ప్రముఖ నటుడు సిద్ధార్థ్ 22 ఏళ్లుగా సినీ పరిశ్రమలో ఉన్నా, సొంత ఇల్లు లేదని తాజాగా వెల్లడించాడు. 3BHK సినిమా ప్రమోషన్ల సందర్భంగా ఈ విషయాన్ని ఆయన బయటపెట్టాడు. తన భార్య అదితి రావు హైదరితో కలిసి ఇటీవలే ఒక ఇల్లు కొన్నాడని చెప్పాడు.
Key Points
22 ఏళ్ల సినీ జీవితం తర్వాత సిద్ధార్థ్ కొన్న సొంత ఇల్లు.
సిద్ధార్థ్ మరియు అదితి రావు హైదరి కలిసి కొన్న డ్రీం హౌస్.
3BHK సినిమా ప్రమోషన్స్ సమయంలో ఈ విషయం వెల్లడించడం.
ఇన్నేళ్ల కెరీర్ లో సొంత ఆస్తి లేకపోవడం ఆశ్చర్యాన్ని కలిగించింది.
సిద్ధార్థ్ సొంత ఇంటి కథ
Hero : సినీ పరిశ్రమలో ఒక్కసారి ఫేమ్ వస్తే దీపం ఉన్నప్పుడే ఇల్లు చక్కబెట్టుకోవాలని ఆస్తులు కొంటారు, బిజినెస్ లలో పెట్టుబడులు పెడతారు. కానీ ఈ హీరో మాత్రం 22 ఏళ్ళు నటుడిగా ఉన్నా, 25 ఏళ్ళు సినీ పరిశ్రమలో ఉన్నా ఇన్నాళ్లు సొంతిల్లు లేదట, ఇటీవలే కొన్ని నెలల క్రితమే ఇల్లు కొన్నాడట.
ఇంతకీ ఆ హీరో ఎవరో కాదు సిద్దార్థ్. తమిళ్, తెలుగులో అనేక సినిమాలతో హిట్స్ కొట్టి ఒకానొక సమయంలో స్టార్ హీరోగా ఎదిగి ప్రేక్షకులను మెప్పించిన సిద్దార్థ్ ఇంకా సినిమాలు చేస్తూనే ఉన్నాడు. సిద్దార్థ్ నటించిన 3BHK సినిమా జులై 4 రిలీజ్ కానుంది. ఈ సినిమా ఓ మిడిల్ క్లాస్ ఫ్యామిలీ సొంతింటి కల అనే కథాంశంతో తెరకెక్కిస్తున్నారు. ఈ ప్రమోషన్స్ లో భాగంగా ఓ ప్రెస్ మీట్ లో సిద్దార్థ్ తన సొంతింటి గురించి మాట్లాడారు.
3BHK సినిమా ప్రమోషన్స్
సిద్దార్థ్ మాట్లాడుతూ.. నేను సినీ పరిశ్రమకు వచ్చి ఆల్మోస్ట్ 25 ఏళ్ళు అయింది. నా సగం పైగా జీవితం సినిమాల్లోనే గడిపాను. కానీ నేను ఇప్పటివరకు ఒక్క ప్రాపర్టీ కూడా కొనుక్కోలేదు. నాకు సొంత ఇల్లు, ల్యాండ్ లాంటిది ఏమి లేదు. ఇప్పుడు నాకు పెళ్లి అయి బాధ్యతలు పెరిగాయి అందుకే రెండు నెలల క్రితమే సొంతిల్లు కొనుక్కున్నాను. అది నాకు, అదితికి కామన్ గా ఉన్న డ్రీం హౌస్. మా ఇద్దరికి ఒక ఇల్లు ఉండాలని ఆశపడి కొనుక్కున్నాం. పెళ్లి ఎప్పుడు చేసుకుంటాను, ఇల్లు ఎప్పుడు కొంటాను అని మా పేరెంట్స్ ఎదురుచూసేవారు. వాళ్ళ కోరికలు తీరాయి అని తెలిపాడు.
సిద్ధార్థ్, అదితి రావు హైదరి కలలు
సిద్దార్థ్ కొన్ని నెలల క్రితం హీరోయిన్ అదితి రావు హైదరిని ప్రేమించి పెళ్లి చేసుకున్న సంగతి తెలిసిందే. పెళ్లి తర్వాత ఇప్పుడు సొంతిల్లు కూడా కొన్నాను అని చెప్పాడు. ఇన్నేళ్ల నుంచి సినీ పరిశ్రమలో హీరోగా ఉండి సంపాదించినా సొంత ఇల్లు, ప్రాపర్టీ ఏం లేదా అని ఆశ్చర్యపోతున్నారు అంతా.
చివరగా, సిద్ధార్థ్ ఇన్నేళ్ళ తర్వాత సొంత ఇల్లు కొనుక్కోవడం ఆయన అభిమానులను సంతోషపెట్టింది. తన జీవితంలోని ఒక ముఖ్యమైన అధ్యాయాన్ని ఆయన పూర్తి చేసుకున్నాడు.
