మంచు విష్ణు నటించిన ‘కన్నప్ప’ సినిమా జూన్ 27న విడుదలవుతోంది. తాజా ఇంటర్వ్యూలో విష్ణు తన వ్యక్తిగత విశ్వాసాలు, సినిమా గురించి ఆసక్తికర విషయాలు పంచుకున్నాడు. ‘లార్డ్ ఆఫ్ ద రింగ్స్’ సినిమాను ‘కన్నప్ప’ పోలి ఉంటుందని అతను చెప్పాడు.
Key Points
మంచు విష్ణు హీరోగా నటించిన 'కన్నప్ప' సినిమా జూన్ 27న విడుదలవుతోంది.
విష్ణు తనను హార్డ్ కోర్ హిందువుగా, భార్యను క్రిస్టియన్గా పరిచయం చేసుకున్నాడు.
'కన్నప్ప' సినిమా 'లార్డ్ ఆఫ్ ద రింగ్స్' సినిమాను పోలి ఉంటుందని విష్ణు అభిప్రాయం.
సినిమాలో ప్రభాస్, మోహన్ లాల్, అక్షయ్ కుమార్, మోహన్ బాబు, కాజల్ అగర్వాల్ వంటి స్టార్స్ నటించారు.
‘కన్నప్ప’ సినిమా విడుదల తేదీ
మంచు విష్ణు హీరోగా నటిస్తూ నిర్మించిన సినిమా ‘కన్నప్ప’. ఈ శుక్రవారం (జూన్ 27) థియేటర్లలోకి రానుంది. ఇప్పటికే తెగ ప్రమోషన్లు చేస్తున్న విష్ణు.. ఒకటి రెండు రోజుల్లో శ్రీకాళహస్తిలోనూ ప్రీ రిలీజ్ ఈవెంట్ ప్లాన్ చేస్తున్నాడు. దీనికి చీఫ్ గెస్ట్గా ప్రభాస్ని తీసుకొచ్చే ఆలోచనలో ఉన్నాడు. తాజాగా ప్రముఖ జర్నలిస్టు భరద్వాజ రంగన్కి ఇచ్చిన ఇంటర్వ్యూలో మరిన్ని ఆసక్తికర విషయాలు చెప్పుకొచ్చాడు.
‘లార్డ్ ఆఫ్ ద రింగ్స్’ సినిమా అంటే నాకు ఇష్టం. ‘కన్నప్ప’ కూడా నా పరంగా అలాంటి మూవీనే. అలానే నేను హార్డ్ కోర్ హిందువుని.. నా భార్య క్రిస్టియన్. ఆమె రోజూ బైబిల్ చదువుతుంది. అలానే రోజూ నిద్రపోయేటప్పుడు నా తలగడ కింద బైబిల్ ఉంచుంది. నాలోని ఏవైనా దుష్టశక్తులు ఉంటే వెళ్లిపోతాయని ఆమె నమ్మకం. దేవుడు అన్నిచోట్ల ఉంటాడు. కాకపోతే గుడికి వెళ్తే మనశ్శాంతి దొరుకుతుంది’ అని మంచు విష్ణు చెప్పుకొచ్చాడు.
మంచు విష్ణు మత విశ్వాసాలు
ఇప్పటివరకు వచ్చిన ‘కన్నప్ప’ సినిమాల్లో క్లైమాక్స్ ఒక్కటే అయినా.. అంతకు ముందు సన్నివేశాల్ని మాత్రం ఎవరికి వాళ్ల ఊహలకు తగ్గట్లు తెరకెక్కించారని మంచు విష్ణు చెప్పుకొచ్చాడు. దాదాపు 50 ఏళ్ల తర్వాత, ప్రస్తుత జనరేషన్కి చూపించేందుకు తాను ‘కన్నప్ప’ తీశానని, శివుడి ఆశీర్వాదంతోనే ఇది సాధ్యమైందని విష్ణు అన్నాడు.
‘కన్నప్ప’ సినిమా ప్రత్యేకతలు
భారీ బడ్జెట్తో తీసిన ‘కన్నప్ప’లో మంచు విష్ణుతో పాటు ప్రభాస్, మోహన్ లాల్, అక్షయ్ కుమార్, మోహన్ బాబు, కాజల్ అగర్వాల్.. ఇలా చాలామంది స్టార్స్ నటించారు. ఇప్పటికే రిలీజైన ట్రైలర్ ఆకట్టుకోగా.. సినిమాపై కూడా కాస్తోకూస్తో అంచనాలు ఉన్నాయి. గతవారం థియేటర్లలోకి వచ్చిన ‘కుబేర’ హిట్ కావడంతో థియేటర్లు కళకళలాడుతున్నాయి. ఆ జోష్ని ‘కన్నప్ప’ కూడా కొనసాగిస్తుందా లేదా అనేది మరో మూడు నాలుగు రోజుల్లో తెలుస్తుంది.
‘కన్నప్ప’ సినిమాపై అంచనాలు ఉన్నాయి. మంచు విష్ణు, ఇతర స్టార్ నటుల నటన, కథాంశం ప్రేక్షకులను ఆకట్టుకుంటాయని ఆశిద్దాం. ఈ సినిమా హిట్ అవుతుందో లేదో త్వరలోనే తెలుస్తుంది.
