టాలీవుడ్లో సూపర్ నేచురల్ హారర్ థ్రిల్లర్ ‘జటాధర’ చిత్రంపై ఆసక్తికరమైన వార్తలు వినిపిస్తున్నాయి. ఈ చిత్రంలో మహేష్ బాబు మరదలు శిల్పా శిరోద్కర్ నటించడం విశేషం. నిర్మాత ఆమె నటనకు అవార్డులు వస్తాయని ధీమా వ్యక్తం చేశారు.
Key Points
మహేష్ బాబు మరదలు శిల్పా శిరోద్కర్ 'జటాధర'లో కీలక పాత్ర
'జటాధర' హారర్ థ్రిల్లర్ చిత్రం సూపర్ నేచురల్ అంశాలతో ఆకట్టుకుంటుంది
శిల్పా శిరోద్కర్ నటనకు అవార్డులు వస్తాయని నిర్మాత ప్రేరణ అరోరా ధీమా
సుధీర్ బాబు, సోనాక్షి సిన్హా ప్రధాన పాత్రధారులుగా 'జటాధర' చిత్రం రూపుదిద్దుకుంటోంది
‘జటాధర’ చిత్ర విశేషాలు
టాలీవుడ్ హీరో సుధీర్ బాబు, బాలీవుడ్ బ్యూటీ సోనాక్షి సిన్హా ప్రధాన పాత్రలో నటిస్తున్న తెలుగు హారర్ థ్రిల్లర్ మూవీ ‘జటాధర’. ఈ సినిమాపై టాలీవుడ్లో మంచి బజ్ క్రియేట్ అయింది. ఈ సినిమాలో సుధీర్ బాబు చాలా కొత్తగా కనిపించబోతున్నాడు.
జటాధర సినిమాను ప్రేరణ అరోరా సమర్పణలో సుధీర్ బాబు ప్రొడక్షన్స్ పతాకం నిర్మిస్తోంది. జటాధర సినిమాకు వెంకట్ కల్యాణ్ దర్శకత్వం వహిస్తున్నారు. ఇప్పటి వరకు వదిలిన పోస్టర్లు, గ్లింప్స్ జటాధర మూవీపై అంచనాలు పెంచేశాయి. ఈ క్రమంలో జటాధర సినిమా నుంచి శిల్పా శిరోద్కర్ పాత్రకు సంబంధించిన అప్డేట్ ఇచ్చారు.
‘ఖుదా గవా’, ‘మృత్యుదంద్’ వంటి చిత్రాలలో అద్భుతమైన నటనతో అందరినీ ఆకట్టుకున్న బాలీవుడ్ నటి శిల్పా శిరోద్కర్ ‘జటాధర’ చిత్రంలోని పర్ఫామెన్స్తో అవార్డులన్నీ గెలిచేస్తారని ప్రేరణ అరోరా అన్నారు.
శిల్పా శిరోద్కర్ పాత్ర ప్రాధాన్యత
ఈ మేరకు ప్రేరణ అరోరా మాట్లాడుతూ.. “జటాధర సినిమాలోని శోభ అనే పాత్రలో నటించిన శిల్పా శిరోద్కర్కు ఎన్నో అవార్డులు వస్తాయని ఎంతో నమ్మకంగా చెబుతున్నాను. శోభ ఒక శక్తివంతమైన, సంక్లిష్టమైన పాత్ర. ఈ పాత్రకు ఆమె తన నటనతో ఎంతో ఇంటెన్స్ను తీసుకు వచ్చి న్యాయం చేశారు. ఆమె ప్రేక్షకులకు పూర్తిగా ఆశ్చర్యపరుస్తుంది” అని అన్నారు.
‘జటాధర’ సూపర్ నేచురల్ హారర్ థ్రిల్లర్ గా అందరినీ ఆకట్టుకునేలా తెరకెక్కిస్తున్నారు. సస్పెన్స్, యాక్షన్, మిస్టరీల ప్రత్యేకమైన కథతో ఈ చిత్రాన్ని గ్రాండ్గా రిలీజ్ చేయబోతోన్నారు. ‘జటాధర’ సినిమాలో శిల్పా శిరోద్కర్, సోనాక్షి సిన్హా, సుధీర్ బాబు , ఇందిరా కృష్ణ, రవి ప్రకాష్, దివ్య ఖోస్లా, రాజీవ్ కనకాల , శుభలేఖ సుధాకర్, రోహిత్ పాఠక్ వంటి వారు ముఖ్య పాత్రల్ని పోషించారు.
నిర్మాత ప్రకటన
ఇప్పటికే శోభ పాత్రలో నటి శిల్పా శిరోద్కర్ ఫస్ట్ లుక్ పోస్టర్ను రిలీజ్ చేశారు మేకర్స్. శిల్పా శిరోద్కర్ జటాధర ఫస్ట్ లుక్ పోస్టర్ అందరినీ ఆకట్టుకుంటోంది. సోషల్ మీడియాలో తెగ ట్రెండ్ అవుతోన్న శిల్పా శిరోద్కర్ ఫస్ట్ లుక్కు మంచి రెస్పాన్స్ వస్తోంది.
‘జటాధర’ ప్రేక్షకులకు ఓ విజువల్ వండర్, సినిమాటిక్ ఎక్స్పీరియెన్స్ ఇచ్చేలా రూపొందిస్తున్నట్లు మేకర్స్ చెబుతున్నారు. ఇదిలా ఉంటే, టాలీవుడ్ సూపర్ స్టార్ మహేశ్ బాబు కు శిల్పా శిరోద్కర్ వరసకు మరదలు అవుతుంది. మహేశ్ బాబు భార్య నమ్రతా శిరోద్కర్కు శిల్పా శిరోద్కర్ చెల్లెలు అవుతుందన్న విషయం తెలిసిందే.
మొత్తానికి, ‘జటాధర’ చిత్రం శిల్పా శిరోద్కర్కు తెలుగు తెరపై మంచి గుర్తింపు తెచ్చిపెడుతుందని అంచనాలున్నాయి. ఈ హారర్ థ్రిల్లర్ సినిమా ప్రేక్షకులను ఆకట్టుకుంటుందని ఆశిద్దాం.
