📌 Key Points
- డైరెక్టర్ ఏఆర్ మురుగదాస్ వరుస ఫ్లాపులతో కొంతకాలంగా నిరాశలో ఉన్నారు.
- స్టార్ హీరోలను కాకుండా గ్రాఫిక్స్లో రూపొందించే కోతితో సినిమా తీయనున్నారు.
- సహాయ దర్శకుడిగా ఉన్నప్పటి నుంచి ఈ కథ చేయాలని మురుగదాస్ అనుకున్నారు.
- ఇది వినోదం, అడ్వెంచర్, భావోద్వేగాలతో కూడిన బాలల ఇతివృత్త చిత్రం.
ప్రముఖ డైరెక్టర్ ఏఆర్ మురుగదాస్ తన తదుపరి చిత్రంపై సంచలన నిర్ణయం తీసుకున్నారు. స్టార్ హీరోలను పక్కనపెట్టి, గ్రాఫిక్స్ కోతిని ప్రధాన పాత్రలో పెట్టి ఓ భారీ చిత్రాన్ని రూపొందించనున్నారు. ఇది బాలల ఇతివృత్తంతో కూడిన అడ్వెంచర్ సినిమా కానుంది. ఈ ప్రాజెక్ట్ వివరాలు కొలీవుడ్లో చర్చనీయాంశంగా మారాయి.
మురుగదాస్ కెరీర్ గడ్డుకాలం
కోలీవుడ్ డైరెక్టర్ ఏఆర్ మురుగదాస్(AR Murugadoss)కు గత కొద్ది కాలంగా బ్యాడ్ టైమ్ నడుస్తోంది. ఆయన చేసిన సినిమాలన్ని ఫ్లాప్ టాక్ తెచ్చుకోవడంతో పాటు.. ట్రోలింగ్కు గురవుతున్నాయి. అయినప్పటికీ వరుస చిత్రాలు చేసిన మురుగదాస్ విసుగెత్తిపోయాడు. అజిత్, విజయ్ కాంత్, సల్మాన్, విజయ్, రజనీకాంత్(Rajinikanth) వంటి, శివ కార్తికేయన్(Sivakarthikeyan) వంటి స్టార్స్తో కలిసి పని చేసిన ఆయన ప్రేక్షకులను అలరించలేకపోయారు. ముఖ్యంగా దర్బార్, సికిందర్, మదరాసి వంటి మూవీస్ నిరాశపరిచాయి. ఈక్రమంలో.. తాజాగా, మురుగదాస్ ఓ షాకింగ్ నిర్ణయం తీసుకున్నారు. తన తదుపరి ప్రాజెక్ట్ను స్టార్ హీరోలతో కాకుండా ఓ కోతితో చేయాలని డిసైడ్ అయినట్లు తెలుస్తోంది. ఈవిషయంపై మురుగదాస్ స్పందించి షాకింగ్ కామెంట్స్ చేయడం గమనార్హం.
‘‘నా నెక్ట్స్ ప్రాజెక్ట్లో కోతి ప్రధాన పాత్రలో నటిస్తుంది. కాకపోతే అది గ్రాఫిక్స్లో రూపొందించనున్నాము. నేను సహాయ దర్శకుడిగా పనిచేస్తున్న సమయంలోనే ఈ కథతో సినిమా చేయాలని భావించాను కానీ కుదరలేదు. కానీ ఇప్పుడు ఈ కథను ప్రేక్షకుల ముందుకు తీసుకురావాలనుకుంటున్నాను. ఇది బాలల ఇతివృత్తంతో రూపొందే సినిమాగా ఉంటుంది. కోతి పాత్ర ద్వారా ప్రేక్షకులకు వినోదం, ఎడ్వెంచర్, భావోద్వేగాలు అందిస్తామని నమ్ముతున్నాను. త్వరలోనే అధికారికంగా ప్రకటిస్తానని’’ చెప్పారు.ప్రేక్షకులు, మురుగదాస్ చేసిన సినిమాలను చూసి కొంత నిరాశపడినప్పటికీ, ఈ సరికొత్త, విభిన్న ప్రయత్నం కొలీవుడ్లో ఒక కొత్త చర్చకు దారి తీస్తుందని భావిస్తున్నారు. సోషల్ మీడియాలో ఇప్పటికే కొంత మంది అభిమానులు ఈ ప్రాజెక్ట్ గురించి ఊహాగానాలు మొదలుపెట్టారు. కోతితో సినిమా చేయడం అంటే గేమ్చేంజింగ్ అడ్వెంచర్ అని ఫ్యాన్స్ అభిప్రాయపడుతున్నారు.
స్టార్ హీరోలు లేకుండా కోతితో భారీ చిత్రం
ప్రాజెక్ట్ వివరాలు: బాలల చిత్రంగా ‘కోతి’
మురుగదాస్ తీసుకున్న ఈ సాహసోపేతమైన నిర్ణయం కొలీవుడ్లో కొత్త ఒరవడికి దారి తీస్తుందని భావిస్తున్నారు. ప్రేక్షకులు ఈ వినూత్న ప్రయత్నాన్ని ఎలా ఆదరిస్తారో వేచి చూడాలి. కోతి సినిమాపై ఇప్పటికే అభిమానుల్లో ఆసక్తి నెలకొంది.
