హరిహర వీరమల్లు సినిమా నుంచి దర్శకుడు క్రిష్ జాగర్లమూడి తప్పుకున్నారనే వార్తలపై ఆయన స్పష్టతనిచ్చారు. ఘాటి సినిమా ప్రమోషన్లలో భాగంగా ఆయన ఈ విషయంపై మాట్లాడారు. షెడ్యూల్ సమస్యలు, కోవిడ్, వ్యక్తిగత కారణాలను ఆయన కారణాలుగా చెప్పారు.
Key Points
క్రిష్ హరిహర వీరమల్లు నుంచి వైదొలిగిన విషయంపై స్పష్టతనిచ్చారు.
షెడ్యూల్స్, కోవిడ్, వ్యక్తిగత సమస్యలు కారణంగా ఆయన సినిమాను వీడాల్సి వచ్చింది.
పవన్ కల్యాణ్, ఏఎం రత్నం పట్ల క్రిష్కు అమితమైన గౌరవం ఉందని తెలిపారు.
ఘాటి సినిమా ప్రమోషన్ల సందర్భంగా ఆయన ఈ విషయాన్ని వెల్లడించారు.
క్రిష్ స్పష్టీకరణ
డైరెక్టర్ క్రిష్ జాగర్లమూడి 2024 ప్రారంభంలో పవన్ కల్యాణ్తో చారిత్రాత్మక ఇతిహాస చిత్రం హరి హర వీరమల్లు కు దర్శకత్వం వహించారు. అయితే, పలు కారణాలతో క్రిష్ ఆ సినిమా నుంచి తప్పుకున్న విషయం తెలిసిందే. ఆ తర్వాత హరి హర వీరమల్లు సినిమాను నిర్మాత ఏఎం. రత్నం కుమారుడు, డైరెక్టర్ జ్యోతికృష్ణ దర్శకత్వ బాధ్యతలు చేపట్టారు.
అయితే, ఇటీవల హరి హర వీరమల్లు సినిమా థియేటర్లలో విడుదలై మిక్స్డ్ టాక్ తెచ్చుకుంది. ఆ సినిమాకు క్రిష్, జ్యోతికృష్ణ ఇద్దరు దర్శకులుగా టైటిల్స్లో చూపించారు. అయితే, హరి హర వీరమల్లు సినిమా నుంచి క్రిష్ జాగర్లమూడి తప్పుకోడానికి కారణం పవన్ కల్యాణ్ అనే వార్తలు గతంలో జోరుగా వచ్చాయి.
ఈ విషయంపై అసలు కారణాలు వెల్లడించారు డైరెక్టర్ క్రిష్ జాగర్లమూడి. ప్రస్తుతం క్రిష్ దర్శకత్వం వహించిన సినిమా ఘాటి . అనుష్క శెట్టి ప్రధాన పాత్ర పోషించిన ఘాటి ప్రమోషన్స్లో భాగంగా నిర్వహించిన ప్రెస్ మీట్లో హరి హర వీరమల్లు సినిమా నుంచి తప్పుకోవడంపై క్రిష్ జాగర్లమూడి కారణాలు చెప్పారు.
షెడ్యూల్ సమస్యలు
“హరి హర వీరమల్లు సినిమాలో కొంత భాగానికి నేను దర్శకత్వం వహించాను. నాకు పవన్ కల్యాణ్, ఏఎం రత్నం పట్ల అమితమైన ప్రేమ, గౌరవం ఉన్నాయి. నా చిన్నతనంలో నేను ఎక్కువగా సూర్య మూవీస్ (మెగా సూర్య ప్రొడక్షన్స్ బ్యానర్) చూసేవాడిని. ఆయనతో కలిసి పని చేయాలని ఎప్పుడు కలలు కనేవాడిని. నేను ఎప్పుడు ఆయన నుంచి స్ఫూర్తి పొందుతాను” అని క్రిష్ తెలిపారు.
“మాకు షెడ్యూల్స్ పరంగా కొన్ని సమస్యలు వచ్చాయి. మేము షూటింగ్ ప్రారంభించిన తర్వాత కొవిడ్ వచ్చింది. నాకు కూడా కొన్ని వ్యక్తిగత సమస్యలు తలెత్తాయి. అవన్నీ నన్ను ప్రాజెక్ట్ నుంచి వైదొలగడానికి ప్రేరేపించాయి. అప్పుడు జ్యోతికృష్ణ బాధ్యతలు తీసుకోవాల్సి వచ్చింది. ఇక నేను అప్పటి నుంచి పూర్తిగా ఘాటీపైనే దృష్టి పెట్టాను” అని క్రిష్ జాగర్లమూడి వెల్లడించారు.
ఇప్పుడు సోషల్ మీడియాలో డైరెక్టర్ క్రిష్ కామెంట్స్ వైరల్ అవుతున్నాయి. ఇదిలా ఉంటే, 2019లో హరి హర వీరమల్లు సినిమా స్క్రిప్ట్ను పవన్ కల్యాణ్ ఓకే చేశారు. 2020లో సినిమా కోసం లుక్ టెస్ట్ జరిగింది. సెట్స్పైకి వెళ్లిన తర్వాత పవన్ కల్యాణ్తో క్రిష్ పీరియాడిక్ మూవీ చేస్తున్నట్లు కన్ఫర్మ్ చేశారు.
పవన్ కల్యాణ్ పట్ల గౌరవం
ఇక 2021లో హరి హర వీరమల్లు సినిమా టైటిల్ను ప్రకటించారు. ఆ తర్వాత ఆ సినిమా నుంచి క్రిష్ తప్పుకున్నాడని, ప్రాజెక్ట్ పూర్తిగా ఆగిపోయిందనే పుకార్లు తెగ వచ్చాయి. తర్వాత 2024లో రెండు భాగాలుగా హరి హర వీరమల్లు సినిమాను చిత్రీకరిస్తున్నట్లు మేకర్స్ ప్రకటించారు.
అయితే, ఆంధ్రప్రదేశ్ ఎన్నికల ప్రచారంలో భాగంగా పవన్ కల్యాణ్ బిజీగా ఉండటంతో క్రిష్ తప్పుకున్నాడని ఊహాగానాలు వినిపించాయి. గత ఏడాది ఎన్నికల్లో విజయం సాధించి ఏపీ డిప్యూటీ సీఎం అయ్యాక ఈ ఏడాది షూటింగ్ పూర్తి అయి రిలీజ్ అయింది. ఆ తర్వాత నుంచి హరి హర వీరమల్లు ఓటీటీ రిలీజ్ వరకు తెలిసిందే.
చివరగా, క్రిష్ తన వ్యక్తిగత కారణాల వల్లే హరిహర వీరమల్లు నుండి తప్పుకున్నట్లు తెలిపారు. పవన్ కల్యాణ్ మరియు ఏఎం రత్నం పట్ల తనకున్న గౌరవం తెలియజేస్తూ, ఘాటి సినిమాపై దృష్టి పెట్టారని వివరించారు.
