📌 Key Points
- ఇజ్రాయెల్, ఇరాన్ యుద్ధం నేపథ్యంలో కిమ్ జోంగ్ ఉన్ ఇజ్రాయెల్ను హెచ్చరించినట్లు వైరల్ అవుతున్న వార్తలు.
- టెహ్రాన్లోని ఉత్తర కొరియా రాయబార కార్యాలయంపై ఇజ్రాయెల్ దాడి చేసిందని వస్తున్న వార్తల్లో నిజం లేదని ఫ్యాక్ట్ చెక్ ద్వారా వెల్లడి.
- ఇరాన్ మీడియా కానీ, ఉత్తర కొరియా అధికారిక వార్తా సంస్థ కానీ ఈ వార్తను ధృవీకరించలేదు.
- ప్రజల్లో భయాందోళనలు కలిగించడానికి తప్పుడు సమాచారం స్ప్రెడ్ చేస్తున్నారని నిపుణులు హెచ్చరించారు.
ఇజ్రాయెల్, ఇరాన్ మధ్య యుద్ధం జరుగుతున్న వేళ, ఉత్తర కొరియా అధ్యక్షుడు కిమ్ జోంగ్ ఉన్ ఇజ్రాయెల్ను హెచ్చరించారంటూ సోషల్ మీడియాలో వార్తలు చక్కర్లు కొడుతున్నాయి. ఈ వార్తల్లో వాస్తవం ఎంతవరకు ఉందో చూద్దాం.
వైరల్ అవుతున్న వార్తల్లో నిజమెంత?
ఇజ్రాయెల్, ఇరాన్ మధ్య జరుగుతున్న యుద్ధం నేపథ్యంలో, ఉత్తర కొరియా అధ్యక్షుడు కిమ్ జోంగ్ ఉన్ ఇజ్రాయెల్ను హెచ్చరించినట్లు సోషల్ మీడియాలో వార్తలు వైరల్ అవుతున్నాయి.
ఇజ్రాయెల్ కు కిమ్ జోంగ్ వార్నింగ్..!
ఫ్యాక్ట్ చెక్ నివేదిక ఏం చెబుతోంది?
ప్రస్తుతం ప్రపంచవ్యాప్తంగా మధ్యప్రాచ్య దేశాలలో జరుగుతున్న యుద్ధ పరిణామాలు పెను సంచలనం సృష్టిస్తున్నాయి. ఈ క్రమంలో, ఇరాన్ రాజధాని టెహ్రాన్లోని ఉత్తర కొరియా రాయబార కార్యాలయం(Embassy) పై ఇజ్రాయెల్ వైమానిక దాడులు చేసిందని, దీనికి ప్రతిస్పందనగా కిమ్ జోంగ్ ఉన్ ఇజ్రాయెల్ను “తుడిచిపెట్టేస్తాం” అని హెచ్చరించినట్లు కొన్ని పోస్ట్లు ఫేస్బుక్, ఎక్స్ వైరల్ అయ్యాయి. “ఇజ్రాయెల్ తన పరిమితులను దాటుతోంది, ఇక యుద్ధం తప్పదు” అని ప్రకటన విడుదల చేశారు. ఇందులో అమెరికా జోక్యం చేసుకుంటే పరిణామాలు తీవ్రంగా ఉంటాయని కూడా ఆయన హెచ్చరించినట్లు పేర్కొన్నారు.
నిపుణుల హెచ్చరికలు – ప్రజలు అప్రమత్తంగా ఉండాలి
అంతర్జాతీయ వార్తా సంస్థలు, ఫ్యాక్ట్ చెక్ నిపుణులు ఈ వార్తలను పరిశీలించగా, ఇందులో ఎటువంటి వాస్తవం లేదని తేలింది. ఇరాన్లోని టెహ్రాన్లో ఉన్న ఉత్తర కొరియా రాయబార కార్యాలయంపై ఇజ్రాయెల్ దాడి చేసినట్లు ఎటువంటి అధికారిక ఆధారాలు లేవని తెలిపింది. ఇటు ఇరాన్ మీడియా కానీ, అటు ఉత్తర కొరియా అధికారిక వార్తా సంస్థ ‘KCNA’ (Korean Central News Agency) కానీ ఈ ఘటనను ధృవీకరించలేదు. అయితే ప్రస్తుతం సోషల్ మీడియాలో వైరల్ అవుతున్న చాలా పోస్ట్లలో పాత సైనిక విన్యాసాల ఫోటోలను, గతంలో సిరియాలోని ఇరాన్ కాన్సులేట్పై జరిగిన దాడుల ఫోటోలను వాడుతున్నట్లు గుర్తించారు. మిడిల్ ఈస్ట్ యుద్ధం బీకరస్థాయికి చేరుకున్న నేపథ్యంలో ప్రజలలో భయాందోళనలు కలిగించడానికి, రాజకీయ ప్రయోజనాల కోసం ఇటువంటి తప్పుడు సమాచారం స్ప్రెడ్ అవుతోందని, అంతర్జాతీయ వ్యవహారాల్లో అధికారిక ప్రకటనలు వచ్చే వరకు సోషల్ మీడియాలో వచ్చే ఇటువంటి పోస్ట్లను నమ్మకూడదని నిపుణులు సూచిస్తున్నారు.
మధ్యప్రాచ్యంలో ఉద్రిక్త పరిస్థితుల నేపథ్యంలో తప్పుడు వార్తలు వ్యాప్తి చెందుతున్నాయి. అధికారిక ప్రకటనలు వచ్చేవరకు ప్రజలు సోషల్ మీడియాలో వచ్చే వార్తలను నమ్మవద్దని నిపుణులు సూచిస్తున్నారు.
