📌 Key Points
- శంకర్, లైకా సంస్థ మధ్య ‘ఇండియన్ 3’ విడుదలపై వివాదం!
- ‘ఇండియన్ 2’ డిజాస్టర్తో ‘ఇండియన్ 3’ భవితవ్యం ప్రశ్నార్థకం!
- రామ్ చరణ్తో ‘గేమ్ చేంజర్’ పూర్తి చేసిన శంకర్, నెక్స్ట్ ఏంటి?
- శంకర్ కెరీర్కు ‘ఇండియన్ 3’ కొత్త టెన్షన్ తెచ్చిందా?
దర్శకుడు శంకర్ ఇప్పుడు కొత్త సమస్యల్లో చిక్కుకున్నారు. ‘ఇండియన్ 2’ చిత్రం ఆశించిన ఫలితం ఇవ్వకపోవడంతో, ‘ఇండియన్ 3’ విడుదల ప్రశ్నార్థకంగా మారింది. లైకా ప్రొడక్షన్స్తో వివాదం మరింత ముదిరింది.
‘ఇండియన్ 2’ ఫ్లాప్ ఎఫెక్ట్: ‘ఇండియన్ 3’పై నీలినీడలు!
ఇండియన్ సినీ పరిశ్రమలోనే గొప్ప గుర్తింపును సంపాదించుకున్న దర్శకులలో శంకర్ ఒకరు. జెంటిల్మెన్ చిత్రంతో మొదలైన ఈయన ప్రస్థానం రోబో వరకు అద్భుతంగా సాగింది. ఆ తర్వాత ఈ దర్శకుడికి మెల్లమెల్లగా కష్టాలు మొదలయ్యాయి. రోబో చిత్రం తర్వాత శంకర్ దర్శకత్వంలో వచ్చిన ఏ చిత్రం కూడా భారీ విజయాన్ని అందుకోలేదు. అయినా కూడా ఈ దర్శకుడిని నమ్మి వందల కోట్లు పెట్టిన నిర్మాతలు ఉన్నారు. శంకర్కు ఫుల్ క్రేజ్ తెచ్చిపెట్టిన చిత్రాలలో ఇండియన్ మొదటి స్థానంలో ఉంటుంది.
లైకా ప్రొడక్షన్స్తో శంకర్ గొడవలు మళ్ళీ మొదలయ్యాయా?
ఈ సినిమాని తెలుగులో భారతీయుడు పేరుతో విడుదల చేశారు. కమల్ హాసన్ ఇందులో హీరోగా నటించారు. ఇందులోని కమల్ నటనకు, శంకర్ దర్శకత్వ ప్రతిభకు జనాలు ఫిదా అయ్యారు. ఈ సినిమా విడుదల అయిన చాలా సంవత్సరాలకి ‘ఇండియన్ 2’ని స్టార్ట్ చేశారు. లైకా సంస్థ ఈ సినిమా నిర్మాణ బాధ్యతలను తీసుకుంది. ఈ చిత్ర షూటింగ్ స్టార్ట్ అయిన కొన్ని రోజుల నుండి శంకర్, లైకా మధ్య విభేదాలు రావడం మొదలయ్యాయి. దాంతో ఈ దర్శకుడు ‘ఇండియన్ 2’ను పక్కన పెట్టేసి రామ్ చరణ్ హీరోగా గేమ్ చేంజర్ స్టార్ట్ చేశాడు.
‘గేమ్ చేంజర్’ తర్వాత శంకర్ పరిస్థితి ఏంటి?
దాంతో లైకా వారు కోర్టు వరకు వెళ్లారు. ఆ తర్వాత గొడవ సర్దుమనిగింది, శంకర్ ఏకకాలంలో ‘ఇండియన్ 2’, ‘గేమ్ చేంజర్’ షూటింగ్లను పూర్తి చేశాడు. ఇండియన్ 2 చిత్రాన్ని రెండు భాగాలుగా విడుదల చేయనున్నట్లు ప్రకటించారు. ఇప్పటికే విడుదల అయిన మొదటి భాగం భారీ డిజాస్టర్ కావడంతో ఇండియన్ 3 ఊసే లేకుండా పోయింది. కానీ లైకా సంస్థ వారు మాత్రం శంకర్ ‘ఇండియన్ 3’ని పూర్తి చేశాకే వేరే సినిమా చేయాలి అని, లేనట్లయితే లీగల్ గా వెళ్లాలని భావిస్తున్నట్లు తెలుస్తుంది. అదే జరిగితే శంకర్ కెరీర్ మరింత కష్టాల్లో పడే అవకాశం ఉంది అని కోలీవుడ్ వర్గాలు అభిప్రాయపడుతున్నాయి.
శంకర్ కెరీర్ ఇప్పుడు ప్రమాదంలో పడింది. ‘ఇండియన్ 3’ విడుదల అవుతుందా లేదా అనేది వేచి చూడాలి. ఈ సినిమా గురించి మరిన్ని అప్డేట్స్ కోసం చూస్తూ ఉండండి.
