బాలీవుడ్లో ప్రముఖ నటి కత్రినా కైఫ్ తల్లి కాబోతున్నారని వార్తలు వస్తున్నాయి. ఆమె ఈ విషయాన్ని సోషల్ మీడియా ద్వారా వెల్లడించింది. ఈ వార్త విని సినీ ప్రముఖులు, అభిమానులు ఆనందం వ్యక్తం చేస్తున్నారు.
Key Points
బాలీవుడ్ స్టార్ కపుల్ కత్రినా కైఫ్ మరియు విక్కీ కౌశల్ తల్లిదండ్రులు కాబోతున్నారు.
కత్రినా తన గర్భధారణను ఇన్స్టాగ్రామ్ ద్వారా ప్రకటించింది.
సెలబ్రిటీల నుండి అభినందనలు వెల్లువలా వస్తున్నాయి.
ఈ జంట 2021 డిసెంబర్లో వివాహం చేసుకున్నారు.
కత్రినా కైఫ్ గర్భధారణ ప్రకటన
బాలీవుడ్ లో మరో స్టార్ కపుల్ పేరేంట్స్ కాబోతున్నారు. కత్రినా కైఫ్, విక్కీ కౌశల్ తల్లిదండ్రులు కాబోతున్నారు. కత్రినా కైఫ్ ప్రెగ్నెన్సీ విషయాన్ని ఇవాళ (సెప్టెంబర్ 23) అనౌన్స్ చేశారు. ఇన్ స్టాగ్రామ్ ద్వారా కత్రినా కైఫ్ గర్భం దాల్చిన విషయాన్ని వెల్లడించారు. ఈ వార్త బయటకు రాగానే సెలబ్రిటీల రియాక్షన్ వైరల్ గా మారింది.
కత్రినా కైఫ్ ప్రెగ్నెంట్ అనే విషయాన్ని మంగళవారం ఇన్ స్టాగ్రామ్ ద్వారా అనౌన్స్ చేశారు. ‘‘ఆనందం, కృతజ్ఞత నిండిన హృదయంతో కొత్త ఛాప్టర్ ప్రారంభించేందుకు మా జీవితాల్లోకి రాబోతుంది’’ అని కత్రినా కైఫ్ , విక్కీ కౌశల్ తమ ఇన్ స్టా అకౌంట్లలో పేర్కొన్నారు. కత్రినా కైఫ్ బేబీ బంప్ ను విక్కీ కౌశల్ ప్రేమగా పట్టుకున్న ఫొటోను పోస్టు చేశారు. ఈ ఫొటో పోస్టు చేయగానే ఇంటర్నెట్ లో వైరల్ గా మారింది.
సోషల్ మీడియాలో వైరల్
కత్రినా కైఫ్ ప్రెగ్నెన్సీ న్యూస్ వైరల్ గా మారింది. ఈ బాలీవుడ్ హీరోయిన్ పోస్టుకు లైక్ లు, కామెంట్లు పోటెత్తుతున్నాయి. జాన్వీ కపూర్, ప్రగ్యా జైస్వాల్, భూమి ఫడ్నేకర్ కామెంట్లు పెట్టారు. ప్రగ్యా, భూమి ఏమో రెడ్ హార్ట్ ఎమోజీలు కామెంట్ గా పెట్టారు. జాన్వీ ఏమో ‘కంగ్రాచ్యులేషన్స్ కంగ్రాచ్యులేషన్స్ కంగ్రాచ్యులేషన్స్’ అని కామెంట్ చేసింది. ఈ పోస్టుకు తమన్నా భాటియా లైక్ కొట్టింది.
కత్రినా కైఫ్, విక్కీ కౌశల్ 2021 డిసెంబర్ 9న పెళ్లి చేసుకున్నారు. హిందూ సాంప్రదాయ పద్ధతిలో రాజస్థాన్ లో ఈ వివాహ వేడుక ఘనంగా జరిగింది. అప్పుడు వాళ్ల అఫీషియల్ వెడ్డింగ్ ఫొటోలు తెగ వైరల్ గా మారాయి. ఆ టైమ్ లో ఇన్ స్టాగ్రామ్ లో అత్యధిక లైక్ లు వచ్చిన పోస్టుగా నిలిచింది.
సెలబ్రిటీల అభినందనలు
2003లో వచ్చిన భూమ్ సినిమాతో తెరంగేట్రం చేసింది కత్రినా కైఫ్. ఆ తర్వాతి ఏడాది వెంకటేష్ సరసన మల్లీశ్వరి సినిమాతో తెలుగులో అడుగుపెట్టింది. ఆ తర్వాత తెలుగులో అల్లరి పిడుగు అనే మరో సినిమా చేసింది. చివరగా 2024లో మెర్రీ క్రిస్ట్ మన్ అనే సినిమాలో నటించింది కత్రినా.
వైవిధ్యమైన సినిమాలో చేస్తూ బాలీవుడ్ లో సూపర్ స్టార్ గా ఎదుగుతున్నాడు విక్కీ కౌశల్. బ్యాడ్ న్యూజ్ తో కామెడీ రోల్ లో అదరగొట్టాడు. ఈ ఏడాది ఛావా మూవీతో బాక్సాఫీస్ రికార్డులు బద్దలుకొట్టాడు విక్కీ కౌశల్. డిఫరెంట్ కాన్సెప్ట్ సినిమాలతో సాగిపోతున్నాడు.
కత్రినా కైఫ్ మరియు విక్కీ కౌశల్ దంపతులకు సినీ ప్రముఖులు, అభిమానులు శుభాకాంక్షలు తెలియజేస్తున్నారు. ఈ సంతోషకరమైన సందర్భాన్ని వారు జరుపుకుంటున్న తీరు అందరినీ ఆకట్టుకుంటోంది.
