కార్తిక్ రాజు తాజా చిత్రం ‘అట్లాస్ సైకిల్ అత్తగారు పెట్లే’ పూజా కార్యక్రమం జరిగింది. కాజల్ చౌదరి జంటగా నటిస్తున్న ఈ సినిమా 1980ల వరంగల్ నేపథ్యంలో తెరకెక్కుతుంది. ఈ సినిమా కామెడీ, ఎమోషనల్ అంశాలతో ఉంటుందని దర్శకుడు తెలిపారు.
Key Points
కార్తిక్ రాజు మరియు కాజల్ చౌదరి జంటగా ‘అట్లాస్ సైకిల్ అత్తగారు పెట్లే’ సినిమా
1980ల వరంగల్ నేపథ్యంలో కామెడీ, ఎమోషనల్ పీరియాడికల్ సినిమా
సినిమా పూజా కార్యక్రమం సురేష్ బాబు, తమ్మారెడ్డి భరద్వాజ్ వంటి ప్రముఖుల సమక్షంలో జరిగింది
త్వరలోనే సినిమా షూటింగ్ ప్రారంభం కానుంది
సినిమా పూజా కార్యక్రమం
Karthik Raju : కౌసల్యా కృష్ణమూర్తి, అథర్వ లాంటి సినిమాలతో మెప్పించిన కార్తిక్ రాజు తాజాగా కొత్త సినిమా మొదలుపెట్టాడు. కార్తిక్ రాజు, అనగనగా ఫేమ్ కాజల్ చౌదరి జంటగా తెరకెక్కిస్తున్న సినిమా ‘అట్లాస్ సైకిల్ అత్తగారు పెట్లే’. శ్రీ రామకృష్ణ సినిమా బ్యానర్ పై గాలి కృష్ణ నిర్మాణంలో రాజా దుస్సా దర్శకత్వంలో ఈ సినిమా తెరకెక్కుతుంది.
తాజాగా ‘అట్లాస్ సైకిల్ అత్తగారు పెట్లే’ సినిమా పూజ కార్యక్రమం రామా నాయుడు స్టూడియోలో నిర్వహించారు. ఈ కార్యక్రమానికి నిర్మాత సురేష్ బాబు, తమ్మారెడ్డి భరద్వాజ, డైరెక్టర్స్ భీమనేని శ్రీనివాస రావు, క్రాంతి మాధవ్.. పలువురు గెస్టులుగా హాజరయ్యారు. తమ్మారెడ్డి భరద్వాజ స్క్రిప్ట్ అందచేయగా సురేష్ బాబు క్లాప్ కొట్టారు. తొలి షాట్ కి భీమనేని శ్రీనివాసరావు దర్శకత్వం వహించారు.
కథానాయకుడు, నటి ప్రకటనలు
పూజ కార్యక్రమం అనంతరం రాజా దుస్సా మాట్లాడుతూ.. ఇది కామెడీ, ఎమోషన్ తో కూడిన పీరియాడికల్ సినిమా. 1980లో వరంగల్లో జరిగిన యథార్థ సంఘటనల ఆధారంగా ఈ సినిమా చేస్తున్నాం. కార్తిక్ రాజు, కాజల్ చౌదరి జంటగా త్వరలోనే షూటింగ్ మొదలు కానుంది అని తెలిపారు. హీరో కార్తిక్ రాజు మాట్లాడుతూ.. 80వ దశకంలో జరిగే కథతో ఈ సినిమా రాబోతోంది. కాజల్ చౌదరి ప్రస్తుతం ట్రెండింగ్ లో ఉంది. ఆమెతో కలిసి నటిస్తుండటం ఆనందంగా ఉంది. ఇంత మంచి కథను నాకు ఇచ్చిన డైరెక్టర్ రాజా దుస్సా, నిర్మాత గాలి కృష్ణ గారికి ధన్యవాదాలు అని తెలిపాడు.
సినిమా వివరాలు
కాజల్ చౌదరి మాట్లాడుతూ.. తెలుగు ప్రేక్షకులు ప్రస్తుతం నా మీద ఎంతో ప్రేమను కురిపిస్తున్నారు. ఈ సినిమాతో కూడా త్వరలో మీ ముందుకు వచ్చి మెప్పిస్తాను అని తెలిపింది.
కాజల్ చౌదరితో కలిసి నటించడం ఆనందంగా ఉందని కార్తిక్ రాజు పేర్కొన్నారు. 1980ల వరంగల్ నేపథ్యంలో తెరకెక్కుతున్న ఈ చిత్రం త్వరలోనే ప్రేక్షకుల ముందుకు రానుంది.
