📌 Key Points
- మోనాలిసా, ఫర్మాన్ ఖాన్ వివాహంపై దర్శకుడు సనోజ్ మిశ్రా సంచలన ఆరోపణలు!
- రూ.10 కోట్ల అప్పు చేసి మోసపోయానన్న సనోజ్ మిశ్రా ఆరోపణలను ఖండించిన మోనాలిసా.
- హిందూ సంప్రదాయంలోనే వివాహం జరిగింది, లవ్ జిహాద్ ఆరోపణల్లో నిజం లేదన్న మోనాలిసా.
- అన్ని మతాలను సమానంగా చూస్తానన్న మోనాలిసా కామెంట్స్ వైరల్.
సోషల్ మీడియా సెన్సేషన్ మోనాలిసా వ్యక్తిగత జీవితం ఇప్పుడు హాట్ టాపిక్ గా మారింది. ఆమె పెళ్లిపై రేగిన వివాదం ఇండస్ట్రీలో సంచలనం కలిగిస్తోంది. దర్శకుడి ఆరోపణలకు మోనాలిసా ఎలా స్పందించిందో చూద్దాం.
దర్శకుడి సంచలన ఆరోపణలు
Monalisa: కుంభమేళాలో పూసలు అమ్ముకుంటూ కనిపించిన మోనాలిసా ఓవర్ నైట్ సోషల్ మీడియా సెన్సేషన్ గా మారిన విషయం తెలిసిందే. ఇప్పుడు మరోసారి ఆమె వార్తల్లో నిలిచారు. సినిమా హీరోయిన్ గా అవకాశాలు దక్కించుకుంటున్న తరుణంలో.. ఆమె వ్యక్తిగత జీవితం చుట్టూ పెను వివాదం రేగింది. ఆమె తన ప్రియుడు ఫర్మాన్ ఖాన్ను వివాహం చేసుకోవడం ఇప్పుడు చర్చనీయాంశంగా మారింది.
లవ్ జిహాద్ కాదన్న మోనాలిసా
ఈ నేపధ్యంలోనే దర్శకుడు సనోజ్ మిశ్రా మోనాలిసా(Monalisa) పెళ్లిపై సంచలన కామెంట్స్ చేశాడు. మోనాలిసాతో సినిమా తీయడం కోసం ఏకంగా రూ.10 కోట్ల రూపాయల అప్పు చేశానని, ఆమె వ్యవహారశైలి వల్ల తాను అరెస్టయి జైలుకు కూడా వెళ్లాల్సి వచ్చిందని సంచలన వ్యాఖ్యలు చేశారు. అంతేకాకుండా, ఆమె ఒక ముస్లిం యువకుడిని పెళ్లి చేసుకోవడం వెనుక ‘లవ్ జిహాద్’ కోణం ఉందంటూ చేసిన వ్యాఖ్యలు ఇప్పుడు ఇండస్ట్రీలో దుమారం రేపుతున్నాయి.
అన్ని మతాలు సమానమేనన్న మోనాలిసా
అయితే, దర్శకుడు సనోజ్ మిశ్రా ఆరోపణలపై మోనాలిసా స్పందించారు. కేరళలోని తిరువనంతపురంలో తన భర్త ఫర్మాన్ ఖాన్ తో కలిసి మీడియాతో మాట్లాడారు. “మేము హిందూ ఆచారాల ప్రకారం, హిందూ దేవాలయంలోనే పెళ్లి చేసుకున్నాం. ఇందులో ఎటువంటి లవ్ జిహాద్ లేదు. నేను అన్ని మతాలను సమానంగా చూస్తాను” అంటూ చెప్పుకొచ్చింది. ప్రస్తుతం మోనాలిసా చేసిన ఈ కామెంట్స్ వైరల్ అవుతున్నాయి.
మోనాలిసా చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. ఈ వివాదంపై మరిన్ని అప్డేట్స్ కోసం చూస్తూ ఉండండి.
