📌 Key Points
- శ్వేతా బసు ప్రసాద్ ‘కొత్త బంగారు లోకం’ నటిగా తెలుగు ప్రేక్షకులకు సుపరిచితం.
- ఆమె తన కెరీర్లో వచ్చే 10 ప్రాజెక్టులలో 9కి ‘నో’ చెబుతారు.
- మంచి పాత్ర కోసం 6 నెలలు ఖాళీగా ఇంట్లో కూర్చోవడానికి కూడా సిద్ధం.
- తాను ముందు ప్రేక్షకులని, ఆ తర్వాతే నటినని ఆమె అభిప్రాయం.
‘కొత్త బంగారు లోకం’ నటి శ్వేతా బసు ప్రసాద్ తన కెరీర్ గురించి ఆసక్తికర వ్యాఖ్యలు చేశారు. మంచి పాత్రల కోసం 6 నెలలు ఖాళీగా ఉండటానికైనా సిద్ధమని, 10 ప్రాజెక్టులలో 9కి ‘నో’ చెబుతానని ఆమె తెలిపారు. ప్రస్తుతం ఓటీటీలో ఆమెకు మంచి గుర్తింపు లభిస్తోంది.
చాలా సెలెక్టివ్గా ఉంటాను: శ్వేతా బసు ప్రసాద్
ఒకప్పుడు తెలుగులో కొత్త బంగారు లోకం మూవీలో నటించి మెప్పించిన నటి శ్వేతా బసు ప్రసాద్ తెలుసు కదా. తాను చాలా సెలెక్టివ్ గా కెరీర్లో ముందుకు సాగడంపై హిందుస్థాన్ టైమ్స్ కు ఇచ్చిన ఇంటర్వ్యూలో స్పందించింది.
తెలుగు ప్రేక్షకులకు ‘కొత్త బంగారు లోకం’లో అమాయకమైన పాత్రతో దగ్గరైన శ్వేతా బసు ప్రసాద్.. ప్రస్తుతం ఓటీటీ వేదికగా ప్రేక్షకులకు దగ్గరవుతోంది. ఈ ఒక్క ఏడాదే ఆమె నటించిన ‘ఊప్స్.. అబ్ క్యా?’, ‘క్రిమినల్ జస్టిస్’, తాజాగా సోనీ లివ్లో విడుదలైన ‘మహారాణి సీజన్ 4’ ప్రేక్షకులను అలరించాయి. చేతి నిండా పని ఉన్నప్పటికీ, తాను ఎంచుకునే పాత్రల విషయంలో మాత్రం చాలా కఠినంగా ఉంటానని ఆమె హిందుస్థాన్ టైమ్స్తో చెప్పింది.
ఆరు నెలలు ఖాళీగా ఉన్నా పర్లేదు
మంచి పాత్ర కోసం ఆరు నెలలు ఖాళీగా ఉంటా
“ప్రయోగాలు చేయడానికి నేను భయపడను. ప్రాజెక్ట్లకు ‘నో’ చెప్పడానికి అస్సలు సంకోచించను. నిజం చెప్పాలంటే నా దగ్గరకు వచ్చే ప్రతి 10 ప్రాజెక్టులలో 9 నేను తిరస్కరిస్తాను. మంచి పాత్ర కోసం ఆరు నెలలు ఇంట్లో ఖాళీగా కూర్చోవాల్సి వచ్చినా నాకు ఓకే. నేను వేచి ఉంటాను” అని తెలిపింది.
నాకు ఆ ‘హడావిడి’ అవసరం లేదు
ప్రేక్షకురాలిగా ఆలోచిస్తా..
నేను ముందు ప్రేక్షకులని, ఆ తర్వాతే నటిని
“నేను ముందు ఒక ప్రేక్షకురాలిని.. ఆ తర్వాతే నటిని. నేను చూడటానికి ఇష్టపడే కథలనే ఎంచుకుంటాను. ఇప్పుడు రచయితలు ప్రయోగాలు చేస్తున్నారు. ప్రేక్షకులు అన్ని రకాల జానర్లను ఆదరిస్తున్నారు. ఒక నటిగా ఇది చాలా మంచి సమయం” అని ఆమె అభిప్రాయపడింది.
‘మహారాణి’ ఒక సొంత ఇల్లు లాంటిది
మొత్తానికి, శ్వేతా బసు ప్రసాద్ తన కెరీర్ను చాలా స్పష్టమైన విజన్తో ముందుకు తీసుకెళ్తున్నారు. మంచి పాత్రల ఎంపికలో రాజీ పడకుండా, నాణ్యతకు ప్రాధాన్యత ఇస్తూ ఆమె తీసుకున్న నిర్ణయాలు ప్రశంసనీయం.
