బాలీవుడ్ సూపర్ హిట్ మూవీ జాట్ 2 గురించి ఆసక్తికరమైన వార్త వైరల్ అవుతోంది. ఈ సీక్వెల్ నుంచి దర్శకుడు గోపీచంద్ మలినేని తప్పుకోగా, శ్రీరామ్ ఆదిత్య దర్శకత్వం వహించనున్నారని సమాచారం. మాస్ యాక్షన్ అనుభవం లేని శ్రీరామ్ జాట్ 2ను ఎలా తెరకెక్కిస్తాడోనని అభిమానుల్లో ఆసక్తి నెలకొంది.
Key Points
జాట్ 2 సినిమాకు దర్శకుడు గోపీచంద్ మలినేని తప్పుకున్నట్లు వార్తలు.
శ్రీరామ్ ఆదిత్య జాట్ 2 దర్శకత్వ బాధ్యతలు చేపట్టబోతున్నట్లు సమాచారం.
శ్రీరామ్ ఆదిత్యకు ఇప్పటివరకు మాస్, యాక్షన్ సినిమాల అనుభవం లేదు.
గోపీచంద్ మలినేని బాలకృష్ణతో భారీ పీరియాడికల్ డ్రామా చేయనున్నారు.
జాట్ సినిమా సూపర్ హిట్: గోపీచంద్ మలినేని దర్శకత్వంలో!
Jaat 2: జాట్.. బాలీవుడ్ స్టార్ సన్నీ డియోల్ హీరోగా వచ్చిన ఈ మూవీ సూపర్ హిట్ అయ్యింది. చాలా కాలం తరువాత సన్నీ డియోల్ ను మాస్ అండ్ యాక్షన్ రోల్ లో చేయడంతో ఆయన ఫ్యాన్స్ పండగ చేసుకున్నారు. తెలుగు దర్శకుడు గోపీచంద్ మలినేని(Jaat 2) తెరకెక్కించిన ఈ మాస్ ఎంటెర్టైనర్ బాలీవుడ్ ఆడియన్స్ ను సూపర్ గా ఆకట్టుకుంది. కథ రొటీన్ అయినప్పటికీ డిఫరెంట్ స్క్రీన్ ప్లేతో ఆడియన్స్ ను మెస్మరైజ్ చేశాడు గోపీచంద్ మలినేని. మరీ ముఖ్యంగా యాక్షన్ సీన్స్ అయితే గూస్బంప్స్ తెప్పించాయి. జాట్ సినిమాకు తెలుగు నేటివిటీ కూడా ఉండటంతో ఈ సినిమాను తెలుగు ఆడియన్స్ కూడా బాగానే ఎంజాయ్ చేశారు.
Rajesh Danda: సింపతీ కార్డుతో పనులు అవ్వవు.. కంటెంట్ ఉండాలి.. నేను కూడా చాలా చేశాను..
జాట్ 2 నుంచి గోపీచంద్ అవుట్: కొత్త దర్శకుడు శ్రీరామ్ ఆదిత్య?
ఇక ఈ సినిమాకు సీక్వెల్ గా జాట్ 2 కూడా ఉంటుందని మేకర్స్ ఇప్పటికే ప్రకటించారు. కానీ, అది ఎప్పుడు ఉంటుంది అనే విషయంపై మాత్రం క్లారిటీ రాలేదు. అయితే, తాజాగా జాట్ 2 గురించి ఒక న్యూస్ సోషల్ మీడియాలో వైరల్ అవుతోంది. అదేంటంటే, జాట్ 2 సినిమా త్వరలోనే స్టార్ట్ కాబోతుందట. అయితే, ఈసారి దర్శకుడు మారబోతున్నాడు అనే వార్తలు వినిపిస్తున్నాయి. అవును, జాట్ 2 సినిమా కోసం గోపిచంద్ మలినేని కాకుండా శ్రీరామ్ ఆదిత్య వర్క్ చేయబోతున్నాడట. ఈ దర్శకుడు గతంలో భలే మంచి రోజు, శమంతమని, దేవ్ దాస్, మనమే లాంటి సినిమాలు చేశాడు.
శ్రీరామ్ ఆదిత్య హ్యాండిల్ చేయగలడా? మ్యాజిక్ రిపీట్ అవుతుందా?
శ్రీరామ్ ఆదిత్య ఇప్పటి వరకు మాస్ అండ్ యాక్షన్ ఎంటర్టైనర్ సినిమా ఒక్కటి కూడా చేయలేదు. మరి అలాంటి దర్శకుడు జాట్ లాంటి హైవోల్టేజ్ యాక్షన్ డ్రామాను ఎలా హ్యాండిల్ చేయగలడు అనేది ఇప్పుడు ఆసక్తికరంగా మారింది. ఇక జాట్ సినిమా తరువాత దర్శకుడు గోపించంద్ మలినేని నందమూరి బాలకృష్ణతో మరి సినిమా చేయబోతున్నాడు. పీరియాడికల్ డ్రామాగా రాబోతున్న ఈ సినిమాను భారీ ఎత్తున తెరకెక్కించనున్నాడట గోపించంద్ మలినేని. అందుకే, జాట్ సినిమా నుంచి ఆయన తప్పుకున్నట్లు తెలుస్తోంది. ఇక త్వరలోనే ఈ ప్రాజెక్టుపై అధికారిక ప్రకటన వచ్చే అవకాశం ఉంది.
జాట్ 2 దర్శకత్వ మార్పుపై అధికారిక ప్రకటన రావాల్సి ఉంది. గోపీచంద్ మలినేని బాలకృష్ణతో కొత్త ప్రాజెక్ట్కు సిద్ధమవుతుండగా, శ్రీరామ్ ఆదిత్య జాట్ 2తో ఎలాంటి మ్యాజిక్ చేస్తాడో చూడాలి.
