📌 Key Points
- ప్రభాస్ ‘రాజా సాబ్’లో మాళవిక మోహనన్ హీరోయిన్గా టాలీవుడ్కు పరిచయం!
- డైలాగులు చెప్పడానికి హీరోయిన్లు ఏబీసీడీలు చదువుతారని సంచలన కామెంట్స్ చేసిన మాళవిక!
- సర్దార్ 2 మూవీలో మాళవిక కీలక పాత్ర..త్వరలో విడుదల!
- హీరోయిన్ల డైలాగ్స్ పై మాళవిక చేసిన వ్యాఖ్యలపై సోషల్ మీడియాలో దుమారం!
ప్రభాస్ ‘రాజా సాబ్’ సినిమాతో తెలుగు తెరకు పరిచయమైన మాళవిక మోహనన్ హీరోయిన్ల గురించి షాకింగ్ కామెంట్స్ చేశారు. ఆమె చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. అసలు ఏం జరిగిందో తెలుసుకుందామా!
మాళవిక మోహనన్ కామెంట్స్ వైరల్!
పాన్ ఇండియా స్టార్ ప్రభాస్ హీరోగా నటించిన తాజా చిత్రం రాజా సాబ్. ఈ మూవీతో తెలుగు తెరకు హీరోయిన్ గా పరిచయమైన బ్యూటీ మాళవిక మోహనన్. ఆమె తమిళం, మళయాలంలో చాలా సినిమాల్లో నటించారు. అందులో కొన్ని తెలుగులో డబ్ అయ్యాయి కూడా. అయితే.. డైరెక్ట్ గా తెలుగులో ఆమె నటించిన మొదటి సినిమా ఈ రాజాసాబ్. సంక్రాంతి పండగ సందర్భంగా ఈ మూవీ ప్రేక్షకుల ముందుకు రాగా.. ఆశించిన ఫలితం మాత్రం రాలేదు. ఈ మూవీ ప్రమోషన్స్ లో భాగంగా ఇచ్చిన ఇంటర్వ్యూలో ఆమె చేసిన కామెంట్స్ ప్రస్తుతం నెట్టింట వైరల్ గా మారాయి. చాలా మంది హీరోయిన్లకు కనీసం డైలాగులు చెప్పడం కూడా రాదు అని ఆమె అనడం గమనార్హం.
తమిళ, తెలుగు ఇండస్ట్రీలో కొందరు హీరోయిన్లు డైలాగులు కూడా గుర్తుపెట్టుకోరు అని మాళవిక మోహనన్ అన్నారు. డైలాగులు చెప్పమంటే ఏ, బీ, సీ, డీ లు చదువుతారు అని ఆమె అన్నారు. ఎమోషనల్ గా డైలాగులు చెప్పడమంటే… అలాంటి ఎక్స్ ప్రెషన్స్ పెట్టి.. 1, 2, 3, 4, 5 అంటూ నెంబర్లు లెక్కపెపడతారు. అదే.. కోపంగా ఉన్న డైలాగులు చెప్పమంటే.. ఏ,బీ, సీ, డీ అంటారు. తర్వాత డబ్బింగ్ లో లిప్ సింక్ చేస్తారు… అని మాళవిక చెప్పిన మాటలు నెట్టింట వైరల్ గా మారాయి.
డైలాగ్స్ పై హీరోయిన్ల నిర్లక్ష్యం?
‘ఇదేమీ కొత్త విషయం కాదు. చాలా ఏళ్లుగా ఇది జరుగుతోంది. కెరీర్ మొత్తం ఇలా చేసిన వాళ్లు కూడా ఉన్నారు’ అని మాళవిక చెప్పారు. అయితే..ఆమె ఈ మాటలు చెప్పిన తర్వాత ఆ హీరోయిన్ ఎవరై ఉంటారు అంటూ.. సోషల్ మీడియాలో పెద్ద చర్చ మొదలైంది.
‘సర్దార్ 2’లో మాళవిక మోహనన్
ఇదిలా ఉండగా.. ఆమె నటించిన రాజా సాబ్ ఇటీవల ప్రేక్షకుల ముందుకు రాగా.. ప్రస్తుతం ఆమె కార్తీ హీరో గా నటిస్తున్న సర్దార్ 2 మూవీలో కీలక పాత్ర పోషిస్తున్నారు. అది త్వరలో ప్రేక్షకుల ముందుకు రానుంది.
మాళవిక మోహనన్ కామెంట్స్ ఇండస్ట్రీలో హాట్ టాపిక్గా మారాయి. ఈ వివాదం ఎంత దూరం వెళ్తుందో చూడాలి. మరిన్ని అప్డేట్స్ కోసం చూస్తూ ఉండండి.
