ప్రముఖ దర్శకుడు గుణశేఖర్ తాజా చిత్రం ‘యుఫోరియా’ విడుదల సందర్భంగా ఆసక్తికరమైన విషయాలను వెల్లడించారు. ఈ సినిమా గురించి, తెలుగు సినీ ఇండస్ట్రీలోని స్టార్ హీరోలైన చిరంజీవి, ఎన్టీఆర్, మహేశ్ బాబుల సినిమాల గురించి ఆయన పంచుకున్న అభిప్రాయాలు ఇక్కడ ఉన్నాయి.
Key Points
గుణశేఖర్ తన తాజా చిత్రం 'యుఫోరియా' గురించి మాట్లాడారు.
చిరంజీవి, ఎన్టీఆర్, మహేశ్ బాబు సినిమాలపై ఆయన అభిప్రాయాలను పంచుకున్నారు.
'యుఫోరియా' సినిమాలోని పాటలు, నటీనటుల గురించి వివరించారు.
ఆయన ఎప్పుడూ ఒకే జోనర్ సినిమాలు చేయరని తెలిపారు.
యుఫోరియా సినిమా విశేషాలు
తెలుగులో మోస్ట్ క్రేజీ డైరెక్టర్గా పేరు తెచ్చుకున్నారు గుణశేఖర్. ఇప్పుడు లేటెస్ట్గా గుణశేఖర్ దర్శకత్వం వహించిన సినిమా యుఫోరియా. గుణ హ్యాండ్ మేడ్ ఫిల్మ్స్ బ్యానర్ మీద నీలిమ గుణ నిర్మాణంలో నూతన నటీనటులతో గుణ శేఖర్ ఈ సినిమాను తెరకెక్కించారు.
ఓ ట్రెండీ టాపిక్ మీద తెరకెక్కిన యుఫోరియా మూవీలో సీనియర్ హీరోయిన్ భూమిక చావ్లా, సారా అర్జున్, నాసర్, రోహిత్, విఘ్నేష్ గవిరెడ్డి, లిఖిత యలమంచలి, అడ్డాల పృథ్వీరాజ్, కల్ప లత, సాయి శ్రీనికా రెడ్డి, అశ్రిత వేముగంటి, మాథ్యూ వర్గీస్, ఆదర్శ్ బాలకృష్ణ, రవి ప్రకాష్, నవీనా రెడ్డి, లికిత్ నాయుడు ముఖ్య పాత్రలు పోషించారు.
శనివారం నాడు (మే 24) యుఫోరియా మూవీ నుంచి ఫ్లై హై అనే ఫస్ట్ సింగిల్ సాంగ్ రిలీజ్ చేశారు మేకర్స్. ఈ సందర్భంగా ఏఎంబీలోని శరత్ సిటీ మాల్లో యుఫోరియా ఫ్లై హై సాంగ్ లాంచ్ ఈవెంట్ నిర్వహించారు. ఈ ఈవెంట్లో చిరంజీవి, ఎన్టీఆర్, మహేశ్ బాబు సినిమాలపై డైరెక్టర్ గుణ శేఖర్ ఇంట్రెస్టింగ్ కామెంట్స్ చేశారు.
చిరంజీవి, ఎన్టీఆర్, మహేశ్ బాబు సినిమాలపై గుణశేఖర్ అభిప్రాయాలు
దర్శకుడు గుణ శేఖర్ మాట్లాడుతూ .. “ఆడియెన్స్ చూపించే ఎనర్జీయే యుఫోరియా. ఇదే ఎనర్జీ సినిమాలోనూ ఉంటుంది. ఈ ‘ఫ్లై హై’లానే ఇంకో మూడు పాటలు ఉంటాయి. అన్నీ చాలా డిఫరెంట్గా ఉంటాయి. కాళ భైరవ అద్భుతమైన పాటలు ఇచ్చారు” అని అన్నారు.
“కంప్లీట్ యూత్ఫుల్ బ్యాక్ డ్రాప్తో ఈ మూవీని తీస్తున్నాను. మా హీరో విఘ్నేశ్, మా విలన్ పృథ్వీని అందరూ ఆశీర్వదించాలి. నా ఫ్యామిలీ ఈ చిత్రాన్ని నిర్మిస్తుంది. మా పాటల్ని ఆదిత్య మ్యూజిక్ ద్వారా రిలీజ్ చేస్తున్నాం. ఆడియెన్స్ను ఏ మాత్రం ఈ సినిమా నిరాశపరచదని భావిస్తున్నాను. అందరికీ మా సినిమా నచ్చుతుందని ఆశిస్తున్నాను” అని దర్శకుడు గుణశేఖర్ తెలిపారు.
గుణశేఖర్ దర్శకత్వ శైలి
“నేను ఎప్పుడు ఏ సినిమా చేసినా ఒకే జోనర్, ఒకే బ్యాక్ డ్రాప్లో ఉండవు. నాకు నచ్చిన కథల్ని ఎప్పుడూ కొత్తగా ప్రయత్నిస్తూనే వచ్చాను. అలా చిరంజీవి గారితో ‘చూడాలని వుంది’ అని చేసినా, జూనియర్ ఎన్టీఆర్ తో ‘రామాయణం’ చేసినా, మహేశ్ బాబు తో ‘ఒక్కడు’ చేసినా నన్ను ఆశీర్వదిస్తూ వచ్చారు” అని గుణశేఖర్ పేర్కొన్నారు.
“ఈ ‘యుఫోరియా’ కథను నేను, నా ఫ్యామిలీ చాలా నమ్మింది. అందుకే నేను ఈ మూవీని తీశాను. మా చిత్రం అందరికీ నచ్చుతుందని, ఆడియెన్స్ను మెప్పిస్తుందని చెబుతున్నా” అని యుఫోరియా డైరెక్టర్ గుణశేఖర్ చెప్పుకొచ్చారు.
చివరగా, గుణశేఖర్ తన వైవిధ్యమైన దర్శకత్వం గురించి, యుఫోరియా సినిమాపై తన నమ్మకం తెలిపారు. తన సినిమాలు ప్రేక్షకులను మెప్పిస్తాయని ఆయన ఆశాభావం వ్యక్తం చేశారు.
