కుశ్ లవ్, తన్మయి హీరో హీరోయిన్లుగా నటించిన మయూఖం సినిమా పూజా కార్యక్రమం జరిగింది. ఈ కార్యక్రమంలో హీరో, నిర్మాత రాంకీ మయూఖం సినిమా పోస్టర్ గురించి, సినిమా విజయం గురించి ఆసక్తికరమైన వ్యాఖ్యలు చేశారు.
Key Points
మయూఖం సినిమా పోస్టర్ హరి హర వీరమల్లును గుర్తు చేస్తుందని రాంకీ అభిప్రాయం.
రాంకీ, డైరెక్టర్ వెంకట్ ప్రతిభను కొనియాడారు.
సినిమాలో నటించిన కొత్త నటుల అనుభవాలు పంచుకున్నారు.
మయూఖం పాన్ ఇండియా స్థాయిలో విజయం సాధించాలని ఆశిస్తున్నారు.
మయూఖం సినిమా ప్రెస్ మీట్ హైలైట్స్
కుశ్ లవ్, తన్మయి హీరో హీరోయిన్లుగా నటించిన లేటెస్ట్ మూవీ మయూఖం. డైరెక్టర్ వెంకట్ బులెమోని దర్శకత్వం వహించిన ఈ సినిమాను భారీ పాన్ ఇండియా మైథలాజికల్ థ్రిల్లర్ మూవీగా తెరకెక్కిస్తున్నారు. సినెటేరియా మీడియా వర్క్స్ బ్యానర్పై శ్రీమతి శ్రీలత వెంకట్ మయూఖం సినిమాను నిర్మిస్తున్నారు.
ఇటీవల మయూఖం మూవీ పూజా కార్యక్రమం ఘనంగా జరిగింది. అనంతరం మయూఖం ప్రెస్ మీట్ నిర్వహించారు. ఈ కార్యక్రమంలో హీరో, నిర్మాత రాంకీ ఇంట్రెస్టింగ్ కామెంట్స్ చేశారు. అలాగే, అతిథులుగా వచ్చిన సెలబ్రిటీలు కూడా ఆసక్తికర వాఖ్యలు చేశారు.
అతిథిగా వచ్చిన హీరో, ప్రొడ్యూసర్ రాంకీ మాట్లాడుతూ.. “డైరెక్టర్ వెంకట్ గారు చాలా టాలెంటెడ్. ఆయన మయూఖం చిత్రంతో ఎంతోమంది కొత్త వాళ్లకు అవకాశం ఇస్తున్నారు. మీలో ఎవరైనా స్టార్ కావొచ్చు. స్టార్ అయ్యాక డైరెక్టర్ వెంకట్ గారు చేసిన హెల్ప్ మర్చిపోవద్దు” అని అన్నారు.
రాంకీ ఆసక్తికర వ్యాఖ్యలు
“మయూఖం సినిమా పోస్టర్ చూస్తుంటే హరి హర వీరమల్లు పవన్ కల్యాణ్ గారు గుర్తొస్తున్నారు. ఈ సినిమా పాన్ ఇండియా స్థాయిలో విజయం సాధించాలి” అని హీరో, నిర్మాత రాంకీ ఇంట్రెస్టింగ్ కామెంట్స్ చేశారు.
ఇదే కార్యక్రమంలో నటుడు ప్రశాంత్ మాట్లాడుతూ.. “మయూఖం మూవీలో ఒక ఇంపార్టెంట్ రోల్ చేస్తున్నాను. ఈ చిత్రంలో నటించే అవకాశం రావడం అదృష్టంగా భావిస్తున్నా. మీ అందరి సపోర్ట్ మా టీమ్కు ఉండాలని కోరుకుంటున్నా” అని అన్నారు.
“ఆడిషన్ ద్వారా ఈ చిత్రంలో ఓ మంచి రూల్కు నన్ను సెలెక్ట్ చేశారు డైరెక్టర్ వెంకట్ గారు. నాకు తెలుగు రాదు. ఇప్పుడే నేర్చుకుంటున్నా. ఈ చిత్రంతో నాకు మంచి గుర్తింపు దక్కుతుందని ఆశిస్తున్నా” అని యాక్టర్ తుషార్ చెప్పారు.
కొత్త నటుల అనుభవాలు
“కొత్త వాళ్లమైనా మాకు ఈ చిత్రంలో నటించే అవకాశం కల్పించినందుకు దర్శకుడు వెంకట్ గారికి థ్యాంక్స్. ఆయన నమ్మకాన్ని నిలబెట్టేందుకు ప్రయత్నిస్తాం” అని మరో యాక్టర్ అమర్ జిత్ తెలిపారు.
“నేను సత్యానంద్ గారి దగ్గర యాక్టింగ్లో ట్రైనింగ్ తీసుకున్నాను. ఆడిషన్ ద్వారా నేను ఈ మూవీలో సెలెక్ట్ అయ్యాను. మాకు ఇలాంటి మంచి చిత్రంలో నటించే అవకాశం రావడం అదృష్టంగా భావిస్తున్నాం. మయూఖం తప్పకుండా సూపర్ హిట్ అవుతుంది” అని నటుడు దేవిల్ పేర్కొన్నారు.
నటుడు అయాన్ మాట్లాడుతూ.. “ఈరోజు మా మూవీ లాంచింగ్ ఈవెంట్కు వచ్చిన అందరికీ థ్యాంక్స్. ఈ చిత్ర కథ విన్నప్పుడే ఇది చాలా పెద్ద స్కేల్ మూవీ అవుతుందని నమ్మకం కలిగింది. మీ సపోర్ట్ ఉండాలని కోరుకుంటున్నా” అని చెప్పారు.
మొత్తంమీద, మయూఖం సినిమాపై అంచనాలు పెరుగుతున్నాయి. రాంకీ, ఇతర నటుల వ్యాఖ్యలు సినిమాపై ఆసక్తిని పెంచాయి. సినిమా పాన్ ఇండియా స్థాయిలో విజయం సాధించాలని అందరూ ఆశిస్తున్నారు.
