అనుష్క శెట్టి ప్రధాన పాత్రలో నటిస్తున్న ‘ఘాటి’ సినిమా జులై 11న విడుదల కానుంది. క్రిష్ జాగర్లమూడి దర్శకత్వంలో తెరకెక్కుతున్న ఈ చిత్రం ట్రైలర్ విడుదలకు సిద్ధమవుతోంది. సినిమా పోస్టర్ ఇప్పటికే సోషల్ మీడియాలో వైరల్గా మారింది.
Key Points
అనుష్క శెట్టి నటించిన ‘ఘాటి’ సినిమా జులై 11న విడుదల కానుంది.
మూవీ టీమ్ త్వరలో ట్రైలర్ మరియు ఆల్బమ్ విడుదల చేయనుంది.
క్రిష్ జాగర్లమూడి దర్శకత్వం వహించిన ఈ చిత్రం ఉత్తరాంధ్ర నేపథ్యంలో తెరకెక్కింది.
లేడీ ఓరియెంటెడ్ మూవీగా అనుష్క పాత్ర ప్రేక్షకులను ఆకట్టుకుంటుందని భావిస్తున్నారు.
‘ఘాటి’ ట్రైలర్ విడుదలకు కౌంట్డౌన్ ప్రారంభం
అనుష్క శెట్టి(Anushka Shetty) ప్రజెంట్ నటిస్తున్న సినిమా ‘ఘాటి’(Ghati). క్రిష్ జాగర్లమూడి(Krish Jagarlamudi) దర్శకత్వంలో రూపొందుతున్న ఈ చిత్రం ఉత్తరాంధ్ర గంజాయి తోటల నేపథ్యంలో సాగే విభిన్న కథాచిత్రమని తెలుస్తున్నది. ఇక ఈ చిత్రాన్ని యూవీ క్రియేషన్స్, ఫస్ట్ ఫ్రేమ్ ఎంటర్టైన్మెంట్స్ బ్యానర్ పై వంశీ కృష్ణ రెడ్డి, రాజీవ్ రెడ్డి నిర్మిస్తున్నారు. ఇక ఇందులో తమిళ యాక్టర్ విక్రమ్ ప్రభు(Vikram Prabhu) కీలక పాత్ర పోషిస్తున్నాడు. అయితే లేడీ ఓరియెంటెడ్ మూవీగా రాబోతున్న ఈ సినిమాలో అనుష్క పాత్ర ఊహలకు అతీతంగా ఉంటుందని సమాచారం.
అనుష్క శెట్టి పవర్ఫుల్ పోస్టర్ వైరల్
కాగా ఈ చిత్రం జులై 11న రిలీజ్ చేయబోతున్నట్లు రీసెంట్గా చిత్రబృదం ప్రకటించిన సంగతి తెలిసిందే. ఈ క్రమంలో ఓ పోస్టర్ నెట్టింట వైరల్ అవుతోంది. తాజాగా మూవీ టీమ్ ఈ మూవీ రిలీజ్ కావడానికి 30 రోజులు మాత్రమే ఉన్నదని తెలియజేస్తూ కౌంట్ డౌన్ పోస్టర్ను షేర్ చేస్తూ.. ‘కౌంట్డౌన్ ప్రారంభమైంది, త్వరలో మా ఆల్బమ్ మరియు ట్రైలర్ను మీ ముందుకు తీసుకురావడానికి సిద్ధంగా ఉంది.. జూలై 11న ప్రపంచవ్యాప్తంగా ఘాటీ గ్రాండ్ రిలీజ్ కానుంది’ అని రాసుకొచ్చారు. ప్రస్తుతం ఈ పవర్ఫుల్ పోస్టర్ నెట్టింట వైరల్గా మారింది. ఇక దీన్ని చూసిన నెటిజన్లు లేడీ అంటూ కామెంట్స్ చేస్తున్నారు.
లేడీ ఓరియెంటెడ్ మూవీగా ‘ఘాటి’ అంచనాలు
A post shared by AnushkaShetty (@anushkashettyofficial)
‘ఘాటి’ సినిమా ట్రైలర్ విడుదలతో అభిమానుల్లో ఆసక్తి మరింత పెరిగింది. జులై 11న విడుదల కానున్న ఈ సినిమా బాక్సాఫీస్ వద్ద ఎలాంటి విజయాన్ని సాధిస్తుందో చూడాలి.
