ఓటీటీలకు, సినీ నిర్మాతలకు పెద్ద తలనొప్పిగా మారిన ఐ-బొమ్మ నిర్వాహకుడు ఇమ్మడి రవిని పోలీసులు అరెస్ట్ చేశారు. కరేబియన్ దీవుల నుండి పైరసీ కార్యకలాపాలను నిర్వహిస్తూ, పోలీసులకు సవాల్ విసిరిన రవిని ఎట్టకేలకు పట్టుకున్నారు. ఇది సినీ పరిశ్రమకు గొప్ప ఉపశమనం.
Key Points
ఐ-బొమ్మ నిర్వాహకుడు ఇమ్మడి రవి హైదరాబాద్లో పోలీసులు అరెస్ట్ చేశారు.
కొత్త సినిమాలను పైరసీ చేస్తూ ఓటీటీలు, నిర్మాతలకు ఇతను తలనొప్పిగా మారాడు.
ఫ్రాన్స్ నుండి కరేబియన్ దీవుల ద్వారా తన పైరసీ నెట్వర్క్ను నడిపేవాడు.
పోలీసులకు సవాల్ విసిరి, 'దమ్ముంటే పట్టుకోమ్మని' ఐ-బొమ్మ టీమ్ హెచ్చరించింది.
అరెస్ట్కు దారితీసిన ఐ-బొమ్మ సవాల్
ఓటీటీలకు, నిర్మాతలకు పెద్ద తలనొప్పిగా మారిన ఐ-బొమ్మ నిర్వాహకుడు ఇమ్మడి రవిని పోలీసులు అరెస్ట్ చేశారు. ఫ్రాన్స్ నుంచి హైదరాబాద్కు వచ్చిన ఇమ్మడి రవిని పక్కా సమాచారంతో అరెస్ట్ చేశారు. దమ్ముంటే తమను పట్టుకోండి అని పోలీసులకు ఐ బొమ్మ టీమ్ సవాల్ విసిరిన విషయం తెలిసిందే.
అటు ఓటీటీలకు, ఇటు సినీ నిర్మాతలకు చుక్కలు చూపించిన అదిపెద్ద పైరసీ వెబ్సైట్ ఐ-బొమ్మ నిర్వాహకుడు ఇమ్మడి రవి అరెస్ట్ అయ్యాడు. కొత్తగా రిలీజ్ అయిన సినిమాలను, వెబ్ సిరీస్లను పైరసీ చేస్తూ ఐ బొమ్మ ప్రస్తుతం (బప్పమ్ టీవీ) వెబ్సైట్లో ఇమ్మడి రవి పోస్ట్ చేస్తుండేవాడు.
కరేబియన్ దీవుల నుంచి పైరసీ నిర్వహణ
ఇన్నేళ్లు పైరసీ సినిమాలను ఆన్లైన్లో పోస్ట్ చేసిన ఐ బొమ్మ నిర్వాహకుడు ఇమ్మడి రవిని పోలీసులు ఎట్టకేలకు అరెస్ట్ చేశారు. శనివారం (నవంబర్ 15) ఉదయం కూకట్పల్లిలో సీఎస్ పోలీసులు ఇమ్మడి రవిని అదుపులోకి తీసుకున్నారు.
అయితే, వరల్డ్ వైడ్గా రిలీజ్ అయిన సినిమాలను అదే రోజు ఐ బొమ్మలో పెట్టడంతో ఈ సైట్ తీవ్ర చర్చనీయాంశంగా మారింది. కొత్త సినిమాల రిలీజ్ ఉన్న ప్రతిసారి నిర్మాతలు ఈ వెబ్సైట్ గురించి ప్రస్తావించేవారు. అలాగే, పోలీసులకు నిర్మాతల మండలి ఫిర్యాదు కూడా చేసేది.
ఇమ్మడి రవి వ్యక్తిగత, ఆర్థిక వివరాలు
ముఖ్యంగా ఐ బొమ్మ వంటి సైట్స్ను వదిలిపెట్టేది లేదని హెచ్చరించారు సీపీ సీవీ ఆనంద్. పోలీసుల వార్నింగ్ తర్వాత ఐ బొమ్మ వారికి సవాల్ విసిరింది. దమ్ముంటే తమను పట్టుకోమ్మని, తమను పట్టుకుంటే ఎవరిని ఎక్కడ ఫోకస్ చేయాలో బాగా తెలుసు అని, తమ దగ్గర చాలా మంది ప్రైవేట్ డాటా ఉందని బెదిరింపులకు పాల్పడింది.
ఇకపోతే ఐ బొమ్మ నిర్వాహకుడు అయిన ఇమ్మడి రవి భార్య నుంచి విడాకులు తీసుకుని ఒంటరిగా జీవిస్తున్నాడు. ఫ్రాన్స్లో ఉంటూ వివిధ దేశాల్లో తన నెట్వర్క్ను విస్తరింపజేసుకున్నాడు. ఎక్కువగా కరేబియన్ దీవుల నుంచి మ్యానేజ్ చేసేవాడు.
ఇమ్మడి రవి అరెస్ట్తో పైరసీకి వ్యతిరేకంగా పోరాటంలో సినీ పరిశ్రమకు ఇది ఒక ముఖ్యమైన విజయం. ఐ-బొమ్మ వంటి వెబ్సైట్లపై కఠిన చర్యలు కొనసాగితేనే నష్టపోతున్న నిర్మాతలకు న్యాయం జరుగుతుంది.
