అక్కినేని నాగార్జున, ధనుష్ నటించిన కుబేరా సినిమా ప్రమోషన్స్ జోరుగా సాగుతున్నాయి. ఈ క్రమంలో నాగచైతన్య తండ్రి నాగార్జున మరియు దర్శకుడు శేఖర్ కమ్ములతో ఆసక్తికరమైన ఇంటర్వ్యూ చేశాడు.
Key Points
నాగార్జున, ధనుష్ నటించిన కుబేరా సినిమా ప్రమోషన్స్లో ఆసక్తికర సంఘటన.
నాగచైతన్య, తండ్రి నాగార్జున, శేఖర్ కమ్ములను ఇంటర్వ్యూ చేశాడు.
చిన్నప్పుడు నాన్న పాకెట్ నుంచి ఎంత డబ్బు తీసుకునేవారని నాగార్జున, శేఖర్ కమ్ముల చెప్పుకొచ్చారు.
అప్పట్లో పది రూపాయలే పెద్ద నోటు అని నాగార్జున, ఇప్పుడు 500 రూపాయలు అని నాగచైతన్య తెలిపారు.
కుబేరా సినిమా ప్రమోషన్స్లో నాగచైతన్య ప్రశ్న
అక్కినేని నాగార్జున, ధనుశ్ ప్రధాన పాత్రలో నటించిన చిత్రం ‘కుబేర’. శేఖర్ కమ్ముల దర్శకత్వం వహించిన ఈ సినిమా.. ఈ శుక్రవారమే థియేటర్లలో సందడి చేయనుంది. ఈ మూవీలో రష్మిక మందన్నా హీరోయిన్గా కనిపించనుంది. ఈ నేపథ్యంలో మూవీ ప్రమోషన్స్లో నాగార్జున కూడా పాల్గొంటున్నారు. తాజాగా డైరెక్టర్ శేఖర్ కమ్ముల, నాగార్జునను హీరో నాగచైతన్య ఇంటర్వ్యూ చేశారు.
ఈ సందర్భంగా వీరిద్దరిని నాగచైతన్య సరదా ప్రశ్నలు అడిగారు. మీ చిన్నప్పుడు నాన్న పాకెట్ నుంచి ఎంత మనీ కొట్టేశారు? అంటూ చైతూ ఇద్దరినీ ప్రశ్నించారు. దీనికి శేఖర్ కమ్ముల ఆసక్తికర సమాధానమిచ్చారు. పతంగులు కొనేందుకు 50 పైసలు తీసుకునేవాడిని డైరెక్టర్ అన్నారు. ఆ తర్వాత నాన్న జేబు నుంచి రూపాయి, రెండు రూపాయల నోట్లు తీసుకునేవాడినని నాగార్జున వెల్లడించారు. అప్పుడు వాళ్ల పాకెట్లో కూడా అంతే ఉండేవని.. పెద్ద నోటు అంటే అప్పట్లో కేవలం పది రూపాయలేనని నాగార్జున అన్నారు. ఆ తర్వాత నా టైమ్లో బిగ్ నోట్ 500 రూపాయలని నాగచైతన్య నవ్వుతూ మాట్లాడారు. కాగా.. శేఖర్ కమ్ముల డైరెక్షన్లో నాగచైతన్య- సాయిపల్లవి జంటగా లవ్ స్టోరీ మూవీలో నటించారు.
నాగార్జున, శేఖర్ కమ్ముల సమాధానాలు
అప్పట్లో పెద్ద నోటు ఎంతో వారి వివరణ
చిన్ననాటి జ్ఞాపకాలను పంచుకుంటూ నాగార్జున, శేఖర్ కమ్ముల కుటుంబాల గురించి ఆసక్తికర విషయాలను వెల్లడించారు. కుబేరా సినిమా ప్రమోషన్స్లో ఈ సంఘటన ప్రత్యేక ఆకర్షణగా నిలిచింది.
