‘కూలీ’ సినిమాలో నాగార్జున విలన్ పాత్ర కోసం డైరెక్టర్ లోకేష్ కనగరాజ్ ఎదుర్కొన్న కష్టాల గురించి ఈ కథనం వివరిస్తుంది. రజనీకాంత్ ను ఒప్పించడం కంటే కూడా నాగార్జునను ఒప్పించడం కష్టమని లోకేష్ తెలిపారు.
Key Points
నాగార్జున 'కూలీ' లో విలన్గా నటించడం ఇదే మొదటిసారి.
డైరెక్టర్ లోకేష్ నాలుగు నెలలు, ఎనిమిది సిట్టింగ్స్ తర్వాత నాగార్జునను ఒప్పించారు.
రజనీకాంత్ను ఒప్పించడం కంటే నాగార్జునను ఒప్పించడం చాలా కష్టమైంది.
నాగార్జున కూలీలో మునుపెన్నడూ చూడని అవతార్లో కనిపించనున్నారు.
నాగార్జున – కూలీలో విలన్ పాత్ర
కూలీ 2025లో విడుదల కానున్న మోస్ట్ అవైటెడ్ చిత్రాలలో ఒకటి. ఇది 2025 ఆగస్టు 14న విడుదల కానుంది. ఈ సినిమాలో రజనీకాంత్, ఉపేంద్ర, అక్కినేని నాగార్జున వంటి భారతీయ సినిమాలోని కొందరు పెద్ద తారలు కీలక పాత్రలు పోషిస్తున్నారు. అయితే ఈ యాక్షన్ డ్రామా తెలుగు నటుడు నాగార్జునకు చాలా ప్రత్యేకమైనది. ఎందుకంటే ఆయన తన నలభై ఏళ్ల కెరీర్లో మొదటిసారి విలన్గా నటిస్తున్నారు. ఈ క్యారెక్టర్ కోసం నాగార్జునను ఒప్పించేందుకు చాలా కష్టాలు పడ్డానని డైరెక్టర్ లోకేష్ కనగరాజ్ వెల్లడించారు.
ది హాలీవుడ్ రిపోర్టర్ ఇండియాతో మాట్లాడుతూ.. కూలీ సినిమాలో విలన్ క్యారెక్టర్ కోసం నాగార్జున ను ఒప్పించడానికి చాలా కష్టపడ్డానని లోకేష్ కనగరాజ్ తెలిపారు. రజనీకాంత్ను ఒప్పించడం కంటే కూడా అది కష్టంగా మారిందన్నారు. ఇందు కోసం నాలుగు నెలల పాటు తిరిగారు లోకేష్. ఎనిమిది సార్లు స్టోరీ సిట్టింగ్స్ వేశారు.
లోకేష్ కనగరాజ్ కష్టాలు
“కొన్ని కారణాల వల్ల నాగార్జున విలన్గా నటించడానికి మొదట అంగీకరించలేదు. ఆయన ఎందుకు ఈ పాత్రలో నటించాలనీ, ఎందుకు ఈ మార్పు చేయాలనీ పదే పదే అడుగుతూ ఉండేవారు. మళ్ళీ నేను హైదరాబాద్ వెళ్లి చివరిసారిగా స్క్రిప్ట్ వినిపించాను. అది విన్న తర్వాత, ‘ఇప్పుడు కాకపోతే ఇంకెప్పుడు ఇలాంటి పాత్ర చేస్తా?’ అని అంగీకరించారు” అని లోకేష్ పేర్కొన్నారు.
అక్కినేని నాగార్జున తన కెరీర్లో చాలా వరకు సపోర్టింగ్ రోల్స్ కు దూరంగానే ఉన్నారు. కానీ శేఖర్ కమ్ముల ఆయనకు కుబేర సినిమాలో అవకాశం ఇవ్వడంతో సీన్ మారింది. ధనుష్ ప్రధాన పాత్రలో నటించిన ఈ సోషల్ డ్రామాలో నాగార్జున సహాయక పాత్రలో నటించి విమర్శకుల ప్రశంసలు పొందారు. డిఫరెంట్ షేడ్స్ ఉన్న క్యారెక్టర్ లో ఇరగదీశారు. మరోవైపు ఇప్పుడు ఆయన సోలో ప్రాజెక్ట్లు ఆలస్యం అవుతుండటంతో, గతంలో వచ్చినట్లుగా ప్రధాన పాత్రలు రావడం లేదు.
నాగార్జున కొత్త అవతార్
నాగార్జున పెద్ద చిత్రాలలో సహాయక పాత్రలను అంగీకరించాలని నిర్ణయించుకున్నారు. కూలీ సినిమాలో ఆయన మునుపెన్నడూ చూడని అవతార్లో కనిపించనున్నారు. నాగార్జున నటన కూలీ చిత్రానికి హైలైట్లలో ఒకటిగా ఉంటుందని లోకేష్ చెప్పారు. కూలీలో నాగార్జునను పరిచయం చేయడానికి లోకేష్ ప్రత్యేక టీజర్ను కూడా ప్లాన్ చేశాడని సమాచారం. నాగార్జునను కొత్త అవతార్లో చూడటానికి ఆయన అభిమానులు ఆసక్తిగా ఎదురుచూస్తున్నారు. కూలీ సినిమాకు అనిరుధ్ సంగీతం అందించారు. పాటలు ఇప్పటికే ట్రెండింగ్లో ఉన్నాయి.
కూలీ సినిమాలో రజనీకాంత్ , నాగార్జున, ఉపేంద్ర, అమీర్ ఖాన్, శ్రుతి హాసన్ లాంటి స్టార్లు ఉండటంతో అంచనాలు భారీగా పెరిగిపోయాయి. విడుదలైన అన్ని చోట్ల రికార్డు ఓపెనింగ్స్ సాధించడానికి కూలీ సిద్ధంగా ఉంది. ఆగస్టు 14న ఈ మూవీ రిలీజ్ కానుంది.
చివరకు నాగార్జున తన కెరీర్ లో ఒక భిన్నమైన పాత్రను చేయడానికి అంగీకరించారు. ‘కూలీ’ సినిమాలో ఆయన నటన ప్రేక్షకులను ఆకట్టుకుంటుందని డైరెక్టర్ లోకేష్ ఆశాభావం వ్యక్తం చేశారు.
