📌 Key Points
- మహారాష్ట్ర-ఛత్తీస్గఢ్ సరిహద్దులోని గడ్చిరోలిలో ఐదుగురు మావోయిస్టుల లొంగుబాటు.
- లొంగిపోయిన వారిలో కీలక డివిజనల్ కమిటీ సభ్యుడు (DVCM) మధు అలియాస్ హేమంత్.
- అంతర్గత విభేదాలు, పోలీసుల పునరావాస విధానం లొంగుబాటుకు ప్రధాన కారణాలు.
- లొంగిపోయిన వారికి తక్షణ సహాయ నిధులు, పునరావాస ప్యాకేజీ అందజేత.
మహారాష్ట్ర-ఛత్తీస్గఢ్ సరిహద్దులోని గడ్చిరోలి జిల్లాలో మావోయిస్టు పార్టీకి భారీ ఎదురుదెబ్బ తగిలింది. కీలక డివిజనల్ కమిటీ సభ్యుడు (DVCM) మధుతో సహా ఐదుగురు మావోయిస్టులు పోలీసుల ఎదుట లొంగిపోయారు. ఇది ఆ ప్రాంతంలో మావోయిస్టుల కార్యకలాపాలను నిర్వీర్యం చేయడంలో కీలక ముందడుగు.
గడ్చిరోలిలో మావోయిస్టు పార్టీకి ఎదురుదెబ్బ
మహారాష్ట్ర-ఛత్తీస్గఢ్ సరిహద్దు ప్రాంతమైన గడ్చిరోలి (Gadchiroli) జిల్లాలో మావోయిస్టు పార్టీకి ఎదురుదెబ్బ తగిలింది. జిల్లాలో ఇన్నాళ్లు చురుగ్గా పనిచేస్తున్న ఐదుగురు మావోయిస్టులు ఇవాళ గడ్చిరోలి ఎస్పీ ఎం.రమేష్ (SP Ramesh) పోలీస్ ఉన్నతాధికారుల ఎదుట అధికారికంగా లొంగిపోయారు. సరెండర్ అయిన వారిలో వారిలో ఓ కీలక డివిజనల్ కమిటీ సభ్యుడితో పాటు ముగ్గురు మహిళా మావోయిస్టులు, మరో సభ్యుడు ఉన్నారు. ఈ మేరకు వారు తమ ఆయుధాలతో పాటు విప్లవ సాహిత్యాన్ని పోలీసులకు హ్యాండోవర్ చేశారు.
పోలీసులు తెలిపిన వివరాల ప్రకారం.. లొంగిపోయిన వారిలో మావోయిస్టు పార్టీలో అత్యంత కీలకమైన డివిజనల్ కమిటీ సభ్యుడిగా (DVCM) కొనసాగుతున్న మధు అలియాస్ హేమంత్ ఉన్నారు. అతడిపై ప్రభుత్వం భారీ రివార్డును కూడా ప్రకటించింది. మధుతో పాటు వివిధ దళాల్లో పనిచేస్తున్న ముగ్గురు మహిళా మావోయిస్టులు, మరో దళ సభ్యుడు లొంగిపోయారు. వీరంతా గడ్చిరోలి, పరిసర జిల్లాల్లో జరిగిన పలు హింసాత్మక ఘటనలు, ఎన్కౌంటర్లలో పాల్గొన్నట్లుగా పోలీసులు వెల్లడించారు. అయితే, మావోయిస్టు పార్టీలోని అంతర్గత విభేదాలు, సిద్ధాంత లోపాలు, గడ్చిరోలి పోలీసులు అమలు చేస్తున్న ఆత్మ సమర్పణ పునరావాస విధానానికి ఆకర్షితులై తాము జనజీవన స్రవంతిలో కలవాలని నిర్ణయించుకున్నట్లుగా లొంగిపోయిన మావోయిస్టులు పేర్కొన్నారు. అదేవిధంగా సరెండర్ అయిన ఐదుగురికి ప్రభుత్వం తరఫున తక్షణ సహాయ నిధులు, పునరావాస ప్యాకేజీని అందజేయనున్నట్లుగా జిల్లా ఎస్పీ రమేష్ వెల్లడించారు.
కీలక DVCM మధు లొంగుబాటు వివరాలు
లొంగుబాటుకు కారణాలు, ప్రభుత్వ సహాయం
గడ్చిరోలిలో మావోయిస్టుల లొంగుబాటు పోలీసుల వ్యూహాత్మక విజయానికి నిదర్శనం. ఇది మావోయిస్టు ఉద్యమానికి పెద్ద దెబ్బ, శాంతి స్థాపనకు దోహదపడుతుంది. ఇలాంటి చర్యలు మరిన్ని చోట్ల పునరావృతం కావాలని ఆశిద్దాం.
