మౌళి తనూజ్ నటించిన ‘లిటిల్ హార్ట్స్’ సినిమా బాక్స్ ఆఫీస్ వద్ద సంచలన విజయం సాధించింది. తొలిరోజే రెండున్నర కోట్ల రూపాయల వసూళ్లు సొంతం చేసుకున్న ఈ చిత్రం బడ్జెట్ కంటే ఎక్కువ వసూలు చేసిందని హీరో వెల్లడించాడు.
Key Points
లిటిల్ హార్ట్స్ సినిమా తొలిరోజు 2.5 కోట్లు వసూలు చేసింది.
సినిమా బడ్జెట్ కంటే ఎక్కువ వసూళ్లు సొంతం చేసుకుంది.
రవితేజ, బండ్ల గణేష్ సినిమా విజయంపై అభినందనలు తెలిపారు.
నటుడు మౌళి తనూజ్ భవిష్యత్తులో మంచి సినిమాలతో ప్రేక్షకుల ముందుకు రానున్నాడు.
లిటిల్ హార్ట్స్ సినిమా విజయం
మౌళి తనూజ్, శివాని నాగరం జంటగా నటించిన “లిటిల్ హార్ట్స్” సినిమా ఇటీవల ప్రేక్షకుల ముందుకొచ్చి ఘన విజయాన్ని సొంతం చేసుకుంది. ఈ చిత్రాన్ని ఈటీవీ విన్ ఒరిజినల్ ప్రొడక్షన్ బ్యానర్పై డెబ్యూ దర్శకుడు సాయి మార్తాండ్ తెరకెక్కించారు.
ఆదిత్య హాసన్ నిర్మాతగా వ్యవహరించిన లిటిల్ హార్ట్స్ సినిమారు. సెప్టెంబర్ 5న వరల్డ్ వైడ్ గ్రాండ్గా థియేట్రికల్గా లిటిల్ హార్ట్స్ సినిమాను రిలీజ్ చేశారు. సక్సెస్ఫుల్గా కొనసాగుతూ కలెక్షన్స్ అందుకుంటున్న నేపథ్యంలో మూవీ టీమ్ లిటిల్ హార్ట్స్ థ్యాంక్స్ మీట్ను హైదరాబాద్లో ఏర్పాటు చేశారు. ఈ కార్యక్రమంలో హీరో మౌళి తనూజ్ ఇంట్రెస్టింగ్ విషయాలు చెప్పాడు.
హీరో మౌళి తనూజ్ మాట్లాడుతూ.. “మేము ఊహించినదానికంటే పెద్ద విజయాన్ని అందించిన ప్రేక్షకులకు థ్యాంక్స్. ప్రీమియర్స్ నుంచే ఆదరణ చూపించారు. మొదటి రోజే 2.5 కోట్ల రూపాయల వసూళ్లు వచ్చాయి. అది మా మూవీ బడ్జెట్ కంటే ఎక్కువ” అని అన్నాడు.
హీరో మౌళి తనూజ్ కామెంట్స్
“ఒక్క వారం కాదు ఈ వారం వచ్చేవారం.. అలా మా మూవీ ప్రదర్శితమవుతూనే ఉంటుంది. మా డైరెక్టర్ సాయి అందరికీ నచ్చే సినిమా చేశాడు. ఎక్కడ చూసినా పాజిటివ్ రెస్పాన్స్ వస్తోంది. బండ్ల గణేష్ గారు, రవితేజ గారు కాల్ చేశారు. రవితేజ గారు ఫోన్ చేసి నేను మొదట్లో చేసిన సినిమాలు గుర్తొచ్చాయి అన్నారు. చాలా హ్యాపీగా ఉంది” అని మౌళి తనూజ్ తెలిపాడు.
“నా ఫేవరేట్ హీరో నాని గారు ట్వీట్ చేశారు. నేను ప్రస్తుతం గాల్లో ఉన్నా. అంత సంతోషంగా ఉంది. ఇకపైనా మీకు నచ్చే చిత్రాలే చేస్తాను, నిర్మాతలకు లాభాలు తీసుకొచ్చే కంటెంట్తోనే వస్తాను” అని హీరో మౌళి తనూజ్ పేర్కొన్నాడు.
ఇదే ఈవెంట్లో నటుడు నిఖిల్ మాట్లాడుతూ.. “ఈ చిత్రంలో మౌళి ఫ్రెండ్ క్యారెక్టర్లో నటించాను. నా క్యారెక్టర్ కు మంచి రెస్పాన్స్ వస్తోంది. మా మూవీని పెద్ద హిట్ చేసిన ఆడియెన్స్ కు థ్యాంక్స్. నేను మ్యూజిక్ డైరెక్టర్ సింజిత్ ఫ్రెండ్స్. మేము కలిసి సినిమా చేయాలని అనుకునేవాళ్లం. లిటిల్ హార్ట్స్తో కలిసి వర్క్ చేశాం” అన్నారు.
సినిమా పరిశ్రమ ప్రముఖుల అభినందనలు
నటుడు హరి మాట్లాడుతూ.. “లిటిల్ హార్ట్స్లో కిషోర్ అనే క్యారెక్టర్లో నటించే అవకాశం ఇచ్చిన డైరెక్టర్ సాయి మార్తాండ్కు థ్యాంక్స్. కిషోర్ క్యారెక్టర్కు కథలో ఇంపార్టెన్స్ ఇచ్చారు. నాకు మంచి గుర్తింపు వస్తోంది. ఈ టీమ్లోని వారు మంచి ఫ్రెండ్స్ అయ్యారు” అని తెలిపారు.
నటి పద్మినీ మాట్లాడుతూ.. “ఈ చిత్రంలో అంజలిగా మీ ముందుకు వచ్చాను. నేను గతంలో అనేక చిత్రాలకు ఆడిషన్స్ ఇచ్చాను. కానీ, చాలా సార్లు రిజల్ట్ ఏంటనేది చెప్పేవారు కాదు. కానీ లిటిల్ హార్ట్స్కు ఆడిషన్ ఇచ్చాక అంజలి పాత్రకు తీసుకుంటున్నామని డైరెక్టర్ మార్తాండ్ వెంటనే చెప్పాడు. ఈ రోల్ నాకు దక్కడం సంతోషాన్నిచ్చింది” అని తెలిపారు.
లిటిల్ హార్ట్స్ సినిమా అనూహ్యమైన విజయం సాధించింది. ప్రేక్షకుల ఆదరణ, పరిశ్రమ ప్రముఖుల అభినందనలతో చిత్ర బృందం సంతోషంలో మునిగిపోయింది. మౌళి తనూజ్ భవిష్యత్తులో మరింత మంచి చిత్రాలతో రావాలని కోరుకుందాం.
