📌 Key Points
- కిరణ్ అబ్బవరం దర్శకత్వంలో ‘రియాలిటీ’ మూవీతో సరికొత్త ప్రయోగం!
- మే 2026లో షూటింగ్ ప్రారంభం, అదే ఏడాది దీపావళికి విడుదల లక్ష్యం!
- స్వీయ నిర్మాణంలో ‘తిమ్మరాజుపల్లె టీవీ’ ఏప్రిల్ 17న విడుదల కానుంది.
- అమెజాన్ ప్రైమ్లో వెబ్ సిరీస్తో ఓటీటీలోకి అడుగుపెట్టనున్న కిరణ్!
టాలీవుడ్ యంగ్ హీరో కిరణ్ అబ్బవరం ఇప్పుడు మరో సంచలనానికి తెర తీశారు. వరుస విజయాలతో దూసుకుపోతున్న ఆయన త్వరలోనే దర్శకుడిగా మారబోతున్నారు. దీనికి సంబంధించిన పూర్తి వివరాలు ఇప్పుడు చూద్దాం.
దర్శకుడిగా మారిన కిరణ్ అబ్బవరం
Kiran Abbavaram: టాలీవుడ్ యంగ్ హీరో కిరణ్ అబ్బవరం ప్రస్తుతం వరుస విజయాలతో దూసుకుపోతున్నారు. క, కె-ర్యాంప్ సినిమాలతో బాక్సాఫీస్ వద్ద భారీ విజయాన్ని అందుకున్నాడు. ఈ రెండు విజయాలతో ఆయన మార్కెట్, క్రేజ్ రెట్టింపు అయ్యింది. ప్రస్తుతం ఆయనకు పది కోట్ల వరకు రెమ్యునరేషన్ ఇచ్చేందుకు సిద్ధం అవుతున్నారు నిర్మాతలు. కానీ, ఆ ఆఫర్లను పక్కన పెట్టి పెట్టి తనలోని దర్శకుడిని ప్రేక్షకులకు పరిచయం చేయాలని నిర్ణయించుకున్నాడు. గతంలో షార్ట్ ఫిలిమ్స్ చేసిన అనుభవంతో ఇప్పుడు సినిమాను డైరెక్ట్ చేయడానికి సిద్ధం అవుతున్నాడు.
‘రియాలిటీ’ మూవీతో సరికొత్త ప్రయోగం
అదే ‘రియాలిటీ’. ప్రస్తుతం జనరేషన్ కి తగ్గట్టుగా ఈ రియాలిటీ అనే కథను సిద్ధం చేసుకున్నాడు కిరణ్ అబ్బవరం(Kiran Abbavaram). ఈ ప్రాజెక్ట్ ఇప్పుడు ఇండస్ట్రీ వర్గాల్లో హాట్ టాపిక్ గా మారింది. కేవలం దర్శకుడిగానే కాదు నిర్మాతగా కూడా కిరణ్ అబ్బవరం ఫుల్ బిజీగా గడుపుతున్నారు. ఆయన సొంత బ్యానర్లో నిర్మించిన ‘తిమ్మరాజుపల్లె టీవీ’ చిత్రం ఏప్రిల్ 17న విడుదలకు సిద్ధంగా ఉంది. దీనితో పాటు అమెజాన్ ప్రైమ్ వీడియో కోసం రూపొందుతున్న ఒక వెబ్ సిరీస్ ద్వారా ఆయన ఓటీటీ రంగంలోకి కూడా అడుగుపెడుతున్నాడు. ఇలా వెండితెరపైనే కాకుండా డిజిటల్ ప్లాట్ఫామ్స్ మీద కూడా తన ముద్ర వేయడానికి కిరణ్ గట్టి ప్రయత్నాలే చేస్తున్నారు.
నిర్మాతగా కూడా బిజీగా కిరణ్
ఇక కిరణ్ అబ్బవరం దర్శకత్వం వహించనున్న ‘రియాలిటీ’ చిత్రం మే 2026లో షూటింగ్ ప్రారంభించుకోనుంది. తన హిట్ సెంటిమెంట్ను ఫాలో అవుతూ ఈ సినిమాను కూడా నవంబర్ నెలలో దీపావళి కానుకగా విడుదల చేయాలని మేకర్స్ ప్లాన్ చేస్తున్నారు. నటుడిగా, నిర్మాతగా, ఇప్పుడు దర్శకుడిగా ఇలా మూడు విభిన్న పాత్రలను పోషిస్తూ కిరణ్ అబ్బవరం టాలీవుడ్లో సరికొత్త ట్రెండ్ సెట్ చేస్తున్నారు కిరణ్ అబ్బవరం.
కిరణ్ అబ్బవరం నటుడిగా, నిర్మాతగా, దర్శకుడిగా తన సత్తా చాటేందుకు సిద్ధంగా ఉన్నారు. ఈ సినిమా గురించిన మరిన్ని అప్డేట్స్ కోసం చూస్తూ ఉండండి.
