కె-ర్యాంప్ నిర్మాత రాజేష్ దండ ఇటీవల ప్రమోషన్స్లో చేసిన వివాదాస్పద వ్యాఖ్యలపై క్షమాపణలు చెప్పారు. ఓ వెబ్సైట్తో తలెత్తిన సమస్యపై ఆయన తన తప్పును ఒప్పుకున్నారు. మీడియా మద్దతు తనకు కావాలని కోరుతూ, భవిష్యత్తులో ఇలాంటివి జరగకుండా చూసుకుంటానన్నారు.
Key Points
‘కె-ర్యాంప్’ నిర్మాత రాజేష్ దండ గతంలో చేసిన వ్యాఖ్యలపై క్షమాపణలు చెప్పారు.
సినిమా ప్రమోషన్స్లో వెబ్సైట్తో వివాదం తలెత్తిన నేపథ్యంలో ఈ విషయం జరిగింది.
తన వ్యాఖ్యలు ఇబ్బందికరంగా ఉన్నాయని స్నేహితులు చెప్పినట్లు రాజేష్ దండ వెల్లడించారు.
ఇష్టానుసారం మాట్లాడే ముందు ఒకసారి ఆలోచించుకోవడం మంచిదని కొందరు సలహా ఇస్తున్నారు.
కె-ర్యాంప్ నిర్మాత వివాదం ఏమిటి?
సాధారణంగా దర్శక నిర్మాతలు సినిమా విడుదలకు ముందు ప్రమోషన్స్లో పలు వ్యాఖ్యలు చేస్తుంటారు. అవి కాస్త వివాదాస్పద మవ్వడంతో తప్పు తెలుసుకుని క్షమాపణలు చెప్తుంటారు. మరికొందరు మాత్రం కేసులు వరకు కూడా వెళ్తుంటారు. ఇక ఇటీవల ‘కె-ర్యాంప్’ (K-Ramp)నిర్మాత రాజేష్ దండ(Rajesh Danda), ఓ వెబ్సైట్కు వివాదం తలెత్తిన విషయం తెలిసిందే. ఈ చిత్రం దూసుకెళ్తున్న క్రమంలో.. నెగిటివ్ ప్రచారం చేశారని నిర్మాత ఓ ఈవెంట్లో రెచ్చిపోయి మాట్లాడారు.
రాజేష్ దండ క్షమాపణలు
అది కాస్త వివాదం అయి ఆయనపై పలువురు తీవ్రంగా విమర్శలు చేయడంతో పాటు ప్రొడ్యూసర్స్ కౌన్సిల్కు ఫిర్యాదు చేశారు. తాజాగా, జరిగిన కె-ర్యాంప్ సక్సెస్ సెలబ్రేషన్స్లో భాగంగా తన తప్పును తెలుసుకుని క్షమాపణలు చెప్పాడు. ‘‘నేను లాస్ట్ ప్రెస్మీట్లో మాట్లాడిని మాటలను వెనక్కి తీసుకుంటున్నాను. వారికీ నేను క్షమాపణలు కూడా చెప్పుకుంటున్నా.ఆ రోజు నేను వాడిన ఆ పదజాలం ఇబ్బందిగా ఉందని నా స్నేహితులు కూడా చెప్పారు. ఆరోజు నేను అలా మాట్లాడి ఉండకూడదు. మీడియా వారికి నేను ఎప్పుడూ వ్యతిరేకం కాదు.
సినీ వర్గాల స్పందన, సలహాలు
ఛాంబర్స్కి ఇచ్చిన లెటర్లో కూడా కొన్ని తప్పులు దొర్లాయి. ఇతర వెబ్సైట్స్ గురించి నేను మాట్లాడినవి వెనక్కి తీసుకుంటున్నా. అలాగే ట్వీట్లో ప్రస్తావించిన వ్యాఖ్యలు కూడా.. మీ అందరి సపోర్ట్ నాకు ఉండాలని కోరుకుంటున్నా’’ అని చెప్పుకొచ్చారు. దీంతో పలువురు తప్పు చేయడం ఎందుకు క్షమాపణలు చెప్పడం ఎందుకు.. ఇష్టం వచ్చినట్లు మాట్లాడేముందు ఒకసారి ఆలోచించుకోవడం మంచిదని సలహా ఇస్తున్నారు.
కె-ర్యాంప్ నిర్మాత రాజేష్ దండ చేసిన తప్పును తెలుసుకుని క్షమాపణలు చెప్పడం గమనార్హం. వివాదాలు సృష్టించే బదులు జాగ్రత్తగా ఉండాలని సినీ వర్గాలు సలహా ఇస్తున్నాయి. భవిష్యత్తులో ఇలాంటి సంఘటనలు పునరావృతం కాకుండా ఉండాలని ఆశిద్దాం.
