టాలీవుడ్ హీరో మంచు మనోజ్ తన సతీమణి భూమా మౌనిక పుట్టినరోజు వేడుకలను ఘనంగా జరుపుకున్నారు. తన జీవితంలో ఆమె పాత్రను కొనియాడుతూ ప్రత్యేక సందేశాన్ని పోస్ట్ చేశారు. ఈ వేడుకలకు సంబంధించిన వీడియో సోషల్ మీడియాలో వైరల్ అవుతోంది.
Key Points
మంచు మనోజ్ తన సతీమణి భూమా మౌనికకు పుట్టినరోజు శుభాకాంక్షలు తెలిపారు.
మౌనికపై ప్రశంసలు కురిపిస్తూ, తన జీవితంలో ఆమె ప్రాధాన్యతను వివరించారు.
పుట్టినరోజు వేడుకలకు సంబంధించిన వీడియో సోషల్ మీడియాలో వైరల్ అయింది.
మిరాయ్ సినిమా విజయంతో మనోజ్ ఈ ఏడాది గట్టి కమ్ బ్యాక్ ఇచ్చారు.
మనోజ్ సతీమణికి ప్రత్యేక శుభాకాంక్షలు
టాలీవుడ్ హీరో మంచు మనజ్ ఇటీవలే మిరాయ్ మూవీతో సూపర్ హిట్ ను తన ఖాతాలో వేసుకున్నాడు . ఈ చిత్రంలో విలన్ గా అభిమానులను అలరించారు . హనుమాన్ హీరో తేజ సజ్జా లీడ్ రోల్లో వచ్చిన ఈ సినిమా బాక్సాఫీస్ వద్ద బ్లాక్ బస్టర్ గా నిలిచింది . ప్రస్తుతం ఈ మూవీ థియేటర్లలో సందడి చేస్తోంది . ఈ ఏడాది గట్టిగా కమ్ బ్యాక్ ఇచ్చాడు మంచు మనోజ్ . భైరవం తర్వాత మిరాయ్ మూవీతో ఆకట్టుకున్నారు .
ఇదిలా ఉంచితే మంచు మనోజ్ 2023 లో వివాహబంధంలోకి అడుగుపెట్టిన సంగతి తెలిసిందే . నంద్యాల జిల్లా ఆళ్లగడ్డకు చెందిన భూమా మౌనిక ను పెళ్లాడారు . తాజాగా అక్టోబర్ 4 న తన సతీమణి మౌనిక పుట్టినరోజు సందర్భంగా విషెస్ తెలిపారు మంచు మనోజ్ . ఈ సందర్భంగా తన భార్యపై ప్రశంసలు కురిపించారు . అంతేకాకుండా తనతో కేక్ కట్ చేయించి సెలబ్రేట్ చేసుకున్నారు . దీనికి సంబంధించిన వీడియోను సోషల్ మీడియాలో షేర్ చేశారు .
మౌనికపై మంచు మనోజ్ ప్రశంసలు
మంచు మనోజ్ తన ట్వీట్ లో రాస్తూ ..’ ప్రియమైన భూమా మౌనిక .. ఆది పరాశక్తి అంటే నువ్వే. నువ్వు నా జీవితంలోకి అడుగుపెట్టిన రోజు నుంచి పూర్తిగా మారిపోయింది . టెన్షన్ లో ఉన్నప్పుడు నీ మౌనం, కష్టాల్లో కూడా నీ దయ, ప్రజల పట్ల, నిన్ను బాధపెట్టే వారి పట్ల కూడా నీ అచంచలమైన కరుణ మాయాజాలాన్ని నేను చూశాను. ఆ బలం , స్వచ్ఛత నన్ను విస్మయంతో తల వంచేలా చేస్తాయి ఎప్పటికీ. నా భార్యగా ప్రేమను పంచావు . ధైరవ్ , దేవసేన .. లిటిల్ జోయాకు తల్లిగా .. నువ్వు వారి ప్రతి అడుగును నడిపించే వెలుగుగా మారావ్ . మా ఇంటిని నవ్వులతో నింపేశావ్ . నమస్తే వరల్డ్ సీఈవో , వ్యవస్థాపకురాలిగా ఏమి సాధించగలదో నువ్వు చూపించావు. రాయలసీమ బిడ్డగా .. ప్రజలకు నీ నిరంతర సేవ నిన్ను నాయకురాలిగా మాత్రమే కాకుండా లెక్కలేనన్ని జీవితాలకు ప్రేరణగా నిలుస్తుందని ‘ కొనియాడారు .
వైరల్ అవుతున్న పుట్టినరోజు వీడియో
నీ జీవితంలో నువ్వు ఎప్పుడూ దురాశ పడలేదు .. ఎప్పుడూ నీ కష్టాన్ని నమ్ముకున్నావు .. నీ ఆత్మగౌరవం నన్ను నేను మరింత గౌరవించుకునేలా చేసిందని మంచు మనోజ్ ట్వీట్ చేశారు . నీ వల్లే నేను ఈ రోజు మెరుగైన వ్యక్తిగా మారాను . . నాపై అలాగే రాబోయే మన అందమైన ప్రయాణంపై నమ్మకం ఉంచినందుకు ధన్యవాదాలు అంటూ పోస్ట్ చేశారు. నీ సింప్లిసిటీ నన్ను ఆశ్చర్యపరుస్తూనే ఉంది .. నీ ధైర్యం నాకు స్ఫూర్తినిస్తూనే ఉందంటూ మనోజ్ రాసుకొచ్చాడు . నా జీవితాన్నే మార్చేసిన నా ప్రేమ, నా భాగస్వామి, నా బలం, నా శక్తికి పుట్టినరోజు శుభాకాంక్షలు .. నీ వల్లే ఈ ప్రపంచం, పిల్లలు నా లైఫ్ లో దక్కిన అదృష్టమని సంతోషం వ్యక్తం చేశారు .
మొత్తానికి, మంచు మనోజ్ తన సతీమణి పట్ల ఉన్న ప్రేమను, గౌరవాన్ని ఈ పుట్టినరోజు శుభాకాంక్షలతో స్పష్టంగా తెలియజేశారు. ఈ హృదయపూర్వక సందేశం, వీడియో అభిమానులను ఎంతగానో ఆకట్టుకున్నాయి.
