📌 Key Points
- మ్యాంగో పుల్లైస్లో మామిడి పండుకు బదులు ప్రమాదకర రసాయనాలు వాడుతున్నారు.
- పారిశ్రామిక రసాయనాలు వాడటం వల్ల పిల్లల రోగనిరోధక శక్తి తగ్గుతుంది.
- కలుషిత నీరు, రసాయనాల వల్ల డయేరియా, వాంతులు వచ్చే ప్రమాదం ఉంది.
- ఇంట్లోనే పండ్ల రసాలతో ఐస్ క్యాండీలు చేసి ఇవ్వడం ఉత్తమం.
వేసవిలో పిల్లలు ఇష్టంగా తినే మ్యాంగో పుల్లైస్లో ప్రమాదకర రసాయనాలు వాడుతున్నారని ఒక వీడియో వైరల్ అవుతోంది. ఈ పుల్లైస్ల వల్ల పిల్లల ఆరోగ్యానికి హాని కలుగుతుందని వైద్యులు హెచ్చరిస్తున్నారు.
మ్యాంగో పుల్లైస్లో రసాయనాల కలకలం
వేసవి కాలం వచ్చిందంటే చాలు.. వీధి చివర వినిపించే గంట శబ్దం కోసం పిల్లలు ఆత్రుతగా ఎదురుచూస్తుంటారు. కేవలం పది రూపాయలకే దొరికే ఆ రంగు రంగుల పుల్లైస్, ముఖ్యంగా మ్యాంగో ఫ్లేవర్ ఐస్ క్యాండీలను చిన్నారులు అమితంగా ఇష్టపడతారు. అయితే, ఈ పుల్లైస్ తయారీకి సంబంధించి ప్రస్తుతం నెట్టింట వైరల్ అవుతున్న ఒక వీడియో తల్లిదండ్రులను భయాందోళనకు గురి చేస్తోంది.
వైరల్ అవుతున్న వీడియోలో .. మ్యాంగో పుల్లైస్ తయారీలో అసలు మామిడి పండు ఛాయలే కనిపించడం లేదు. కేవలం కెమికల్ ఫ్లేవర్లు, సింథటిక్ రంగులు, అత్యధిక మోతాదులో చక్కెర కలిపిన నీళ్లను మాత్రమే ఉపయోగిస్తున్నారు. ఆకర్షణీయమైన పసుపు రంగు కోసం వాడే రసాయనాలు పారిశ్రామిక అవసరాలకు వాడేవని, ఇవి ఏమాత్రం ఆహార యోగ్యం కావని నిపుణులు చెబుతున్నారు. ఈ తరహా రసాయనాలతో కూడిన ఐస్ క్యాండీలు తినడం వల్ల చిన్నారులలో రోగనిరోధక శక్తి దెబ్బతింటుందని వైద్యులు హెచ్చరిస్తున్నారు. కలుషిత నీరు, హానికారక రసాయనాల వల్ల డయేరియా, వాంతులు, ఇతర ఉదర సంబంధిత సమస్యలు వస్తాయని హెచ్చరిస్తున్నారు. వీటిలో వాడే ‘మెటానిల్ ఎల్లో’ వంటి రంగులు కాలేయం, కిడ్నీలపై తీవ్ర ప్రభావం చూపుతాయి. కొంతమంది పిల్లల్లో అలర్జీలు, ఆస్తమా వంటి సమస్యలకు కూడా దారితీయవచ్చు. చౌకగా దొరుకుతున్నాయని రోడ్డు పక్కన అమ్మే ఇలాంటి రంగు రంగుల పుల్లైస్ కొనిచ్చి పిల్లల ఆరోగ్యాన్ని ప్రమాదంలో పడేయవద్దని నిపుణులు సూచిస్తున్నారు. వీటికి బదులుగా ఇంట్లోనే తాజా పండ్ల రసాలతో ఐస్ క్యాండీలు తయారు చేసి ఇవ్వడం శ్రేయస్కరమని పేర్కొంటున్నారు.
పిల్లల ఆరోగ్యంపై తీవ్ర ప్రభావం
ప్రత్యామ్నాయ మార్గాలు: ఇంట్లోనే ఐస్ క్యాండీలు
పిల్లల ఆరోగ్యం విషయంలో రాజీ పడొద్దు. వీధిలో అమ్మే పుల్లైస్ల బదులు ఇంట్లోనే తయారు చేసిన వాటిని ఇవ్వడం ఉత్తమం. ఇది మీ పిల్లలను ప్రమాదం నుండి కాపాడుతుంది.
