నాలుగేళ్ల పాటు పెండింగ్లో ఉన్న హరిహర వీరమల్లు సినిమా VFX పనులు ఇప్పుడు పూర్తయ్యాయి. రెండున్నర సంవత్సరాల కష్టపడి VFX బృందం పనిచేసింది. పవన్ కళ్యాణ్ నటనతో ఈ చిత్రం అంచనాలను పెంచుతోంది.
Key Points
హరి హర వీరమల్లు సినిమా VFX పనులు పూర్తయ్యాయి.
రెండున్నర సంవత్సరాల కష్టపడి VFX బృందం పనిచేసింది.
సినిమా విజువల్ వండర్గా ఉంటుందని నిర్మాణ సంస్థ ప్రకటించింది.
పవన్ కళ్యాణ్ నటించిన ఈ చిత్రం త్వరలోనే విడుదల కానుంది.
VFX పనుల పూర్తి
దాదాపు నాలుగైదేళ్లుగా పెండింగ్ లో పడిన హరిహరవిరమల్లు సినిమా ప్రస్తుతం పరుగులు పెడుతోంది. రీసెంట్ గా షూటింగ్ కంప్లీట్ చేసుకున్న ఈమూవీ, పోస్ట్ ప్రొడక్షన్ పనులు కూడా అంతే స్పీడ్ గా జరుగుతున్నాయి. వరుస వాయిదాల తర్వాత చివరకు ఈ సినిమా రిలీజ్ కు రెడీ అవుతోంది.
క్రిష్ జాగర్లమూడి స్టార్ట్ చేసిన ఈమూవీ ప్రస్తుతం యంగ్ డైరెక్టర్ జ్యోతి కృష్ణ చేతిలోకి వెళ్ళింది. చారిత్రాత్మక నేపథ్యంలో రూపొందుతున్న ఈ యాక్షన్ అడ్వెంచర్ సినిమాను మెగా సూర్య ప్రొడక్షన్ సంస్థ నిర్మిస్తోంది.
విజువల్ వండర్గా హరిహర వీరమల్లు
తాజాగా, ఈ చిత్రానికి సంబంధించి విజువల్ ఎఫెక్ట్స్ (VFX) పనులు పూర్తి అయ్యాయని నిర్మాణ సంస్థ ప్రకటించింది. ఈ విషయాన్ని తెలియజేస్తూ, సంస్థ తమ అధికారిక సోషల్ మీడియా ఖాతా ద్వారా ఒక ఫోటోను షేర్ చేసింది. రెండున్నర సంవత్సరాలకు పైగా ఈ సినిమాపై తమ VFX బృందం అంకితభావంతో పని చేసిందని వెల్లడించింది.
నిర్మాణ సంస్థ తెలిపిన వివరాల ప్రకారం ఈ సినిమా విజ్యువల్ వండర్ కాబోతోంది. ఆడియన్స్ కు అద్భుతమైన అనుభూతిని అందించబోతోంది. ప్రతి సన్నివేశంలోనూ అత్యున్నత స్థాయి VFX ను వాడినట్టు తెలుస్తోంది. .ఇంతవరకూ తెలుగు సినిమాల్లో ఎన్నడూ చూడని విజువల్స్ను హరిహర వీరమల్లు సినిమా ద్వారా అందించబోతున్నాం అని మూవీ టీమ్ పేర్కొంది.
త్వరలోనే విడుదల తేదీ
ఈ సినిమా షూటింగ్ కూడా రీసెంట్ గా పూర్తయిన విషయం తెలిసిందే. ఇప్పుడు VFX పనులు పూర్తయ్యాయి దాంతో హరిహర వీరమల్లు సినిమా రిలీజ్ తేదీపై త్వరలోనే అధికారిక ప్రకటన వెలువడే అవకాశముంది. ఇప్పటికే ఈ చిత్రం అనేకసార్లు వాయిదా పడిన నేపథ్యంలో, అభిమానులు ఈసారి ఎట్టకేలకు థియేటర్లలో చూడాలనే ఆసక్తితో ఎదురుచూస్తున్నారు.
పవన్ కళ్యాణ్ కెరీర్లో ఈసినిమా స్పెషల్ కాబోతోంది. ఈ సినిమా కోసం ప్రత్యేకంగా శిక్షణ కూడా తీసుకున్నాడు పవన్. చారిత్రక నేపథ్యం, గ్రాండ్ మేకింగ్, ప్రత్యేకంగా రూపొందించిన యాక్షన్ సీన్స్ , ఇవన్నీ హరిహర వీరమల్లు ప్రత్యేకంగా నిలిపాయి. తాజాగా పూర్తి చేసిన VFX పనులు ఈ అంచనాలను మరింత పెంచుతున్నాయి. సినిమా విడుదల తేదీపై త్వరలోనే అఫీషియల్ అప్డేట్ వచ్చే అవకాశం ఉంది.
హరిహర వీరమల్లు సినిమా VFX పూర్తి కావడంతో విడుదలకు సిద్ధమవుతోంది. పవన్ కళ్యాణ్ అభిమానులకు ఇది గుడ్ న్యూస్. త్వరలోనే విడుదల తేదీ ప్రకటించబడుతుందని భావిస్తున్నారు.
