📌 Key Points
- శర్వానంద్ ‘నారి నారి నడుమ మురారి’ మూవీ ఓటీటీ రిలీజ్ డేట్ ఫిక్స్!
- ఫిబ్రవరి 4 నుండి అమెజాన్ ప్రైమ్లో స్ట్రీమింగ్ ప్రారంభం!
- సంక్రాంతికి థియేటర్లలో విడుదలై ₹34 కోట్ల గ్రాస్ వసూలు చేసిన మూవీ ఇది!
- శర్వానంద్, సంయుక్త మీనన్, సాక్షి వైద్య నటించిన ఫ్యామిలీ ఎంటర్టైనర్!
శర్వానంద్ హీరోగా నటించిన ‘నారి నారి నడుమ మురారి’ మూవీ ఓటీటీ రిలీజ్ డేట్ వచ్చేసింది! థియేటర్లలో సూపర్ హిట్ అయిన ఈ చిత్రం ఇప్పుడు మీ ఇంటికి రానుంది. ఫ్యామిలీ ఎంటర్టైనర్ మిస్ అవ్వకండి!
ఓటీటీలో సందడి చేయనున్న ‘నారి నారి నడుమ మురారి’!
చార్మింగ్ స్టార్ శర్వానంద్(Sharwanand) హీరోగా, రామ్ అబ్బారాజు దర్శకత్వంలో వచ్చిన సంక్రాంతి హిట్ చిత్రం ‘నారి నారి నడుమ మురారి’ (Nari Nari Naduma Murari)ఓటీటీ విడుదలకు ముహూర్తం ఖరారైంది. ఈ ఏడాది సంక్రాంతి కానుకగా జనవరి 14న థియేటర్లలోకి వచ్చిన ఈ మూవీ, పెద్ద సినిమాల పోటీని తట్టుకుని బాక్సాఫీస్ వద్ద సుమారు ₹34 కోట్ల గ్రాస్ వసూళ్లతో సూపర్ హిట్గా నిలిచింది. పక్కా ఫ్యామిలీ ఎంటర్టైనర్గా ప్రశంసలు అందుకున్న ఈ సినిమా, విడుదలైన నెలరోజుల లోపే డిజిటల్ స్ట్రీమింగ్కు వస్తుండటంతో ప్రేక్షకుల్లో ఆసక్తి నెలకొంది. ప్రముఖ ఓటీటీ వేదిక అమెజాన్ ప్రైమ్ వీడియో ఈ సినిమా డిజిటల్ హక్కులను భారీ ధరకు సొంతం చేసుకోగా.. ఫిబ్రవరి 4 నుంచి ఈ చిత్రం స్ట్రీమింగ్ కానుంది.
ఫిబ్రవరి 4 నుండి స్ట్రీమింగ్ ప్రారంభం!
తెలుగుతో పాటు తమిళం, మలయాళం, కన్నడ, హిందీ భాషల్లో కూడా అందుబాటులోకి రాబోతున్నట్లు ఇన్స్టాగ్రామ్ ద్వారా వెల్లడించింది. ‘‘ప్రేమ, అబద్ధాలు గందరగోళంతో కూడిన ఈ కలయికను చూసేందుకు మిమ్మల్ని ఆహ్వానిస్తున్నాము’’ అనే క్యాప్షన్ జత చేశారు. ఒకే ఇంట్లోని ఇద్దరు అమ్మాయిల మధ్య నలిగిపోయే యువకుడి కథను దర్శకుడు అత్యంత హాస్యభరితంగా తెరకెక్కించిన తీరు ప్రేక్షకులను కడుపుబ్బ నవ్వించింది. శర్వానంద్ సరసన సంయుక్త మీనన్, సాక్షి వైద్య హీరోయిన్లుగా నటించిన ఈ చిత్రంలో శ్రీవిష్ణు అతిథి పాత్రలో మెరిసి సర్ ప్రైజ్ ఇచ్చారు. వెన్నెల కిశోర్, సత్య, నరేష్ల కామెడీ ట్రాక్ సినిమా విజయంలో కీలక పాత్ర పోషించింది. థియేటర్లలో ఈ ఫన్ రైడ్ను ఎంజాయ్ చేయలేకపోయిన వారు, ఫిబ్రవరి మొదటి వారం నుంచి తమ ఫ్యామిలీతో కలిసి ఇంట్లోనే ఈ సినిమాను చూడొచ్చు.
థియేటర్లలో దుమ్ముదులిపిన మూవీ, ఇప్పుడు ఓటీటీలో!
A post shared by prime video IN (@primevideoin)
నారి నారి నడుమ మురారి మూవీ ఓటీటీ రిలీజ్ తో మీ ఫ్యామిలీ ఎంటర్టైన్మెంట్ కు ఇక తిరుగులేదు. మరిన్ని అప్డేట్స్ కోసం చూస్తూనే ఉండండి.
