టాలీవుడ్ లో నాగార్జునకు విభిన్నమైన పాత్రలకు పేరుంది. ఇప్పుడు ఆయన ‘కూలి’ సినిమాలో ప్రధాన విలన్ గా నటిస్తున్నారు. హీరోగా ఎన్నో సినిమాలు చేసిన నాగార్జున విలన్ పాత్రలో ఎలా ఉంటారో చూడాలి.
Key Points
నాగార్జున త్వరలో విడుదల కానున్న 'కుబేర' సినిమాలో నటించారు.
ఆ తర్వాత ఆయన 'కూలి' సినిమాలో రజినీకాంత్ తో కలిసి నటించబోతున్నారు.
'కూలి' సినిమాలో నాగార్జున ప్రధాన విలన్ గా నటిస్తున్నారు.
హీరోగా ఎన్నో పాత్రలు చేసిన నాగార్జున, రాక్షసుడి పాత్రలో ఎలా ఉంటారో చూడాలి.
నాగార్జున కొత్త పాత్ర
Nagarjuna : టాలీవుడ్ కింగ్ నాగార్జున అంటే డిఫరెంట్ పాత్రలకు పెట్టిన పేరు. ఆయన చేసినన్ని వేరియేషన్స్ ఆ తరం హీరోల్లో ఎవరూ చేయలేదనే చెప్పొచ్చు. శివ, అన్నమయ్య, గీతాంజలి, హలో బ్రదర్, రాజు గారి గది.. ఇలా ఢిఫెరెంట్ జానర్స్ లో ఎంతోమంది డైరెక్టర్స్ ని ఇంట్రడ్యూస్ చేస్తూ ఫ్యాన్స్ ని, ఆడియన్స్ ని మెప్పించారు. ఇప్పుడు కూడా ఢిఫెరెంట్ పాత్రలు చేస్తున్నారు.
సోలో మెయిన్ హీరోగానే కాకుండా వేరే హీరోలతో కూడా కలిసి సినిమాలు చేసారు మొదట్నుంచి. నాని, కార్తీ.. ఇలా పలు హీరోలతో సినిమాలు చేసారు. ఇప్పుడు ధనుష్ తో కలిసి నాగార్జున కుబేర సినిమాతో జూన్ 20న రాబోతున్నాడు. ఆ తర్వాత రజినీకాంత్ తో కలిసి కూలి సినిమాతో రాబోతున్నాడు.
‘కూలి’ సినిమాలో విలన్ పాత్ర
కూలి సినిమా నుంచి రిలీజయిన నాగార్జున లుక్స్ కి టాలీవుడ్ ఫ్యాన్స్ ఫిదా అయిపోయారు. నాగ్ ఈ సినిమాలో మరింత స్టైలిష్ గా కనిపించబోతున్నాడు అని తెలుస్తుంది. అయితే ఈ సినిమాలో నాగార్జున కీ రోల్ కాదంట ఏకంగా మెయిన్ విలన్ అంట. రాక్షసుడిలా చూపిస్తున్నారంట అని రివీల్ చేసేసారు. కుబేర ప్రమోషన్స్ లో ఇచ్చిన ఇంటర్వ్యూలో నాగార్జున ఈ విషయాన్ని తెలిపాడు.
నాగార్జున మాట్లాడుతూ.. ఒకసారి లోకేష్ కనగరాజ్ నన్ను కలిసినప్పుడు విలన్ క్యారెక్టర్ చేస్తారా అని అడిగాడు. మీరు ఒప్పుకోకపోయినా పర్లేదు మీతో కాసేపు మాట్లాడి ఓ కాఫీ తాగి వెళ్ళిపోతాను అన్నాడు. నేను కథ చెప్పమంటే లోకేష్ కథ చెప్పిన కాసేపటికే నాకు నచ్చింది. ఆ తర్వాత ఆల్మోస్ట్ 7 సార్లు నేరేషన్ ఇచ్చాడు. నా పాత్ర చాలా కొత్తగా ఉంటుంది. మనుషులు ఇంత క్రూరంగా ఉంటారా అని లోకేష్ ని అడిగితే మనుషులు రాక్షసులు అని చెప్పినట్లు తెలిపాడు.
నాగార్జున ఫ్యాన్స్ ప్రతిస్పందన
దీంతో నాగార్జున కూలి సినిమాలో ఫుల్ లెంగ్త్ నెగిటివ్ రోల్ చేస్తున్నట్టు తెలుస్తుంది. మరి ఇన్నేళ్లు హీరోగా మెప్పించిన నాగార్జున ఫుల్ నెగిటివ్ షేడ్స్ లో ఎలా మెప్పిస్తాడో చూడాలి. ఫ్యాన్స్ నాగార్జునని నెగిటివ్ పాత్రలో ఎలా రిసీవ్ చేసుకుంటారో. మొత్తానికి మన కింగ్ ని కూలి సినిమాతో రాక్షసుడిగా చూపించబోతున్నారు అని తెలుస్తుంది.
మొత్తంగా, టాలీవుడ్ కింగ్ నాగార్జున విలన్ పాత్రలో కొత్త అనుభవాన్ని అందించబోతున్నారు. ఆయన నటనకు ప్రేక్షకుల స్పందన ఎలా ఉంటుందో చూడాలి.
