తాజా చిత్రం ‘థగ్ లైఫ్’ డిజాస్టర్ తర్వాత, ప్రముఖ దర్శకుడు మణిరత్నం తనకు అనుకూలమైన ప్రేమకథా చిత్రాలపై దృష్టి పెడుతున్నారు. ఆయన తన కెరీర్ లో ఎన్నో హిట్ లవ్ స్టోరీస్ ను అందించారు.
Key Points
మణిరత్నం తన తాజా చిత్రం 'థగ్లైఫ్'తో డిజాస్టర్ను ఎదుర్కొన్నారు.
ఈ విఫలం తర్వాత, ఆయన తనకు అనుకూలమైన లవ్ స్టోరీలకు మళ్ళీ దృష్టి పెడుతున్నారు.
శింబుతో కలిసి ఆయన ఒక కొత్త ప్రేమకథా చిత్రాన్ని తెరకెక్కించేందుకు ప్లాన్ చేస్తున్నట్లు సమాచారం.
మణిరత్నం యొక్క లవ్ స్టోరీ సినిమాలకు ప్రేక్షకులలో ఇప్పటికీ మంచి ఆదరణ ఉంది.
థగ్ లైఫ్ డిజాస్టర్
Mani Ratnam : థగ్లైఫ్ సినిమాతో ఆడియెన్స్ ముందుకు వచ్చి భారీ డిజాస్టర్ చూశారు డైరెక్టర్ మణిరత్నం. ఇండియాలో బెస్ట్ డైరెక్టర్గా పేరు తెచ్చుకున్న మణిరత్నం తన సినిమాల్లో మునుపటి స్పార్క్ను చూపించలేకపోతున్నారనే విమర్శలు వస్తున్నాయి. పొన్నియన్ సెల్వన్ సిరీస్తో పర్వాలేదనిపించిన డైరెక్టర్ మణి థగ్లైఫ్ విషయంలో పూర్తిగా ఫెయిల్యూర్ అయ్యారనే కామెంట్స్ వినిపించాయి. దీంతో వీటన్నింటికి చెక్ పట్టాలంటే తనకు బాగా కలిసొచ్చిన లవ్ స్టోరీలపై ఫోకస్ పెట్టాలని డిసైడ్ అయ్యారట డైరెక్టర్ మణిరత్నం.
డైరెక్టర్ మణిరత్నం పేరు వినగానే ఎక్కువగా ఇంటెన్స్ డ్రామా ఉన్న సినిమాలు మంచి రొమాంటిక్ టచ్ ఉన్న సినిమాలు గుర్తుకువస్తాయి. కానీ రీసెంట్ టైమ్స్లో డైరెక్టర్ మణి చేసిన నవాబ్, పొన్నియన్ సెల్వన్ వన్ అండ్ టూ సినిమాలు, లేటెస్ట్గా రిలీజైన థగ్లైఫ్ ఈ సినిమాలన్నీ తన కంఫర్ట్ జోన్ నుంచి బయటికి వచ్చి చేసిన సినిమాలే. కానీ ఈ సినిమాలేవి బాక్సాఫీస్ దగ్గర పెద్దగా ఎఫెక్ట్ చూపించలేదు. ఆడియెన్స్ని ఏ మాత్రం ఆకట్టుకోలేదు కూడా. దీంతో డైరెక్టర్ మణిరత్నం మళ్లీ తన కంఫర్ట్ జోన్లోకి వచ్చేసి ఇంట్రెస్టింగ్ లవ్స్టోరీని ప్రజెంట్ ట్రెండ్కి తగ్గట్లు రెడీ చేసుకున్నట్లు తెలుస్తోంది.
కంఫర్ట్ జోన్ కు తిరిగి
డైరెక్టర్ మణిరత్నం కెరీర్ బిగినింగ్లో వచ్చిన రోజా, బొంబాయి సినిమాల్లో ఎంత ఇంటెన్సివ్ డ్రామా ఉన్నా సినిమాలోని రొమాంటిక్ సీన్స్ మాత్రం నెక్స్ట్ లెవల్ అని చెప్పాలి. ఆ తర్వాత చేసిన దిల్ సే ఫెయిల్యూర్ అయినా సినిమాలోని లవ్ సీన్స్కి ఆడియెన్స్కి బాగా కనెక్ట్ అయ్యారు. ఇక సఖి సినిమాలోని లవ్ సీన్స్కి సపరేట్ ఫ్యాన్ బేస్ ఉంది. ఇలాంటి క్రేజీ లవ్స్టోరీలని డైరెక్ట్ చేసిన మణిరత్నం చివరిసారిగా ఓకే బంగారంతో సక్సెస్ చూశారు. డైరెక్టర్ మణిరత్నం లవ్స్టోరీలకి ఆడియెన్స్లో ఇప్పటకీ ఫుల్ క్రేజ్ ఉంది. దీంతో థగ్లైఫ్లో వన్ ఆఫ్ లీడ్ క్యారెక్టర్ చేసిన శింబుతోనే ఇంట్రస్టింగ్ లవ్ సబ్జెక్ట్తో కంబ్యాక్ ఇచ్చేందుకు డైరెక్టర్ మణిరత్నం ప్లాన్ చేస్తున్నారట. మరి తనకు అచ్చొచ్చిన జానర్లో మంచి లవ్ స్టోరీతో మణిరత్నం మళ్ళీ ప్రేక్షకులను మెప్పిస్తారా చూడాలి.
కొత్త లవ్ స్టోరీ
మణిరత్నం తన ప్రేక్షకులను మళ్ళీ మెప్పించడానికి ప్రయత్నించబోతున్నారు. తన అనుభవం ఉన్న ప్రేమకథా జానర్ తో ఆయన సక్సెస్ అవుతారో లేదో చూడాలి.
