📌 Key Points
- బెంగళూరులో ఎన్టీఆర్ ఆస్పత్రి ప్రారంభోత్సవానికి హాజరు
- ఎన్టీఆర్ రాకతో భారీగా తరలివచ్చిన అభిమానులు
- అభిమానుల తాకిడికి ధ్వంసమైన ఎస్కలేటర్, తప్పిన ప్రమాదం
- ప్రస్తుతం ప్రశాంత్ నీల్ దర్శకత్వంలో ‘డ్రాగన్’ సినిమాలో ఎన్టీఆర్
టాలీవుడ్ స్టార్ హీరో జూనియర్ ఎన్టీఆర్ బెంగళూరులోని ఒక ఆస్పత్రి ప్రారంభోత్సవానికి హాజరయ్యారు. ఆయన రాకతో అభిమానులు భారీగా తరలిరావడంతో అక్కడ గందరగోళం నెలకొంది. అభిమానుల తాకిడికి ఎస్కలేటర్ ధ్వంసం కావడం కలకలం రేపింది.
బెంగళూరులో ఎన్టీఆర్ ఆస్పత్రి ప్రారంభోత్సవం
Jr NTR: టాలీవుడ్ స్టార్ హీరో జూనియర్ ఎన్టీఆర్ ఎక్కడికి వెళ్లినా అభిమానుల సందడి కనిపిస్తుంది. ఇటీవల బెంగళూరులో జరిగిన ఒక ఆస్పత్రి ప్రారంభోత్సవ కార్యక్రమానికి ఆయన హాజరయ్యారు. ఈ కార్యక్రమానికి ఎన్టీఆర్ వస్తున్నారని తెలుసుకున్న అభిమానులు పెద్ద సంఖ్యలో అక్కడికి చేరుకున్నారు.
ఎన్టీఆర్ను దగ్గరగా చూడాలని అభిమానులు ఆసక్తిగా ఎదురు చూశారు. దీంతో కార్యక్రమం జరుగుతున్న ప్రదేశంలో భారీగా జనసందోహం ఏర్పడింది. కొంతమంది అభిమానులు ఎన్టీఆర్ దగ్గరకు చేరుకోవాలని ముందుకు రావడంతో అక్కడ కొంత గందరగోళ పరిస్థితి ఏర్పడింది.
ఈ సమయంలో అక్కడ ఉన్న ఎస్కలేటర్పై కూడా చాలా మంది ఎక్కేందుకు ప్రయత్నించారు. ఒక్కసారిగా ఎక్కువ మంది ఎక్కడంతో ఎస్కలేటర్ దెబ్బతిన్నట్లు సమాచారం. దీంతో అక్కడ కొంత భయం నెలకొంది. అదృష్టవశాత్తూ పెద్ద ప్రమాదం జరగకుండా తప్పింది.
Aagi mari chusadu 🫠🫠🫠 pakka gurthu pettukuntadu Tym ochinapdu denguthadu
అభిమానుల అత్యుత్సాహం.. ఎస్కలేటర్ ధ్వంసం
pic.twitter.com/pgYeFxauTF
— Mangapathi (@mangapathiii) March 8, 2026
ఈ ఘటన ఎన్టీఆర్ కళ్ల ముందే జరిగింది. ఆ పరిస్థితిని చూసిన ఆయన కొంతసేపు వెనక్కి తిరిగి చూశారు. అభిమానుల ఉత్సాహం కారణంగా ఈ పరిస్థితి ఏర్పడింది.
‘డ్రాగన్’ షూటింగ్లో బిజీగా ఎన్టీఆర్
అక్కడ ఉన్న భద్రతా సిబ్బంది వెంటనే స్పందించి జనాన్ని నియంత్రించే ప్రయత్నం చేశారు. కొద్దిసేపటికి పరిస్థితి అదుపులోకి వచ్చింది. తర్వాత కార్యక్రమం సాధారణంగా కొనసాగింది. ఇక ఈ ఈవెంట్ స్పీచ్ లో పలు విషయాల గురించి కీలక వ్యాఖ్యలు చేశారు జూనియర్ ఎన్టీఆర్. ఉమెన్స్ డే గురించి కూడా ఆసక్తికర వ్యాఖ్యలు చేశారు. అలానే రోడ్ సేఫ్టీ గురించి కూడా మాట్లాడారు. ఇక గతంలో అభిమానులు ఇలా ప్రవర్తించడంతో ఒకసారి తన ఆగ్రహం వ్యక్తం చేసిన సంగతి తెలిసిందే. మరి ఈరోజు జరిగిన విషయంపై కూడా జూనియర్ ఎన్టీఆర్ స్పందిస్తారా లేదా చూడాలి.
ప్రస్తుతం జూనియర్ ఎన్టీఆర్ దర్శకుడు ప్రశాంత్ నీల్ తెరకెక్కిస్తున్న భారీ సినిమా ‘డ్రాగన్’ షూటింగ్లో బిజీగా ఉన్నారు. ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. దేవర తరువాత జూనియర్ ఎన్టీఆర్ నుంచి వస్తున్న సినిమా ఇదే కావడంతో.. పాన్ ఇండియా పరంగా ఈ చిత్రంపై భారీ అంచనాలు ఉన్నాయి. ఇక మరో పక్క దేవర రెండో భాగం షూటింగ్ కూడా త్వరలోనే మొదలవ్వనుండి అని వార్తలు వినిపిస్తున్నాయి.
ఎన్టీఆర్ సమక్షంలో జరిగిన ఈ ఘటన అభిమానుల అత్యుత్సాహానికి అద్దం పడుతోంది. భద్రతా సిబ్బంది వెంటనే స్పందించడంతో పెను ప్రమాదం తప్పింది. దీనిపై ఎన్టీఆర్ ఎలా స్పందిస్తారో చూడాలి.
