📌 Key Points
- రజినీకాంత్ ‘జైలర్ 2’లో షారుఖ్ ఖాన్ అతిథి పాత్రలో నటించనున్నట్లు పుకార్లు వినిపిస్తున్నాయి.
- ఈ పాత్ర కోసం గతంలో బాలకృష్ణను సంప్రదించారనే వార్తలున్నాయి, కానీ ఆయన ఒప్పుకోలేదని టాక్.
- షారుఖ్ ఖాన్ చేయాల్సిన భాగం షూటింగ్ మార్చి 2026లో ప్లాన్ చేసినట్లు సమాచారం.
- ‘జైలర్ 2’లో రజినీకాంత్ పాండియన్ పాత్రలో విగ్రహాల స్మగ్లింగ్ ముఠాతో పోరాడుతాడు.
రజినీకాంత్ సూపర్ హిట్ చిత్రం ‘జైలర్ 2’ గురించి ఓ ఆసక్తికరమైన వార్త ప్రస్తుతం వైరల్ అవుతోంది. బాలకృష్ణకు బదులుగా బాలీవుడ్ బాద్షా షారుఖ్ ఖాన్ ఈ సినిమాలో అతిథి పాత్రలో కనిపించనున్నారని తెలుస్తోంది. ఈ బిగ్ స్టార్ కాంబినేషన్ కోసం అభిమానులు ఎదురుచూస్తున్నారు.
‘జైలర్ 2’లో షారుఖ్ ఖాన్ అతిథి పాత్ర
బాలీవుడ్ బాద్షా షారుఖ్ ఖాన్ చాలా గ్యాప్ తరువాత మరోసారి కోలీవుడ్లోకి అడుగుపెడుతున్నారు. ‘హే రామ్’ తర్వాత.. తాజాగా రజినీకాంత్ ‘జైలర్ 2’లో ఆయన అతిథి పాత్రలో కనిపించనున్నారని టాక్ వినిపిస్తుంది. ఈ పాత్ర కోసం గతంలో బాలకృష్ణను సంప్రదించారట మేకర్స్. కానీ ఆయన ఒప్పుకోలేదన్న పుకార్లు వినిపిస్తున్నాయి.
జైలర్ 2 స్థాయిని పెంచడానికి మూవీ టీమ్ స్టార్ హీరోలతో గెస్ట్ రోల్స్ చేయిస్తున్నారు. ఈక్రమంలో బాలయ్య బాబును కూడా అడిగినట్టు తెలుస్తోంది. అంతే కాదు ఇందులో ఒక హిందీ సూపర్ స్టార్ను కూడా తీసుకోవాలి అనే ఆలోచనతో షారుఖ్ ను సంప్రదించినట్లు తాజా సమాచారం. అయితే దీనిపై ఇప్పటి వరకూ ఎటువంటి అధికారిక ప్రకటన రాలేదు. ఇండస్ట్రీలో మాత్రం షారుఖ్ ఖాన్ రజినీకాంత్తో స్క్రీన్ పంచుకునే అవకాశం ఉన్నట్టు టాక్ నడుస్తోంది.
బాలకృష్ణ స్థానంలో బాలీవుడ్ స్టార్
షారుఖ్ ఖాన్ చేయాల్సిన భాగం షూటింగ్ మార్చి 2026లో ప్లాన్ చేసినట్లు సమాచారం. మొదట ‘కూలీ’లో అతిథి పాత్ర కోసం ఆయన్ని సంప్రదించినా, ఆయన తిరస్కరించడంతో ఇప్పుడు ‘జైలర్ 2’ కోసం ఖరారయ్యారని తెలుస్తోంది.
రజినీకాంత్ – షారుఖ్ కాంబో అప్డేట్స్
‘జైలర్ 2’ మొదటి భాగానికి కొనసాగింపుగా ఉంటుంది. ఇందులో రజినీకాంత్ పాండియన్ పాత్రలో విగ్రహాల స్మగ్లింగ్ ముఠాతో పోరాడతాడు. కాగా ప్రస్తుతం షారుఖ్ సుహానా ఖాన్తో కలిసి ‘కింగ్’ సినిమా షూటింగ్లో బిజీగా ఉన్నారు.
ఈ వార్తలపై ఇంకా అధికారిక ప్రకటన రానప్పటికీ, షారుఖ్, రజినీకాంత్ ఒకే తెరపై కనిపించడం ఖచ్చితంగా సినిమా స్థాయిని పెంచుతుంది. రాబోయే రోజుల్లో దీనిపై స్పష్టత వచ్చే అవకాశం ఉంది.
