బాలీవుడ్ స్టార్ హృతిక్ రోషన్ తన వృత్తి జీవితంలో ఎదుర్కొన్న సవాళ్ల గురించి పంచుకున్నాడు. చిన్నప్పటి నుండి వెన్ను నొప్పి, నత్తి సమస్యలతో బాధపడిన హృతిక్, తన కష్టాలను ఎలా అధిగమించాడో తెలుసుకుందాం.
Key Points
హృతిక్ రోషన్ కాలేజీ రోజుల్లో వెన్ను సమస్యతో బాధపడ్డాడు.
డాక్టర్లు డ్యాన్స్ చేయొద్దు అని సూచించినా, హృతిక్ తన లక్ష్యాన్ని సాధించాడు.
ఇండియాలోని ఉత్తమ నృత్యకారులలో ఒకడిగా హృతిక్ గుర్తింపు పొందాడు.
కాలేజీ రోజుల్లో వెన్ను సమస్య
Hrithik Roshan : సినీ సెలబ్రిటీలు అయినా ఎన్నో కష్టాలు పడే ఇప్పుడున్న స్టేజ్ కి చేరుకుంటారు. అలా బాలీవుడ్ స్టార్ హీరో హృతిక్ రోషన్ కూడా ఎంత స్టార్స్ ఫ్యామిలీ నుంచి వచ్చినా తాను కూడా కష్టపడ్డాను అని చెప్పాడు. ఎన్టీఆర్ – హృతిక్ రోషన్ కలిసి నటించిన వార్ 2 సినిమా ఆగస్టు 14న రిలీజ్ కానుంది. ఈ సినిమా ప్రమోషన్స్ లో భాగంగా హృతిక్ ఇచ్చిన ఇంటర్వ్యూలో ఆసక్తికర విషయం తెలిపాడు.
హృతిక్ రోషన్ మాట్లాడుతూ.. నేను కాలేజీ రోజుల్లో ఉన్నప్పుడు వెన్ను సమస్య రావడంతో డాక్టర్లు నేను డ్యాన్స్ చేయకూడదు అన్నారు. కానీ నాకేమో సినిమాల్లోకి వెళ్లాలని ఉండేది. అదే విషయం చెప్తే కష్టం ఇంకోసారి ఆలోచించుకో అన్నారు. నేను దాన్ని ఛాలెంజింగ్ గా తీసుకొని శారీరికంగా, మానసికంగా నన్ను నేను రెడీ చేసుకున్నాను అని తెలిపాడు. ఇవాళ ఇండియాలోనే బెస్ట్ డ్యాన్సర్ లో ఒకరిగా హృతిక్ నిలిచాడు.
నత్తి సమస్యను అధిగమించడం
ఇండియాలోని ఉత్తమ నృత్యకారుడు
అలాగే.. చిన్నతనంలో నాకు నత్తి ఉండేది. స్కూల్ లో అందరూ ఆటపట్టించేవారు. నేను ఇంటికొచ్చి ఏడ్చేవాడ్ని. నటుడు అవ్వాలని అనుకునే నా లాంటి వాళ్లకు నత్తి చాలా పెద్ద సమస్య. అది పోగొట్టుకోడానికి రోజూ ఉదయం నాలుగింటికి నిద్రలేచి స్పీచ్ క్లాసులకు వెళ్ళేవాడిని. చాలా కష్టపడి ఆ సమస్య నుంచి బయటపడ్డాను అని తెలిపాడు హృతిక్.
హృతిక్ రోషన్ తన కష్టాలను అధిగమించి, సినిమా రంగంలో విజయం సాధించడం ఒక స్ఫూర్తిదాయకమైన కథ. అతని పట్టుదల, కృషి అందరికీ ఆదర్శంగా నిలుస్తుంది.
