈ షోలో పాల్గొన్న రష్మిక చేతికి రెండు ఉంగరాలు కనిపించడంతో అందరి దృష్టి వాటిపై పడింది. ఈ సందర్భంగా రష్మికను జగపతిబాబు సరదాగా ఆటపట్టించారు. దళపతి విజయ్, విజయ్ సేతుపతి, విజయ్ దేవరకొండతో ఫ్రెండ్షిప్, విజయ్ సేతుపతి ఫ్యాన్, దళపతి విజయ్కి ఆల్ టైమ్ ఫ్యాన్ ఇలా విజయాన్ని సొంతం చేసేసుకున్నావా? అంటూ ఫన్నీగా మాట్లాడారు.
విజయ్ దేవరకొండతో నిశ్చితార్థం వార్తలు
ఆ తర్వాత చేతికి ఉన్న రింగ్స్ను సెంటిమెంట్తోనే పెట్టుకున్నావా అని జగపతిబాబు అడిగారు. దీనికి రష్మిక మాట్లాడుతూ.. అవీ చాలా ఇంపార్టెంట్ అని ముద్దుగుమ్మ చెప్పేసింది. వాటిలో ఒక రింగ్ ఫేవరేట్ అయి ఉంటుంది.. దానికి ఓ హిస్టరీ కూడా ఉంటుందని జగపతి నవ్వుతూ అన్నారు. దీనిపై ఆడియన్స్ ఏదో గోల చేస్తున్నారు.. అదేంటో కనుక్కోండని రష్మికతో చెప్పగా.. అది తాను ఫుల్గా ఎంజాయ్ చేస్తున్నానంటూ సంతోషం వ్యక్తం చేసింది.
అభిమానుల్లో సస్పెన్స్.. రష్మిక స్పందన
అయితే గతనెలలో రష్మిక- విజయ్ దేవరకొండకు ఎంగేజ్మెంట్ జరిగిందని వార్తలొచ్చాయి. కానీ ఈ విషయాన్ని ఎవరూ కూడా అధికారికంగా ప్రకటించలేదు. దీంతో టాలీవుడ్ ప్రియులతో పాటు అభిమానుల్లోనూ సస్పెన్స్ నెలకొంది. ఇటీవల తరచుగా రష్మిక చేతికి ప్రత్యేక రింగ్ కనిపించడంతో నిశ్చితార్థం జరిగినట్లు ఫ్యాన్స్ ఫుల్గా ఫిక్సయిపోయారు.
రష్మిక చేతి ఉంగరాల వెనుక అసలు రహస్యం ఏంటో తెలుసుకోవాలని అభిమానులు ఆసక్తిగా ఎదురుచూస్తున్నారు. విజయ్ దేవరకొండతో ఎంగేజ్మెంట్ వార్తలపై అధికారిక స్పందన కోసం అందరూ వేచి చూస్తున్నారు. రష్మిక దీనిపై త్వరలోనే క్లారిటీ ఇస్తుందేమో చూడాలి.
