📌 Key Points
- హోర్ముజ్ జలసంధి గుండా వెళ్లే నౌకలపై టోల్ ఛార్జీలు విధించాలని ఇరాన్ పార్లమెంట్ నిర్ణయం.
- అమెరికా, ఇజ్రాయెల్ నౌకలను ఈ మార్గంలో వెళ్లకుండా నిషేధించాలని ఇరాన్ యోచన.
- ఒక్కో నౌకపై సుమారు 2 మిలియన్ డాలర్ల వరకు పన్ను విధించే అవకాశం ఉంది.
- అమెరికా ఈ నిర్ణయాన్ని ఖండించింది, ఇది అంతర్జాతీయ జలాల పరిధిలోకి వస్తుందని పేర్కొంది.
పశ్చిమాసియాలో ఉద్రిక్త పరిస్థితుల నడుమ, హోర్ముజ్ జలసంధిపై టోల్ విధించాలని ఇరాన్ పార్లమెంట్ నిర్ణయించింది. ఈ నిర్ణయం ద్వారా సముద్ర మార్గంపై మరింత నియంత్రణ సాధించాలని ఇరాన్ భావిస్తోంది. ఇది ప్రపంచ రాజకీయాల్లో ఒక కీలక పరిణామం కానుంది.
హోర్ముజ్ జలసంధిపై టోల్ విధింపునకు ఇరాన్ ఆమోదం
పశ్చిమాసియాలో యుద్ధం తీవ్రమవుతున్న నేపథ్యంలో హోర్ముజ్ జలసంధిపై మరింత నియంత్రణ సాధించే ప్రయత్నంలో భాగంగా ఇరాన్ పార్లమెంటరీ భద్రతా కమిటీ కొత్త ప్రణాళికను ఆమోదించింది. దీంతో ప్రపంచంలోనే అత్యంత కీలకమైన ఈ సముద్ర మార్గం గుండా ప్రయాణించే నౌకలపై టోల్ ఛార్జీలు విధించాలని ఇరాన్ పార్లమెంట్ గ్రీన్ సిగ్నల్ ఇచ్చింది. ఇరాన్ కొత్త ప్రణాళికలో ఇంధన మార్గం గుండా వెళ్లే నౌకలపై ఇరాన్ కరెన్సీ ‘రియాల్’లో సుంకాలు విధించడమే కాకుండా, అమెరికా, ఇజ్రాయెల్ నౌకలను ఈ మార్గంలో వెళ్లకుండా నిషేధించడం వంటి చర్యలు ఉన్నాయి. టోల్ వసూలు విషయంలో ఇరాన్ పార్లమెంట్ భద్రతా కమిటీ సభ్యుడు అలాద్దీన్ బరూజెర్ది గతంలో మీడియాతో మాట్లాడుతూ.. ఒక్కో నౌకపై సుమారు 2 మిలియన్ డాలర్లు(మన కరెన్సీలో దాదాపు రూ.18.7 కోట్లు) వరకు పన్ను విధించనున్నట్లు చెప్పారు.
ప్రధానంగా ఇరాన్ పార్లమెంట్ తన ప్రణాళికలో టోల్ వసూలు మాత్రమే కాకుండా, హార్మూజ్ జలసంధి భద్రత, పర్యావరణ రక్షణ, నౌకల భద్రత వంటి అంశాలను చేర్చింది. అమెరికా, ఇజ్రాయెల్ నౌకలతో పాటు ఇరాన్పై ఆంక్షలు విధించే దేశాల నౌకలకు కూడా అనుమతి ఇవ్వకూడదని నిర్ణయించారు. అలాగే, ఈ జలమార్గం కోసం ఒమన్తో కలిసి చట్టపరమైన విధానాలు రూపొందించాలని కూడా ఇరాన్ భావిస్తోంది. అయితే, ఈ నిర్ణయాన్ని ఖండించిన అమెరికా.. ఈ మార్గం అంతర్జాతీయ జలాల పరిధిలోకి వస్తుందని, టోల్ వసూలు చేసేందుకు ఇరాన్కు ఎలాంటి చట్టబద్ధత లేదని చెబుతోంది. ఇప్పటికే యూఎస్-ఇరాన్ యుద్ధం వల్ల ప్రపంచ చమురు సరఫరాకు తీవ్ర అంతరాయం ఏర్పడిన నేపథ్యంలో, హార్మూజ్ జలసంధిపై నియంత్రణ అంతర్జాతీయంగా కీలక వ్యవహారంగా మారింది.
అమెరికా, ఇజ్రాయెల్ నౌకలపై నిషేధం?
టోల్ విధింపుపై అమెరికా ఆగ్రహం
హోర్ముజ్ జలసంధిపై ఇరాన్ నిర్ణయం అంతర్జాతీయంగా చర్చనీయాంశంగా మారింది. దీని ప్రభావం ప్రపంచ చమురు సరఫరాపై ఏ విధంగా ఉంటుందో వేచి చూడాలి. అమెరికా ఎలా స్పందిస్తుందో చూడాలి.
