గుండె నిండా గుడి గంటలు సీరియల్ 511వ ఎపిసోడ్ చాలా ఆసక్తికరంగా సాగింది. మనోజ్ షాపు ఓపెనింగ్, ప్రభావతి, బాలు, సత్యం మరియు శృతిల మధ్య జరిగిన సంఘటనలు ప్రేక్షకులను అలరించాయి.
Key Points
మనోజ్ షాపు ఓపెనింగ్లో ప్రభావతి, శృతిల పాత్రలు.
బాలు ప్రవర్తన మరియు అతనితో జరిగిన సంఘటనలు.
షాపులో జరిగిన కొనుగోళ్లు మరియు అమ్మకాలు.
మనోజ్ షాపు ఓపెనింగ్
గుండె నిండా గుడి గంటలు ఈరోజు అంటే 511వ ఎపిసోడ్ ఆసక్తికరంగా సాగింది. మనోజ్ షాపు ఓపెన్ చేసిన ప్రభావతి బోణీ విషయంలో రచ్చ చేయడం, ఆమెకు సత్యం క్లాస్ పీకడం జరుగుతుంది. అంతేకాదు మనోజ్ షాపులో కొన్న సోఫాను వాళ్ల ఇంటికే శోభ పంపడంతో ఇంట్లో బాలు మరో గొడవ చేస్తాడు. ఆ తర్వాత ఏం జరిగిందో చూద్దాం.
సరే అన్న మనోజ్.. వెలిగిపోయిన ప్రభావతి ముఖం
గుండె నిండా గుడి గంటలు సీరియల్ మంగళవారం (సెప్టెంబర్ 16) ఎపిసోడ్ మనోజ్ షాపు ఓపెనింగ్ ఎవరు చేయలన్న సీన్ తో మొదలవుతుంది. ప్రభావతితో చేయించాలని సత్యం కూడా చెబుతాడు. అటు రోహిణి కూడా అత్తయ్య చేత్తో చేస్తే మంచే జరుగుతుందని అంటుంది. దీంతో మనోజ్ కూడా సరే అంటాడు. ఆ మాట విని ప్రభావతి ముఖం వెలిగిపోతుంది. అది చూసి బాలు ఆమెను ఆట పట్టిస్తాడు.
షాపు ఓపెన్ చేసిన ప్రభావతి
షాపు ఓపెన్ చేయడానికి ప్రభావతి సిద్ధమవుతుంది. ముఖ్యమైన గెస్టు కోసం ఎదురు చూస్తున్నానంటూ ఆమె అందరినీ వెయిట్ చేయిస్తుంది. నేను వచ్చేశాను కదా.. ఇంకెవరు రావాలి అంటూ కామాక్షి అంటుంది. కాసేపటికి శృతి తల్లి శోభ రావడంతో వచ్చేశారంటూ ప్రభావతి హ్యాపీగా ఫీలవుతుంది. ఆ తర్వాత రిబ్బన్ కట్ చేసి షాపు ఓపెన్ చేస్తుంది.
అందరి ఇంటి నుంచి వచ్చారు.. మీ ఇంటి నుంచి ఎవరూ రాలేదు ఎందుకు అని మీనాను సత్యం అడుగుతాడు. చెప్పకుండా ఎలా వస్తారు అని మీనా అంటుంది. మీ వాళ్లు చెప్పకపోయినా వస్తారు కదా అని ప్రభావతి అంటే అంత సిగ్గుమాలిన వాళ్లేమీ కాదు మా వాళ్లు అంటూ మీనా వెళ్లిపోతుంది.
బాలు యొక్క పాత్ర
మనోజ్తో ఆడుకున్న కామాక్షి, బాలు
ఇక షాపులో ఓనర్ సీట్లో కూర్చొని మురిసిపోతున్న మనోజ్ తో కామాక్షి, బాలు ఆడుకుంటారు. లక్షలు మింగేయకు.. ఇక నుంచి పార్కులో పడుకోకు.. గుడి ముందు అడుక్కోకు అంటూ ఇద్దరూ నానా మాటలు అంటారు. ఆ తర్వాత షాపు పాత ఓనర్ వచ్చి డాక్యుమెంట్లు ఇస్తాడు. తమ అత్తయ్య చేతుల మీదుగా తీసుకోవాలని అనుకుంటున్నట్లు రోహిణి అనడంతో ప్రభావతి సంతోషంగా వాటిని తీసుకుంటుంది. ఇన్నాళ్లూ కన్నబిడ్డలా షాపును చూసుకున్నానంటూ పాత ఓనర్ బాధపడతాడు. మావాళ్లు బాగా చూసుకుంటారని బాలు ధైర్యం చెప్పి పంపిస్తాడు. ఆయన కన్నబిడ్డను ఓ కర్కశుని చేతుల్లో పెడుతున్నానని బాధ పడ్డారంటూ మనోజ్ కు మరోసారి బాలు కౌంటర్ వేస్తాడు.
మిక్సీ కొన్న మీనా.. సోఫా కొన్న శోభ
ఇక షాపులో మీనా మిక్సీ కొంటుంది. అటు శృతి తల్లి శోభ మాత్రం లక్షన్నర పెట్టి ఖరీదైన సోఫా కొంటుంది. ఈ మిక్సీ రూ.5 వేలు కూడా ఉండదు.. శృతి తల్లిని చూడు అన్నింటి కంటే ఖరీదైన సోఫా కొనుక్కొంది.. అయినా పూలమ్మిన దాని చేతుల్లో ఏముంటుంది.. శృతి తల్లితోనే బోణీ చేయిద్దామని ప్రభావతి అంటుంది.
మీనా కొన్నదానికి తాను డబ్బు ఇస్తానని సత్యం అంటే.. బాలు వద్దని వారిస్తాడు. మొత్తానికి శోభతోనే ప్రభావతి బోణీ చేయిస్తుంది. మనోజ్ బిల్లు రాసి ఇవ్వగా శోభ అతని చేతుల్లో ఒకేసారి లక్షన్నర పెట్టడం చూసి ప్రభావతి ముఖం వెలిగిపోతుంది. అందరి ముందు మీనాను మళ్లీ ఏవేవో మాటలు అంటుంది.
ప్రభావతికి క్లాస్ పీకిన సత్యం
ప్రభావతి మరియు సత్యం మధ్య వివాదం
దీంతో సత్యం ఆమెను పక్కకు తీసుకెళ్తాడు. ఎందుకు పదే పదే బయటి వాళ్ల ముందు మన ఇంటి కోడలిని తక్కువ చేసి ఎందుకు మాట్లాడతావని క్లాస్ పీకుతాడు. మనోజ్, బాలు ఇద్దరూ నీ గర్భం నుంచే వచ్చారు.. ఎందుకు ఇద్దరినీ వేర్వేరుగా చూస్తావ్.. నీ వల్లే మనోజ్ గాడు ఎందుకూ పనికి రాకుండా పోయాడు.. నీ ముద్దుల కొడుకు, కోడలు నీ బంగారు చేత్తో బోణీ చేయమని అడిగారా.. ఇకనైనా నువ్వు మారు.. బాలు, మీనా లేకపోతే నీకు పచ్చి మంచి నీళ్లు ఇచ్చే దిక్కు కూడా ఉండదు అని ప్రభావతిని ఎడాపెడా కడిగేస్తాడు సత్యం.
స్టాఫ్ను ఉద్యోగాల్లో నుంచి తీసేసిన మనోజ్
అటు మనోజ్.. శోభ ఇచ్చిన డబ్బును ఎంతో సంతోషంగా లెక్కబెడుతూ ఉంటాడు. రోహిణి అతని దగ్గరికి వెళ్లి నువ్వు ఇలాగే సంపాదించాలని అంటుంది. నిన్ను చూసిన నవ్విన వాళ్లు కుళ్లుకోవాలని, మళ్లీ వాళ్లు నవ్వేలా మాత్రం చేయకు అని చెబుతుంది. తాను కూడా అదే అనుకుంటున్నానని అంటాడు. అయితే తొలి రోజు తన బుద్ధి చూపిస్తాడు.
షాపు ఈ స్థాయికి రావడంలో అక్కడ పని చేసే స్టాఫ్ ఎంతో శ్రమించారని పాత ఓనర్ చెప్పి వెళ్లినా పట్టించుకోకుండా వాళ్లను ఉద్యోగాల్లో నుంచి తీసేస్తున్నానని అంటాడు. మీరు ముసలివాళ్లు అయిపోయారని అంటాడు. అది విని రోహిణి కూడా షాక్ తింటుంది.
ఇటు మనోజ్ షాపులో కొన్న ఖరీదైన సోఫాను వాళ్ల ఇంటికే పంపిస్తుంది శోభ. అది చూసిన బాలు తమకు అవసరం లేదని శోభకు ఫోన్ చేసి చెప్పి వెనక్కి పంపిస్తాడు. ఆ సోఫాను రిటర్న్ తీసుకోవాలని మనోజ్ ను శోభ అడుగుతుంది. దీంతో మనోజ్ ఇంటికి వెళ్లి గొడవ చేస్తాడు. అటు శృతి కూడా తన కోసం సోఫా పంపిందని బాలుని నిలదీస్తుంది. అక్కడితో గుండె నిండా గుడి గంటలు సీరియల్ ఈరోజు ఎపిసోడ్ ముగుస్తుంది.
మొత్తం మీద, ఈ ఎపిసోడ్లో ఎన్నో ఉత్కంఠభరితమైన సంఘటనలు చోటుచేసుకున్నాయి. ప్రభావతి, మనోజ్, బాలు, సత్యం మరియు శృతిల మధ్య జరిగిన సంఘర్షణలు ప్రేక్షకులను ఆకట్టుకున్నాయి.
