📌 Key Points
- కువైట్ గగనతలంలో అమెరికాకు చెందిన F-15E యుద్ధ విమానం కూలిపోయింది.
- ఇరాన్ క్షిపణుల దాడి వల్లే అమెరికా విమానాలు కూలాయని కువైట్ ప్రకటన.
- అమెరికా యుద్ధ విమానాలను కూల్చింది తామేనని ఇరాన్ ప్రకటన విడుదల చేసింది.
- అమెరికా మాత్రం ఈ ఘటనపై ఇంకా అధికారికంగా స్పందించలేదు.
పశ్చిమ ఆసియాలో ఇరాన్, అమెరికా, ఇజ్రాయెల్ మధ్య ఉద్రిక్తతలు పెరుగుతున్న సమయంలో కువైట్ గగనతలంలో అమెరికాకు చెందిన F-15E యుద్ధ విమానం కూలిపోయింది. కువైట్ దీనికి ఇరాన్ దాడియే కారణమని చెబుతోంది.
కువైట్లో కూలిన అమెరికా యుద్ధ విమానం
అమెరికాకు ఇరాన్ బిగ్ షాక్ ఇచ్చింది. పశ్చిమ ఆసియాలో ఇరాన్- అమెరికా-ఇజ్రాయెల్ మధ్య యుద్ధ ఉద్రిక్తతలు కొనసాగుతున్న తరుణంలో, కువైట్ గగనతలంలో అమెరికాకు చెందిన F-15E స్ట్రైక్ ఈగిల్ ఫైటర్ జెట్ కూలిపోయింది. పశ్చిమ అల్ జహ్రా ప్రాంతంలో ఈ ప్రమాదం జరిగింది. విమానం నియంత్రణ కోల్పోయి నేరుగా భూమి వైపు దూసుకు రావడాన్ని గమనించిన పైలట్లు వెంటనే బయటకు దూకేశారు. పారాచూట్ ద్వారా కిందకు దిగిన పైలట్లను స్థానిక కువైట్ పౌరులు సురక్షితంగా అధికారులకు అప్పగించిన వీడియోలు ప్రస్తుతం సోషల్ మీడియాలో వైరల్ అవుతున్నాయి.
కువైట్, ఇరాక్ సంచలన ప్రకటనలు
ఇరాన్, కువైట్ ప్రకటనలు
ఈ ఘటనపై కువైట్ రక్షణ శాఖ స్పందిస్తూ అత్యంత కీలకమైన ప్రకటన చేసింది. ఇరాన్ ప్రయోగించిన క్షిపణుల దాడి కారణంగా కువైట్ భూభాగంలో ఉన్న అనేక అమెరికా యుద్ధ విమానాలు కూలిపోయాయని కువైట్ అధికారికంగా వెల్లడించింది. మరోవైపు ఇరాన్ కూడా రంగంలోకి దిగి, తామే అమెరికా యుద్ధ విమానాలను కూల్చేశామని అధికారిక ప్రకటన విడుదల చేసింది. ఈ పరిణామాలు పశ్చిమ ఆసియాలో యుద్ధ ఉద్రిక్తతలు పతాక స్థాయికి చేరాయని స్పష్టం చేస్తున్నాయి.
అమెరికా మౌనం – ఫ్రెండ్లీ ఫైర్ అనుమానాలు..
అమెరికా మౌనం – అనుమానాలు
కువైట్, ఇరాక్ దేశాలు అమెరికా విమానాల పతనంపై ప్రకటనలు చేసినప్పటికీ, అగ్రరాజ్యం అమెరికా మాత్రం ఈ నష్టంపై ఇప్పటివరకు ఎటువంటి అధికారిక వివరణ ఇవ్వలేదు. విమాన శిధిలాలు కువైట్లోని మినా అల్ అహ్మదీ (Mina Al Ahmadi) రిఫైనరీ కాంప్లెక్స్లో పడటంతో ఇద్దరు కార్మికులకు స్వల్ప గాయాలయ్యాయి. ప్రస్తుతం కువైట్ భద్రతా దళాలు పైలట్లను తమ అదుపులోకి తీసుకుని సురక్షిత ప్రాంతానికి తరలించాయి. ఇదిలా ఉంటే అమెరికా తమ యుద్ధ విమానాలు కూలిపోవడంపై చాకచక్యంగానే మౌనం వహిస్తుందనే వాదనలు వినిపిస్తున్నాయి.
పశ్చిమ ఆసియాలో ఉద్రిక్త పరిస్థితులు మరింత తీవ్రమయ్యే సూచనలు కనిపిస్తున్నాయి. అమెరికా దీనిపై ఎలా స్పందిస్తుందో వేచి చూడాలి. ఈ ఘటన ప్రాంతీయంగా పెను మార్పులకు దారితీయవచ్చు.
