📌 Key Points
- ఐపీఎల్ సీజన్ 19 గ్రాండ్ ఫైనల్ మరికాసేపట్లో ప్రారంభం కానుంది.
- డిఫెండింగ్ ఛాంపియన్ ఆర్సీబీ వర్సెస్ గుజరాత్ టైటాన్స్ మధ్య జరగనున్న ఫైనల్ మ్యాచ్.
- ఆర్సీబీ రెండోసారి టైటిల్ గెలవాలని ఫ్యాన్స్ ప్రత్యేక పూజలు నిర్వహించారు.
- టీమ్ జర్సీతో పూజలు, ప్రసాదం పంపిణీ చేస్తున్న వీడియో సోషల్ మీడియాలో వైరల్.
క్రికెట్ అభిమానులు ఎంతో ఆసక్తిగా ఎదురుచూస్తున్న ఐపీఎల్ ఫైనల్ మరికాసేపట్లో ప్రారంభం కానుంది. డిఫెండింగ్ ఛాంపియన్ రాయల్ ఛాలెంజర్స్ బెంగళూరు, గుజరాత్ టైటాన్స్ మధ్య జరగనున్న ఈ మ్యాచ్ కోసం ఇరు జట్లు సిద్ధమవుతుండగా, ఆర్సీబీ ఫ్యాన్స్ తమ జట్టు గెలుపు కోసం ప్రత్యేక పూజలు నిర్వహించి వార్తల్లో నిలిచారు.
ఐపీఎల్ ఫైనల్: జట్ల వ్యూహాలు
క్రికెట్ లవర్స్ కు ఫేవరేట్ లీగ్ ఐపీఎల్ (IPL) ముగింపు దశకు చేరుకుంది. క్రికెట్ ప్రపంచం ఎంతో ఉత్కంఠగా ఎదురుచూస్తున్న ఐపీఎల్ సీజన్ 19 గ్రాండ్ ఫైనల్ మ్యాచ్ ఇవాళ సాయంత్రం 7:30లకు మొదలుకాబోతోంది. డిఫెండింగ్ చాంపియన్ రాయల్ ఛాలెంజర్స్ బెంగళూరు వర్సెస్ గుజరాత్ టైటాన్స్ తలపడబోతున్నాయి. రెండోసారి టైటిల్ తమ ఖాతాలో వేసుకునేందుకు ఇరు జట్లు పకడ్బందీ వ్యూహాలతో గ్రౌండ్ లోకి అడుగుపెట్టబోతున్నాయి. ఇప్పటికే ప్రత్యర్థి జట్టును కట్టడి చేసే విషయంలో ఇరు జట్లు ఎవరి ప్రణాళికలు వారు వేసుకోగా ఇక తమ అభిమాన జట్టు గెలవాలని ఫ్యాన్స్ ప్రత్యేక పూజలు నిర్వహిస్తున్నారు.
ఐపీఎల్ లీగ్ ప్రారంభం నుంచి ఊరిస్తూ వస్తున్న టైటిల్ కలను గతేడాది సాకారం చేసుకున్న ఆర్సీబీ అదే ఉత్సాహంతో రెండోసారి కప్పుపై కన్నేసింది. వరుసగా రెండో టైటిల్ పట్టేయాలని టీమ్ పట్టుదల ప్రదర్శిస్తుంటే తమ అభిమాన జట్టు గెలవాలని ఆర్సీబీ ఫ్యాన్స్ పూజలు మొదలు పెట్టేశారు. బెంగళూరులో ఆర్సీబీ పేరుతో అభిమానులు టీమ్ జర్సీని దేవుడి ముందు ఉంచి ప్రత్యేక పూజలు నిర్వహించారు. అనంతరం జట్టు గెలుపు కోరుతూ ప్రసాదం సైతం పంపిణీ చేశారు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్గా మారింది.
ఆర్సీబీ ఫ్యాన్స్ ప్రత్యేక పూజలు
వైరల్ అవుతున్న ఫ్యాన్స్ భక్తి
ఆర్సీబీ ఫ్యాన్స్ తమ జట్టుపై చూపిన ఈ అపారమైన ప్రేమ, భక్తి సోషల్ మీడియాలో వైరల్గా మారింది. రెండోసారి కప్పు గెలవాలని ఆకాంక్షిస్తున్న ఆర్సీబీకి ఈ పూజలు ఎంతవరకు కలిసొస్తాయో చూడాలి.
