హైదరాబాద్లో సినీ పరిశ్రమకు నష్టం కలిగిస్తున్న భారీ మూవీ పైరసీ గ్యాంగ్ను పోలీసులు పట్టుకున్నారు. ఐదుగురు కీలక సభ్యులను అరెస్ట్ చేసి, పరికరాలను స్వాధీనం చేసుకున్నారు. కొత్త సినిమాలను రికార్డు చేసి కోట్లు సంపాదించిన ఈ ముఠాపై కఠిన చర్యలు తీసుకుంటామని కమిషనర్ హెచ్చరించారు.
Key Points
హైదరాబాద్లో భారీ మూవీ పైరసీ గ్యాంగ్ను పోలీసులు పట్టుకున్నారు.
ఐదుగురు కీలక నిందితులను అరెస్టు చేసి పరికరాలను స్వాధీనం చేసుకున్నారు.
కొత్త తెలుగు, హిందీ, తమిళ సినిమాలను థియేటర్ల నుండి రికార్డు చేశారు.
ఈ అక్రమ అమ్మకాల ద్వారా కోట్ల రూపాయల లాభాలు గడించారు.
పైరసీ గ్యాంగ్ పట్టివేత, అరెస్ట్లు
Movie Piracy: హైదరాబాద్ నగరంలో భారీ మూవీ పైరసీ రింగ్ను పట్టుకున్నట్లు నగర పోలీస్ కమిషనర్ తెలిపారు. ఈ కేసులో పోలీసులు ఐదుగురు కీలక నిందితులను అరెస్టు చేసినట్టు సమాచారం. వారి వద్ద నుంచి కంప్యూటర్లు, ల్యాప్టాప్లు, హార్డ్డిస్కులు, ఇంటర్నెట్ కనెక్టివిటీ లాంటి పరికరాలు స్వాధీనం చేసుకున్నారు. ఇక కమిషనర్ తెలిపిన వివరాల మేరకు.. నిందితులు ఇటీవల విడుదలైన తెలుగు, హిందీ, తమిళ సినిమాలను థియేటర్స్(Movie Piracy) లో రహస్యంగా రికార్డ్ చేసి, వాటిని ఆన్లైన్ ద్వారా అక్రమంగా అమ్మకాలు జరుపుతున్నారని, ఈ అమ్మకాల ద్వారా కోట్ల రూపాయల లాభాలను ఆర్జిస్తున్నారని తెలిపారు. దాదాపు వారం రోజులపాటు ప్రత్యేక బృందాలతో నిఘా పెట్టించి ఈ గ్యాంగ్ను పట్టుకున్నట్లు వివరించారు.
కోట్లు ఆర్జించిన పైరసీ ముఠా పనితీరు
Sasivadane Trailer: ప్రేమించాలని డిసైడ్ అయితే యుద్ధం చేయాల్సిందే.. ఆకట్టుకుంటున్న “శశివదనే” ట్రైలర్
సినిమా పరిశ్రమకు నష్టం: కమిషనర్ హెచ్చరిక
ఇంకా ఈ విషయం గురించి ఆయన మాట్లాడుతూ.. సినీ పరిశ్రమను దెబ్బతీసే పైరసీ మాఫియాను ఉపేక్షించమని, అలాంటి వారిపై కఠిన చర్యలు తీసుకుంటాం అని తెలిపారు. ప్రజలు కూడా పైరసీని ప్రోత్సహించకుండా కేవలం థియేటర్లలోనే సినిమాలు చూసి పరిశ్రమను ఆదుకోవాలని కోరారు. ఈ ఆపరేషన్ విజయవంతం కావడానికి సైబర్ క్రైమ్ పోలీసులు, టాస్క్ ఫోర్స్, స్థానిక పోలీస్ సిబ్బంది పనిచేశారని, వారికి కుతజ్ఞతలు తెలిపారు కమిషనర్.
పైరసీ అనేది సినీ పరిశ్రమకు తీవ్ర నష్టం కలిగిస్తుంది. హైదరాబాద్ పోలీసుల ఈ చర్య పైరసీ మాఫియాపై ఒక బలమైన సందేశాన్ని పంపుతుంది. ప్రజలు కూడా థియేటర్లలోనే సినిమాలు చూసి పరిశ్రమను ప్రోత్సహించాలని కమిషనర్ కోరారు.
