గుండె నిండా గుడి గంటలు సీరియల్ లోని 482వ ఎపిసోడ్ లో రోహిణి కష్టాలు రెట్టింపయ్యాయి. పూజారి ఆమెను ఇరికించగా, బాలు ఆమెతో ఆడుకున్నాడు. మీనా మరియు బాలుల మధ్య రొమాన్స్ కూడా ఈ ఎపిసోడ్ లో ప్రధాన ఆకర్షణ.
Key Points
రోహిణి కష్టాలు రెట్టింపు అయ్యాయి.
పూజారి రోహిణిని ఇరికించాడు.
బాలు ఆమెతో ఆడుకున్నాడు.
మీనా, బాలుల మధ్య రొమాన్స్ కనిపించింది.
రోహిణి కష్టాలు
గుండె నిండా గుడి గంటలు సీరియల్ 482వ ఎపిసోడ్ ఆసక్తికరంగా సాగింది. ఈ ఎపిసోడ్ లో రోహిణి కష్టాలు రెట్టింపవడం చూడొచ్చు. అటు బాలు కూడా ఆమెతో ఆడుకుంటాడు. ఇక హాల్లోనే బాలు, మీనా రొమాన్స్ ఎపిసోడ్ లో మరో హైలైట్ అని చెప్పొచ్చు.
గుండె నిండా గుడి గంటలు సీరియల్ బుధవారం (ఆగస్టు 6) ఎపిసోడ్ గుడి నుంచి బాలు వెళ్లిపోయే సీన్ తో మొదలవుతుంది. కారులో కల్పన వెయిట్ చేస్తుండటంతో బాలు వెళ్లిపోతాడు. అటు గుడిలో రోహిణి ఎలాగోలా పొర్లుదండాలు పూర్తి చేస్తుంది. పూజలు ఇంకా అయిపోలేదని ఒక్కటి మిగిలి ఉందని అనడంతో రోహిణి షాక్ తింటుంది. ఇక చాల్లే వదిలెయ్ అని అందరూ అనడంతో వాళ్లపై ప్రభావతి మండిపడుతుంది.
రోహిణి ని అర్చన చేయించడానికి తీసుకెళ్తుంది. అక్కడ రోహిణి వాళ్ల తండ్రి పేరు అడుగుతాడు పూజారి. దీంతో అసలు లేని నాన్న పేరు చెప్పాలా, పోయిన నాన్న పేరు చెప్పాలా అంటూ రోహిణి ఆలోచిస్తూ ఉంటుంది. నీకు మీ నాన్న పేరు తెలియదా అంటూ మనోజ్, సత్యం, మీనా, శృతి అంటారు. తనకు కళ్లు తిరుగుతున్నాయని కవర్ చేయడానికి చూసినా వాళ్లు వదలరు.
దీంతో చేసేది లేక నోటికొచ్చిన పేరు చెప్పేద్దామని రాజమౌళి అంటుంది. మీన రాశి, జ్యేష్ట నక్షత్రం అని చెప్పగానే ఆ పేరుకు ఆ రాశి, నక్షత్రాలు రావని పూజారి అంటాడు. దీంతో దీనికి తులా రాశి, చిత్తా నక్షత్రం వస్తాయనుకుంటా అని మీనా అనగానే అవే అంటూ రోహిణి కవర్ చేసుకుంటుంది. పూజ తర్వాత ఆమెకు కంకణం కడతారు. ఇక చూడు మీ నాన్న వచ్చేస్తారని ప్రభావతి అనడంతో.. నా బొంద లేని నాన్నను దేవుడైనా ఎక్కడి నుంచి తెస్తాడని రోహిణి మనసులో అనుకుంటుంది.
రోహిణి కాళ్లు పట్టిన మనోజ్.. ప్రభావతి సీరియస్
పూజారి యొక్క ప్రవర్తన
గుడి నుంచి వచ్చిన తర్వాత రోహిణి ఒళ్లు నొప్పులంటూ బాధపడుతూ ఉంటుంది. అప్పుడే వచ్చిన మనోజ్ ఏమైందని అడుగుతాడు. ఏవేవో పూజలు చేయించింది కదా.. తన ఒళ్లంతా నొప్పులని ఆమె చెబుతుంది. దీంతో నీ కాళ్లు పడతాను ఉండు అంటూ అతడు రోహిణి కాళ్లు నొక్కడం మొదలుపెడతాడు. అప్పుడే అక్కడికి వచ్చిన ప్రభావతి మనోజ్ ను తిడుతుంది. ఈ దీక్ష ఎంత నిష్టగా చేయాలో తెలుసా? అసలు మీ ఇద్దరూ ఒక్కచోటు ఉండకూడదు.. ఇక్కడి నుంచి వెళ్లు అంటూ పంపించేస్తుంది.
రోహిణి దీక్ష వల్ల తమ కడుపులు మాడుతున్నాయని రవి, మనోజ్ బాధపడుతూ ఉంటారు. శృతి కూడా వాళ్లతో చేరుతుంది. తనకు ఫిష్ తినాలనిపిస్తుందని, బయటి నుంచి ఆర్డర్ పెడతా అంటుంది. అప్పుడే ప్రభావతి వచ్చి రోహిణి దీక్ష చేస్తుందని, ఇంట్లో అలా చేయకూడదని చెబుతుంది. బయటకు వెళ్తామన్న వద్దని వారిస్తుంది.
అప్పుడే బాలు అక్కడికి వస్తాడు. రోహిణితో ఆడుకుంటాడు. రోహిణి ఏం కావాలో అది చేసివ్వమని మీనాకు ప్రభావతి చెబుతుంది. బాలు మాత్రం పూజారి ఏం చెప్పాడో గుర్తుందా.. తన వంట తానే, అది కూడా ఉప్పూ కారం లేకుండా చేసుకోవాలని అంటాడు. అలా చేయకపోతే మలేషియా జైలు తలుపులు తెరుచుకోవని అనడంతో తనను బాలు కావాలనే ఇరికిస్తున్నాడని రోహిణి మనసులో అనుకుంటుంది. సరేలే నీకు వంటలో సాయం చేస్తానని ఆమెను ప్రభావతి తీసుకెళ్తుంది.
రోహిణి వంట.. బాలు కండిషన్స్
అటు వంటింట్లో రోహిణి వంట చేయడానికి సిద్ధమవుతుంటే ప్రభావతి సాయం చేస్తుంది. అయితే హాల్లో ఉన్న బాలు వంటకు కండిషన్స్ పెడుతూ ఉంటాడు. కారం ఇవ్వండని రోహిణి అడగ్గానే కారం నిషిద్ధం అని బాలు అంటాడు. ఉప్పు అనగానే సగం నిషిద్దం.. చిటికెడు వేసుకోవచ్చంటాడు.
బాలు మరియు మీనా రొమాన్స్
మసాలా అనగానే పూర్తిగా నిషిద్ధం అంటాడు. అది విని రోహిణికి ఒళ్లు మండిపోతుంది. ఇలా వంట చేయడం కంటే పచ్చివే తింటాను అనగానే.. ఆ పని చెయ్.. మీ నాన్న స్కేటింగ్ బూట్లేసుకొని ఇండియాకు వచ్చేస్తాడని బాలు అంటాడు. అతన్ని మీనా అక్కడి నుంచి తీసుకెళ్లిపోతుంది.
అటు అందరూ వెళ్లిపోయిన తర్వాత బాలు, మీనా సరసాలు మొదలుపెడతారు. బాలుకి మీనా పాలు తీసుకెళ్తుంది. అప్పటికే బాలు మంచి రొమాంటిక్ మూడ్ లో ఉంటాడు. మురిపాలు, పాలు, సగపాలు, సరసాలు అంటూ బాలు రైమింగ్ వర్డ్స్ తో రెచ్చిపోతాడు. గుడిలో అలసిపోయి అందరూ పడుకున్నారని, ఇప్పుడెవరూ రారులే అనుకుంటూ బాలు, మీనా సరసాల్లో మునిగి తేలుతారు.
మరోవైపు సంజూ బర్త్ డే కోసం మౌనిక స్పెషల్ ప్లాన్ చేయాలని అనుకుంటుంది. అత్తయ్య కూడా ఇంట్లో లేదు ఏం చేయాలా అని ఆలోచిస్తుంటే ఆమె ఫోన్ చేస్తుంది. సర్ప్రైజ్ ఓకే కానీ వాడు ఎలా తీసుకుంటాడో అంటుంది. ఎలా అయినా తీసుకోని అతనిపై తనకు ఎంత ప్రేమ ఉందో అర్థం చేసుకుంటే చాలు అని అంటుంది.
మరోవైపు ఇంట్లో పనులన్నీ రోహిణితోనే చేయించాలని ప్రభావతి నిర్ణయిస్తుంది. చివరికి ఇంటి ముందు ముగ్గు కూడా ఆమే వేయాలని పంతం పడుతుంది. పొద్దున్నే ఆమెను లేపి బయటకు తీసుకొస్తుంది. మీనాను ముగ్గు వేయకుండా ఆపుతుంది. అక్కడితో ఇవాళ్టి ఎపిసోడ్ ముగుస్తుంది.
రోహిణి దీక్షతో కుటుంబ సభ్యులకు కష్టాలు ఎదురవుతున్నాయి. అయితే, బాలు మరియు మీనా మధ్య రొమాన్స్ కథాంశం ఆసక్తిని రేకెత్తిస్తోంది. తదుపరి ఎపిసోడ్ ఏమి తీసుకొస్తుందో చూడాలి.
