📌 Key Points
- ఉస్తాద్ భగత్ సింగ్ మూవీ విడుదల తేదీ ఫిక్స్: మార్చి 19న గ్రాండ్ రిలీజ్!
- పవన్ కళ్యాణ్, హరీష్ శంకర్ కాంబోలో వస్తున్న ఈ సినిమాపై భారీ అంచనాలు!
- త్రివిక్రమ్ సహాయం: స్క్రిప్ట్ సమయంలో పవన్, హరీష్కి డేట్స్ అడ్జస్ట్ చేయడంలో సహకారం!
- హరిహర వీరమల్లు, ఓజీ షూటింగ్స్తో బిజీగా ఉన్నా పవన్ డేట్స్ ఇచ్చినందుకు కృతజ్ఞతలు తెలిపిన హరీష్!
పవర్ స్టార్ పవన్ కళ్యాణ్, డైరెక్టర్ హరీష్ శంకర్ కాంబినేషన్లో వస్తున్న ఉస్తాద్ భగత్ సింగ్ చిత్రంపై భారీ అంచనాలు ఉన్నాయి. ఈ సినిమాకి త్రివిక్రమ్ శ్రీనివాస్ సహాయం చేయడం ఇప్పుడు హాట్ టాపిక్ గా మారింది. దీనికి సంబంధించిన పూర్తి వివరాలు ఇప్పుడు తెలుసుకుందాం.
ఉస్తాద్ భగత్ సింగ్ అప్డేట్స్ వైరల్
హరీష్ శంకర్ ‘షాక్’ చిత్రంతో దర్శకుడిగా కెరీర్ను ప్రారంభించాడు. ఈ మూవీ ఫ్లాప్ అయింది. ఆ తర్వాత మిరపకాయ్, గబ్బర్ సింగ్ చిత్రాలతో మంచి విజయాలను అందుకొని తెలుగులో తనకంటూ మంచి గుర్తింపును సంపాదించుకున్నాడు. తాజాగా ఈ దర్శకుడు ‘పవన్ కళ్యాణ్’తో ఉస్తాద్ భగత్ సింగ్ అనే చిత్రాన్ని రూపొందించాడు. ఈ మూవీని మార్చి 19న విడుదల చేయనున్నారు. ఈ చిత్ర విడుదల తేదీ దగ్గర పడడంతో హరీష్ శంకర్ పెద్ద ఎత్తున ప్రచారాలను నిర్వహిస్తూ వస్తున్నాడు.
పవన్ కళ్యాణ్ డేట్స్ అడ్జస్ట్ చేసిన త్రివిక్రమ్
అందులో భాగంగా అనేక ఇంటర్వ్యూలలో పాల్గొంటూ ఈ సినిమాకు సంబంధించిన అనేక విషయాలను తెలియజేస్తున్నాడు. తాజాగా హరీష్ శంకర్ ఓ ఇంటర్వ్యూలో పాల్గొన్నారు. అందులో హరీష్ శంకర్ కి పవన్ కళ్యాణ్ గారితో ఎవరైనా సినిమా చేస్తున్నారు అంటే ఆ సినిమా విషయంలో త్రివిక్రమ్ శ్రీనివాస్ గారి ఇన్వాల్వ్మెంట్ ఎంతో కొంత ఉంటుంది అని ఒక టాక్ ఉంది, మరి ఈ సినిమా విషయంలో కూడా ఆయన ఏమైనా ఇన్వాల్వ్ అయ్యారా అనే ప్రశ్న ఎదురయింది. దీనికి హరీష్ శంకర్… త్రివిక్రమ్ శ్రీనివాస్ గారు మా సినిమా విషయంలో ఏమాత్రం ఇన్వాల్వ్ కాలేదు, కానీ మా సినిమా అద్భుతంగా ముందుకు సాగడానికి ఎంతో సహాయం చేశారు.
హరీష్ శంకర్ కామెంట్స్: సినిమాపై అంచనాలు
ఒకరోజు నేను పవన్ కళ్యాణ్ గారికి స్క్రిప్ట్ చెప్పడానికి వెళ్ళాను, ఆ సమయంలో పవన్, త్రివిక్రమ్ ఇద్దరూ ఒకే చోట ఉన్నారు. నేను వెళ్లి స్క్రిప్ట్ చెపుతాను అనగానే త్రివిక్రమ్ గారు బయటికి వెళ్లిపోతా అన్నారు. నేను ఉండండి సార్ అని అన్నాను, కానీ ఆయన మాత్రం మీ మధ్యలో నేను వద్దు అని వెళ్ళిపోయారు. కానీ మా సినిమా సమయంలో పవన్ గారు హరిహర వీరమల్లు, ఓజీ షూటింగ్లతో బిజీగా ఉన్నారు. ఆ సినిమాల మధ్యలో మాకు డేట్స్ అడ్జస్ట్ చేసే విషయంలో ఆయన ఎంతో సహాయం చేశారు అని హరీష్ శంకర్ చెప్పుకొచ్చారు.
ఉస్తాద్ భగత్ సింగ్ చిత్రం విడుదల దగ్గర పడుతుండటంతో అభిమానుల్లో ఉత్సాహం నెలకొంది. పవన్ కళ్యాణ్ మరియు హరీష్ శంకర్ కాంబినేషన్ కోసం ఎదురుచూస్తున్న ప్రేక్షకులకు ఇది ఒక పండుగలాంటి వార్త. మరిన్ని అప్డేట్స్ కోసం చూస్తూ ఉండండి.
