📌 Key Points
- రణధీర్ భీసు, హెబ్బా పటేల్ జంటగా ‘మిరాకిల్’ మూవీ ఫస్ట్ లుక్ విడుదల!
- ప్రభాస్ నిమ్మల దర్శకత్వంలో అవుట్ అండ్ ఔట్ యాక్షన్ ఎంటర్టైనర్గా రూపొందుతున్న చిత్రం!
- జనవరి 22 నుండి హైదరాబాద్ పరిసర ప్రాంతాల్లో ‘మిరాకిల్’ మూవీ సెకండ్ షెడ్యూల్ ప్రారంభం!
- శ్రీరామ్, సురేష్ కీలక పాత్రల్లో నటిస్తుండగా, నాయుడు పెండ్ర విలన్గా పరిచయం!
టాలీవుడ్ ప్రేక్షకులకి అదిరిపోయే న్యూస్! రణధీర్ భీసు, హెబ్బా పటేల్ కాంబినేషన్లో వస్తున్న ‘మిరాకిల్’ మూవీ ఫస్ట్ లుక్ విడుదలైంది. ఈ సినిమా యాక్షన్ సీన్స్తో ప్రేక్షకులను మెస్మరైజ్ చేయడం ఖాయం.
హెబ్బా పటేల్ గ్లామర్ తో ‘మిరాకిల్’ అదుర్స్!
సైదా ఫ్యామిలీ ఎంటర్టైన్మెంట్ బ్యానర్ పై రమేష్ ఎగ్గిడి – శ్రీకాంత్ మొగదాసు – చందర్ గౌడ్ సంయుక్తంగా నిర్మిస్తున్న ఔట్ అండ్ ఔట్ యాక్షన్ ఎంటర్టైనర్ “మిరాకిల్”. “సత్య గ్యాంగ్, ఫైటర్ శివ” చిత్రాల దర్శకుడు ప్రభాస్ నిమ్మల దర్శకత్వంలో ప్రతిష్టాత్మకంగా రూపొందుతున్న ఈ చిత్రం ఫస్ట్ లుక్ సంక్రాంతి కానుకగా ఈరోజు ( జనవరి 16న) విడుదల చేశారు. శ్రీమతి జ్యోత్స్న ఈ చిత్రానికి సహ నిర్మాత. పోరాట సన్నివేశాలతో మొదటి షెడ్యూల్ జరుపుకున్న ఈ చిత్రం రెండో షెడ్యూల్ ఈనెల 22 నుంచి హైదరాబాద్ పరిసర ప్రాంతాల్లో జరగనుంది!!
జనవరి 22 నుంచి ‘మిరాకిల్’ సెకండ్ షెడ్యూల్
రణధీర్ భీసు హీరోగా నటిస్తున్న ఈ చిత్రంలో హెబ్బా పటేల్ హీరోయిన్. అక్షర నున్న సుజన మరో హీరోయిన్. సీనియర్ హీరోలు శ్రీరామ్, సురేష్ కీలక పాత్రలు పోషిస్తున్నారు. నాయుడు పెండ్ర విలన్ గా పరిచయమవుతున్నాడు. సీనియర్ ఫిల్మ్ జర్నలిస్ట్ ధీరజ అప్పాజీ ఫోరెన్సిక్ ఆఫీసర్ గా నటిస్తున్న ఈ చిత్రంలో జనార్దన్, యోగి కాత్రే, విజయ్ సూర్య, ఇంతియాజ్, సాయిబాబా, దిల్ రమేష్, ఝాన్సీ, సూర్యనారాయణ, శ్రీధర్, శ్రీకాంత్, శివ, ఆమని, హైమావతి, నవ్య (అమ్ము) బెజవాడ మస్తాన్, ఆర్. కుమార్ ఇతర ముఖ్య పాత్రలు పోషిస్తున్నారు!!
విలన్గా నాయుడు పెండ్ర.. సీనియర్ నటుల కీలక పాత్రలు!
నిర్మాతలు మాట్లాడుతూ…. “సత్యా గ్యాంగ్, ఫైటర్ శివ” చిత్రాలతో దర్శకుడిగా తన సత్తా చాటుకున్న ప్రభాస్ నిమ్మల తన మూడో చిత్రంతో “మిరాకిల్” చేయబోతున్నారు. హెబ్బా పటేల్ గ్లామర్, సీనియర్ హీరోలు శ్రీరామ్, సురేష్ పోషిస్తున్న కీలక పాత్రలు, ముఖ్యంగా యాక్షన్ బ్లాక్స్ “మిరాకిల్” చిత్రానికి ముఖ్య ఆకర్షణలు కానున్నాయి. రెండో షెడ్యూల్ ఈనెల 22 నుంచి జరగనుంది” అని అన్నారు. ఈ చిత్రానికి పి.ఆర్.ఓ: ధీరజ్-అప్పాజీ, కెమెరా: సురేందర్ రెడ్డి, ఎడిటింగ్: విశ్వనాధ్, లిరిక్స్: రాంబాబు గోసాల, ఫైట్స్: శ్రీను, సహనిర్మాత: శ్రీమతి జ్యోత్స్న, నిర్మాతలు: రమేష్ ఎగ్గిడి – శ్రీకాంత్ మొగదాసు – చందర్ గౌడ్, కథ-మాటలు-స్క్రీన్ ప్లే-సంగీతం-దర్శకత్వం: ప్రభాస్ నిమ్మల!!
మిరాకిల్ మూవీ షూటింగ్ శరవేగంగా జరుగుతోంది. త్వరలోనే ఈ మూవీకి సంబంధించిన మరిన్ని అప్డేట్స్ మీ ముందుకు తీసుకువస్తాం. అప్పటివరకు చూస్తూనే ఉండండి.
