📌 Key Points
- 1978లో విడుదలైన ‘కటకటాల రుద్రయ్య’ 75 లక్షలకు పైగా వసూళ్లు రాబట్టింది.
- కృష్ణంరాజు కెరీర్లో ఈ చిత్రం ‘రెబల్ స్టార్’ బిరుదును పాపులర్ చేసింది.
- నిజానికి ఈ సినిమా కథను సూపర్ స్టార్ కృష్ణ వదులుకోవాల్సి వచ్చింది.
- కృష్ణ చేయాల్సిన పాత్రను కృష్ణంరాజు పోషించి భారీ విజయం సాధించారు.
కృష్ణంరాజు నటించిన ‘కటకటాల రుద్రయ్య’ 1978లో భారీ వసూళ్లతో సంచలనం సృష్టించింది. ఈ కలెక్షన్స్కి ఎన్టీఆర్ ఆశ్చర్యపోయారు. నిజానికి ఈ చిత్రంలో సూపర్ స్టార్ కృష్ణ నటించాల్సింది. ఆయన వదులుకున్న ఆ అవకాశం కృష్ణంరాజుకు కెరీర్ టర్నింగ్ పాయింట్గా నిలిచింది.
కటకటాల రుద్రయ్య: కృష్ణంరాజు కెరీర్కు మైలురాయి
నందమూరి తారక రామారావు, సూపర్ స్టార్ కృష్ణ లాంటి హీరోలు హవా చూపిస్తున్న టైంలో కృష్ణంరాజు కూడా తనదైన చిత్రాలతో రాణించారు. కృష్ణంరాజు నటించిన సినిమాల్లో కొన్ని మాస్ లో విపరీతమైన ఆదరణ పొందాయి. అందులో కటకటాల రుద్రయ్య సినిమా ఒకటి. కృష్ణంరాజు, జయసుధ జంటగా నటించిన ఈ చిత్రం దాసరి నారాయణరావు దర్శకత్వంలో తెరకెక్కింది.
1978లో విడుదలైన ఈ చిత్రం ఏకంగా 75 లక్షలకు పైగా వసూళ్లు రాబట్టింది. అప్పట్లో టాలీవుడ్ మొత్తాన్ని ఈ వసూళ్లు ఆశ్చర్యపరిచాయి. నందమూరి తారక రామారావు కూడా కటకటాల రుద్రయ్య సినిమా వసూళ్ల గురించి తెలుసుకుని ఆశ్చర్యపోయారట. కటకటాల రుద్రయ్య సినిమా యూనిట్ ని ఎన్టీఆర్ అభినందించారు. ఈ చిత్రంతో కృష్ణంరాజుకి రెబల్ స్టార్ అనే బిరుదు మరింత పాపులర్ అయింది.
ఎన్టీఆర్ ఆశ్చర్యపరిచిన వసూళ్లు
అయితే వాస్తవానికి ఈ సినిమాలో హీరోగా నటించాల్సింది సూపర్ స్టార్ కృష్ణ అట. ప్రముఖ హీరో వడ్డే నవీన్ తండ్రి వడ్డే రమేష్ అప్పట్లో నిర్మాతగా రాణించారు. కటకటాల రుద్రయ్య చిత్రానికి ఆయనే నిర్మాత. ఆయన ముందుగా ఈ చిత్రాన్ని సూపర్ స్టార్ కృష్ణతో తీయాలని అనుకున్నారు. కృష్ణ కూడా ఈ చిత్రంలో నటించేందుకు అంగీకరించారు.
కానీ కృష్ణ అదే సమయంలో మరో నిర్మాతకి కమిట్మెంట్ ఇచ్చారు. దీనితో కృష్ణ.. వడ్డే రమేష్ కి చెబుతూ.. ఆల్రెడీ డేట్లు మరొకరికి ఇచ్చాను. కానీ ఒక షిప్ట్ లో కటకటాల రుద్రయ్య సినిమా షూటింగ్ చేసి మరో షిఫ్ట్ లో ఆ సినిమా చేస్తాను అని చెప్పారు. కానీ దానికి వడ్డే రమేష్ అంగీకరించలేదు.
సూపర్ స్టార్ కృష్ణ చేసిన పెద్ద పొరపాటు
దీనితో వడ్డే రమేష్.. కృష్ణంరాజుకి కథ చెప్పి ఆయన్ని హీరోగా ఫిక్స్ చేశారు. ఆ విధంగా కృష్ణ చేయాల్సిన కటకటాల రుద్రయ్య సినిమా కృష్ణంరాజుకి ల్యాండ్ మార్క్ మూవీగా మారింది. మొత్తానికి కృష్ణ ఈ చిత్రాన్ని వదులుకుని పెద్ద తప్పే చేశారు.
మొత్తంగా, కటకటాల రుద్రయ్య సినిమాను వదులుకోవడం సూపర్ స్టార్ కృష్ణ కెరీర్లో పెద్ద తప్పిదంగా నిలిచింది. అది కృష్ణంరాజుకు రెబల్ స్టార్గా మరింత పేరు ప్రఖ్యాతులు తెచ్చిపెట్టి, చరిత్రలో నిలిచిపోయే విజయంగా మారింది.
