ప్రముఖ తమిళ దర్శకుడు మారి సెల్వరాజ్ తన గొప్ప మనసును చాటుకున్నారు. భారత U-18 మహిళల కబడ్డీ జట్టు వైస్-కెప్టెన్ కార్తీకకు రూ. 5 లక్షలు ఆర్థిక సాయం అందించారు. కబడ్డీ నేపథ్యంలోనే ఆయన ‘బైసన్’ చిత్రాన్ని తెరకెక్కించారు. ఈ చర్య సినీ వర్గాల్లో ప్రశంసలు అందుకుంది.
Key Points
దర్శకుడు మారి సెల్వరాజ్, కబడ్డీ క్రీడాకారిణి కార్తీకకు రూ. 5 లక్షల సాయం.
కార్తీక భారత U-18 మహిళల కబడ్డీ జట్టు వైస్-కెప్టెన్గా స్వర్ణం సాధించింది.
పేద కుటుంబం నుండి వచ్చిన కార్తీక తల్లిదండ్రులు పారిశుద్ధ్య కార్మికులు.
కబడ్డీ నేపథ్యంతో మారి సెల్వరాజ్ తెరకెక్కించిన 'బైసన్' సినిమా సంచలన విజయం.
మారి సెల్వరాజ్ గొప్ప మనసు
తమిళ దర్శకుడు మారి సెల్వరాజ్ గొప్ప మనసు చాటుకున్నాడు . భారత U-18 మహిళల కబడ్డీ జట్టు వైస్-కెప్టెన్ కార్తీకకు రూ . 5 లక్షలు ప్రోత్సాహకంగా అందించారు . తమిళనాడుకు చెందిన కార్తీక రీసెంట్ గా బహ్రెయిన్లో జరిగిన ఆసియా యూత్ గేమ్స్లో భారత్ తరపున స్వర్ణం సాధించింది . ఇప్పటికే కార్తీక జట్టుకు ముఖ్యమంత్రి స్టాలిన్ రూ . 20 లక్షలు అందించారు . భారత్తో పాటు తమిళనాడు కీర్తిని ఆమె పెంచిందంటూ ప్రశంసించారు . ప్రస్తుతం ఇంటర్ చదువుతున్న కార్తీక చాలా పేదరికంతో ఉన్న కుటుంబంలో జన్మించింది . అమె తల్లిదండ్రులు పారిశుద్ధ్య కార్మికులుగా పనిచేస్తున్నారు .
కబడ్డీ క్రీడాకారిణి కార్తీక
కొద్దిరోజుల క్రితం బహ్రెయిన్లో జరిగిన ఆసియా యూత్ గేమ్స్లో భారత్ మహిళల కబడ్డీ జట్టు స్వర్ణం దక్కించుకుంది . ఫైనల్ మ్యాచ్లో ఇరాన్పై భారత్ భారీ విజయం సాధించింది . ఈ గెలుపులో కార్తీకది కీలక పాత్ర ఉంది . దేశ కీర్తిని పెంచిన ఆ జట్టుకు మారి సెల్వరాజ్ కృతజ్ఞతలు తెలిపారు . ఆపై ఆమె ఇంటికి వెళ్లి రూ . 5 లక్షల చెక్ ను బహుమతికి ఇచ్చారు . కన్నగి నగర్ కార్తీక మరిన్ని విజయాలు సాధించాలని ఆయన కోరారు .
బైసన్ సినిమా కనెక్షన్
కబడ్డీ నేపథ్యంతో బైసన్ మారి సెల్వరాజ్ దర్శకత్వంలో నటుడు ధ్రువ్విక్రమ్ కథానాయకుడిగా నటించిన చిత్రం బైసన్. నటి అనుపమపరమేశ్వరన్, రజీషా విజయన్, పశుపతి, దర్శకుడు అమీర్, లాల్, మదన్ ముఖ్యపాత్రలు పోషించిన ఈ చిత్రాన్ని అప్లాస్ సంస్థతో కలిసి నీలం ప్రొడక్షన్న్స్ పతాకంపై దర్శకుడు రంజిత్ నిర్మించారు. కబడ్డీ నేపథ్యంతో విడుదలైన ఈ చిత్రం తమిళనాడులో సంచలన విజయం సాధించింది . బైసన్ చిత్రాన్ని ముఖ్యమంత్రి ఎంకే స్టాలిన్, ఉపముఖ్యమంత్రి ఉదయనిధి స్టాలిన్ ఇటీవల తిలకించారు . ఆపై చిత్ర యూనిట్ ను వారు మెచ్చుకున్నారు .
మారి సెల్వరాజ్ చేసిన ఈ మానవతా సాయం క్రీడాకారులకు గొప్ప స్ఫూర్తినిస్తుంది. కబడ్డీ నేపథ్యంతో ‘బైసన్’ లాంటి సినిమా తీసి, నిజజీవిత కబడ్డీ క్రీడాకారిణికి సాయం చేయడం ఆయన గొప్పతనానికి నిదర్శనం.
