📌 Key Points
- బెల్లంకొండ సాయి శ్రీనివాస్ నటించిన పాన్ ఇండియా చిత్రం ‘హైంధవ’ ఫస్ట్ లుక్ విడుదలైంది.
- దశావతారంలో వైల్డ్గా, భయపెట్టే విధంగా కనిపిస్తున్న హీరో పోస్టర్ గూస్ బంప్స్ తెప్పిస్తోంది.
- లుధీర్ బైరెడ్డి దర్శకత్వం వహిస్తున్న ఈ యాక్షన్ అండ్ అడ్వెంచర్ థ్రిల్లర్లో సంయుక్త మీనన్ హీరోయిన్గా నటిస్తోంది.
- మూన్షైన్ పిక్చర్స్ బ్యానర్పై మహేష్ చందు నిర్మిస్తున్న ఈ మూవీ త్వరలో థియేటర్లలోకి రానుంది.
టాలీవుడ్ హీరో బెల్లంకొండ సాయి శ్రీనివాస్ నటిస్తున్న పాన్ ఇండియా చిత్రం ‘హైంధవ’ నుంచి తాజాగా హీరో ఫస్ట్ లుక్ పోస్టర్ను విడుదల చేశారు. దశావతారంలో ఊరమాస్ అవతార్తో బెల్లంకొండ కనిపించి అభిమానులను ఆశ్చర్యపరిచారు. ఈ పోస్టర్ ప్రస్తుతం సోషల్ మీడియాలో వైరల్ అవుతోంది.
హైంధవ: బెల్లంకొండ సాయి శ్రీనివాస్ కొత్త అవతార్
టాలీవుడ్ హీరో బెల్లంకొండ సాయి శ్రీనివాస్(Bellamkonda Sai Srinivas) రీసెంట్గా ‘కిష్కింద పురి’(Kishkindapuri) మూవీతో మన ముందుకు వచ్చిన సంగతి తెలిసిందే. ప్రస్తుతం ఆయన పాన్ ఇండియా మూవీ ‘హైంధవ’(HAINDAVA) నటిస్తున్నాడు. యాక్షన్ అండ్ అడ్వెంచర్ థ్రిల్లర్గా రూపొందుతున్న ఈ చిత్రానికి లుధీర్ బైరెడ్డి(Ludhir Byreddy) దర్శకత్వం వహిస్తున్నాడు. ఇక ఇందులో బెల్లంకొండ సాయి శ్రీనివాస్ సరసన సంయుక్త మీనన్ హీరోయిన్గా నటిస్తుండగా.. మూన్షైన్ పిక్చర్స్ బ్యానర్పై మహేష్ చందు ఈ చిత్రాన్ని నిర్మిస్తున్నారు.
దశావతారంలో హీరో ఫస్ట్ లుక్ ప్రత్యేకతలు
ఇప్పటికే శరవేగంగా షూటింగ్ జరుపుకుంటున్న ‘హైంధవ’ నుంచి తాజాగా హీరో ఫస్ట్ లుక్ పోస్టర్ను రిలీజ్ చేశారు. ఈ మేరకు ‘ఒక శక్తివంతమైన శక్తి పైకి లేచినప్పుడు, దశావతారాలు కాపలాగా నిలుస్తాయి.. త్వరలో ఈ మూవీ థియేటర్లలోకి రానుంది’ అని రాసుకొస్తూ పోస్టర్ను రిలీజ్ చేశారు. ఇక పోస్టర్లో.. బెల్లంకొండ శ్రీనివాస్ ఒక చేతిలో రక్తంతో తడిసిపోయిన గొడ్డలిని మరో చేతిలో అగ్నిని పట్టుకుని నీళ్లలో గట్టిగా అరుస్తూ వైల్డ్గా చూస్తున్నాడు. ఇక అతని వెనుక గుడ్ల గూబ భయంకరంగా చూస్తుంది. అలాగే హీరోకి పోస్టర్లో కొమ్ములు ఉన్నట్లుగా ఉంది. ఫైనల్గా దశావతారంలో ఉన్న హీరో ఫస్ట్ లుక్ పోస్టర్ భయపెట్టించే విధంగా ఉంది.
హైంధవ: నటీనటులు, సాంకేతిక బృందం
A post shared by Moonshine Pictures (@moonshine_pctrs)
‘హైంధవ’ ఫస్ట్ లుక్ పోస్టర్ సినిమాపై అంచనాలను పెంచింది. దశావతారంలో బెల్లంకొండ సాయి శ్రీనివాస్ కొత్త అవతార్ ప్రేక్షకులను ఆకట్టుకుంటోంది. ఈ యాక్షన్ థ్రిల్లర్ త్వరలో థియేటర్లలోకి రానుంది.
