📌 Key Points
- 1969లో తెలంగాణ ఉద్యమంలో 369 మందిని కాంగ్రెస్ కాల్చి చంపిందని కిషన్ రెడ్డి ఆరోపించారు.
- ఆంధ్రప్రదేశ్లో ఏడు విమానాశ్రయాలు ఉంటే తెలంగాణలో ఒకటే ఉండటం కాంగ్రెస్, బీఆర్ఎస్ వైఫల్యమే అన్నారు.
- అమరావతి చట్టబద్ధత బిల్లుకు తెలంగాణ బీజేపీ మద్దతు తెలుపుతోందని కిషన్ రెడ్డి స్పష్టం చేశారు.
- రాష్ట్ర విభజన తర్వాత రెండు రాష్ట్రాలు పోటీతత్వంతో అభివృద్ధి చెందాలని కిషన్ రెడ్డి ఆకాంక్షించారు.
కేంద్ర మంత్రి కిషన్ రెడ్డి కాంగ్రెస్ పార్టీపై తీవ్ర విమర్శలు చేశారు. 1969 తెలంగాణ ఉద్యమంలో 369 మందిని కాంగ్రెస్ కాల్చి చంపిందని ఆరోపించారు. అంతేకాకుండా, తెలంగాణ రాష్ట్ర అభివృద్ధిపై కాంగ్రెస్, బీఆర్ఎస్ ప్రభుత్వాల వైఫల్యాలను ఎత్తి చూపారు.
కాంగ్రెస్ పై కిషన్ రెడ్డి తీవ్ర విమర్శలు
లోక్ సభలో ప్రవేశపెట్టి అమరావతి చట్టబద్ధత బిల్లుపై కేంద్రమంత్రి కిషన్ రెడ్డి కీలక వ్యాఖ్యలు చేశారు. ఈ సందర్భంగా తెలంగాణ విభజన అంశాన్ని ప్రస్తావించారు. తెలంగాణ ప్రజలు కాంగ్రెస్ మెడలు వంచి ప్రత్యేక రాష్ట్రాన్ని సాధించారన్నారు. 1969లో కాంగ్రెస్ పార్టీ.. తెలంగాణ పోరాటంలో పాల్గొన్న 369 మందిని తుపాకులతో కాల్చి చంపిందని విమర్శించారు. జై తెలంగాణ అన్నందుకు విద్యార్థులను కాల్చి చంపిన ఘనత కాంగ్రెస్ దే అన్నారు. చివరి దశలో కూడా 1200 మంది ఆత్మ బలిదానంతో తెలంగాణ వచ్చిందని పేర్కొన్నారు. ఆంధ్రప్రదేశ్ లో నేడు ఏడు ఎయిర్ పోర్టులు ఉన్నాయని, తెలంగాణలో కేవలం ఒకే ఒక్క ఎయిర్ పోర్టు మాత్రమే ఉందన్నారు. ఈ పరిస్థితి కాంగ్రెస్, బీఆర్ఎస్ ప్రభుత్వాల వైఫల్యాలే కారణమని కిషన్ రెడ్డి తీవ్రంగా విమర్శించారు.
రాష్ట్రాల విభజన తర్వాత ఏపీ ప్రజలు తమ రాజధాని ఏదో చెప్పుకోలేని పరిస్థితి రావడం బాధాకరమన్నారు. విభజన తర్వాత రెండురాష్ట్రాలు పోటీతత్వంతో అభివృద్ధి కావలసి ఉన్నా.. సమన్వయ లోపాలు ఉన్నాయన్నారు. ఇప్పటికైనా రెండు రాష్ట్రాలు అన్నదమ్ముల్లా ముందుకు సాగాలన్నారు. తెలంగాణ బీజేపీ తరపున అమరావతి చట్టబద్ధత బిల్లుకు మద్దతు తెలుపుతున్నామని పేర్కొన్నారు. కాగా.. తెలంగాణ పోరాటంలో పాల్గొన్న వారిని కాంగ్రెస్ కాల్చి చంపిందనడంతో.. కాంగ్రెస్ ఎంపీలు నిరసన వ్యక్తం చేశారు.
తెలంగాణ అభివృద్ధిపై వివక్ష
అమరావతి బిల్లుకు బీజేపీ మద్దతు
కిషన్ రెడ్డి చేసిన ఈ వ్యాఖ్యలు రాజకీయ దుమారం రేపాయి. తెలంగాణ, ఆంధ్రప్రదేశ్ రాష్ట్రాల మధ్య సంబంధాలపై ఆయన చేసిన వ్యాఖ్యలు చర్చనీయాంశంగా మారాయి. రెండు రాష్ట్రాలు ఎలా అభివృద్ధి చెందాలనే దానిపై ఆయన ఆకాంక్షలు వ్యక్తం చేశారు.
