నాగార్జున, అమల కలిసి దాదాపు 30 ఏళ్ల తర్వాత శివ సినిమాలోని ‘బోటనీ పాఠముంది’ పాటకు బిగ్బాస్ వేదికపై స్టెప్పులేశారు. శివ సినిమా 4K రీ-రిలీజ్ నేపథ్యంలో ఈ ఘటన చోటుచేసుకుంది. దీనికి సంబంధించిన వీడియోలు ప్రస్తుతం నెట్టింట వైరల్గా మారాయి.
Key Points
రామ్ గోపాల్ వర్మ దర్శకత్వంలో వచ్చిన 'శివ' సినిమా 1989లో విడుదలైంది.
36 సంవత్సరాల తర్వాత 'శివ' సినిమాను 4K ఫార్మాట్లో తిరిగి విడుదల చేస్తున్నారు.
నాగార్జున హోస్ట్ చేస్తున్న బిగ్బాస్ షోకు అమల గెస్ట్గా వచ్చి, 'బోటనీ పాఠముంది' పాటకు డాన్స్ చేశారు.
నాగార్జున, అమల డ్యాన్స్కు సంబంధించిన వీడియోలు సోషల్ మీడియాలో వైరల్గా మారాయి.
శివ సినిమా రీ-రిలీజ్ హంగామా
టాలీవుడ్(Tollywood) హిస్టరీలో రామ్ గోపాల్ వర్మ – అక్కినేని నాగార్జున శివ సినిమా(Shiva Movie)కు సపరేట్ క్రేజ్ ఉంటుంది. తెలుగు చలనచిత్ర పరిశ్రమ గురించి చెప్పుకోవాలంటే శివకి ముందు, శివ తర్వాత అని చెబుతుంటారు. 1989లో వచ్చిన ఈ సినిమా మొత్తం సినిమా ఇండస్ట్రీనే ఓ కుదుపు కుదిపేసింది. 36 సంవత్సరాల తరువాత ఈ కల్ట్ క్లాసిక్ మూవీని 4K ఫార్మాట్లో రీ-రిలీజ్ చేస్తున్న సంగతి తెలిసిందే. నవంబర్ 14న గ్రాండ్గా థియేటర్లలోకి తీసుకొస్తున్నారు. ఈ నేపథ్యంలో సినిమాకి సంబంధించిన ఆసక్తికరమైన విషయాలు ఒక్కటొక్కటిగా వెలుగులోకి వస్తున్నాయి. తాజాగా నాగార్జున హోస్ట్గా చేస్తున్న బిగ్బాస్ షోకు అమల గెస్ట్గా వచ్చారు. ఈ సందర్భంగా శివ సినిమాలోని ‘బోటనీ పాఠముంది.. మ్యాటనీ ఆట ఉంది.. దేనికో ఓటు చెప్పరా?’ అని పాటకు ఇద్దరూ కలిసి డ్యాన్స్ చేశారు. ప్రస్తుతం ఇందుకు సంబంధించిన వీడియోలు నెట్టింట వైరల్గా మారాయి. వీడియో
బిగ్బాస్ వేదికపై నాగార్జున – అమల డ్యాన్స్
వైరల్ అవుతున్న బోటనీ పాట డ్యాన్స్
నాగార్జున, అమలల ఈ అరుదైన డ్యాన్స్ పాత జ్ఞాపకాలను రేకెత్తించింది. శివ సినిమా అభిమానులతో పాటు నేటితరం ప్రేక్షకులను కూడా ఈ వీడియో ఎంతగానో ఆకట్టుకుంటోంది.
