తమిళ సినీ రంగంలో దిగ్గజ నటుడు కెప్టెన్ విజయకాంత్ జయంతి వేడుకలు జరుగుతున్నాయి. ఆయన నటించిన అద్భుతమైన యాక్షన్ థ్రిల్లర్లు, క్లాసిక్ సినిమాల గురించి మరియు వాటిని ఏ ఓటీటీ ప్లాట్ఫామ్లలో చూడవచ్చో తెలుసుకుందాం.
Key Points
కెప్టెన్ విజయకాంత్ జయంతి వేడుకలు
విజయకాంత్ నటించిన ఉత్కృష్టమైన యాక్షన్ థ్రిల్లర్లు
రమణ, కెప్టెన్ ప్రభాకరన్ వంటి క్లాసిక్ సినిమాలు ఏ ఓటీటీలో?
విజయకాంత్ సినిమాలు చూడడానికి అందుబాటులో ఉన్న ఓటీటీలు
కెప్టెన్ విజయకాంత్ జీవితం మరియు కెరీర్
తమిళ సినీ ఇండస్ట్రీలో దిగ్గజంగా ఎదిగారు కెప్టెన్ విజయకాంత్. ఇవాళ (ఆగస్టు 25) ఆయన జయంతి. 1952 ఆగస్టు 25న పుట్టారు విజయకాంత్. 2023 డిసెంబర్ 28న చనిపోయారు. తన సుదీర్ఘ కెరీర్ లో 150కి పైగా సినిమాల్లో నటించారు. విలన్ రోల్స్ కూడా ప్లే చేశారు. తెలుగులోనూ మెరిశారు. రాజకీయ నాయకుడిగానూ తనదైన ముద్ర వేశారు. ఆయన కెరీర్ లోని బెస్ట్ యాక్షన్ థ్రిల్లర్లు ఏ ఓటీటీలో ఉన్నాయో చూద్దాం.
విజయకాంత్ కెరీర్ లోనే ఆల్ టైమ్ క్లాసిక్ మూవీ ‘రమణ’. ఎన్ని ఏళ్లు గడిచినా గుర్తుండిపోయే మూవీ ఇది. ఈ సినిమా విజయకాంత్ ను డిఫరెంట్ గా చూపించింది. ఏఆర్ మురుగదాస్ డైరెక్షన్ లో 2002లో వచ్చిన ఈ యాక్షన్ థ్రిల్లర్ థియేటర్లలో అదరగొట్టింది. ఈ మూవీ సన్ నెక్ట్స్ ఓటీటీ లో ఉంది.
విజయకాంత్ యొక్క ఉత్తమ యాక్షన్ థ్రిల్లర్ సినిమాలు
విజయకాంత్ కు కెప్టెన్ అనే బిరుదు తెచ్చిన మూవీ ‘కెప్టెన్ ప్రభాకరన్’. యాక్షన్ ఫ్యాన్స్ తప్పకుండా చూడాల్సిన థ్రిల్లర్ సినిమా ఇది. 1991లో ఆర్కే సెల్వమణి దర్శకత్వంలో వచ్చిన చిత్రం ఇది. విజయకాంత్ కెరీర్ లో ఈ మూవీకి స్పెషల్ ప్లేస్ ఉంది. ఈ సినిమా అమెజాన్ ప్రైమ్ వీడియో ఓటీటీలో ఉంది.
ఫ్యామిలీ యాక్షన్ థ్రిల్లర్ ‘సేతుపతి ఐపీఎస్’. సస్పెన్స్ తో ఊపేస్తూ థ్రిల్ పంచే మూవీ ఇది. 1994లో వచ్చిన సేతుపతి ఐపీఎస్ సినిమాలో విజయకాంత్ సరసన మీనా నటించారు. దీనికి పి.వాసు కథ అందించడంతో పాటు దర్శకత్వం వహించారు. అమెజాన్ ప్రైమ్ వీడియోలో అందుబాటులో ఉంది ఈ చిత్రం.
విజయకాంత్ సినిమాలు చూడడానికి ఓటీటీలు
ఇన్వెస్టిగేషన్ అనే మూవీ పోలీస్ యాక్షన్ థ్రిల్లర్. తమిళ సినిమాలో యాక్షన్ సినిమాల్లో ఇది ఒక ట్రెండ్ సెట్ చేసింది. విజయకాంత్, ఆర్కే సెల్వమణి కాంబినేషన్లో వచ్చిన ఫస్ట్ ఇన్వెస్టిగేటివ్ థ్రిల్లర్ ఈ సినిమా. ఎన్ని సార్లు చూసినా బోర్ కొట్టని చిత్రం ఇది. ఈ బ్లాక్ బస్టర్ థ్రిల్లర్ సినిమాను అమెజాన్ ప్రైమ్ వీడియోలో చూడొచ్చు.
కెప్టెన్ విజయకాంత్ కెరీర్ లోనే మరో పోలీస్ యాక్షన్ థ్రిల్లర్ ఈ ‘మానగర్ కవల్’. ఇందులో పోలీస్ పాత్రలో మరోసారి అదరగొట్టారు విజయకాంత్. పీఎంను కాపాడే పవర్ ఫుల్ తమిళనాడు పోలీస్ ఆఫీసర్ గా నటించారు. 1991లో వచ్చిన ఈ పొలిటికల్ యాక్షన్ థ్రిల్లర్ కు త్యాగరాజన్ డైరెక్టర్. ఇది కూడా ప్రైమ్ వీడియోలో ఉంది.
తెలుగు ప్రేక్షకుల మదిలో చెరగని ముద్ర వేసుకున్న కెప్టెన్ విజయకాంత్ గురించి ఈ సమాచారం ఉపయోగకరంగా ఉంటుందని ఆశిస్తున్నాము. ఆయన నటనను మళ్ళీ మళ్ళీ ఆస్వాదించండి.
