📌 Key Points
- నవీన్ చంద్ర ‘హనీ’ మూవీ ఫిబ్రవరి 6న విడుదల!
- దివ్య పిళ్ళై, దివి, రాజా రవీంద్ర ప్రధాన పాత్రల్లో నటిస్తున్నారు.
- సైకలాజికల్ హారర్ జానర్లో ‘హనీ’ చిత్రం!
- ప్రస్తుత సమాజంలోని చీకటి కోణాన్ని చూపిస్తున్న చిత్రం!
టాలీవుడ్ యంగ్ హీరో నవీన్ చంద్ర తన లేటెస్ట్ మూవీ ‘హనీ’తో వస్తున్నారు. ఈ సినిమా ఫిబ్రవరి 6న విడుదల కానుంది. ఈ సందర్భంగా నవీన్ చంద్ర చేసిన కామెంట్స్ ఇప్పుడు వైరల్ అవుతున్నాయి. పూర్తి వివరాల్లోకి వెళ్దాం!
ఫిబ్రవరి 6న ‘హనీ’ విడుదల!
Naveen Chandra: టాలీవుడ్ టాలెంటెడ్ నటులలో నవీన్ చంద్ర ఒకరు. అందాల రాక్షసి సినిమాతో హీరోగా ఎంట్రీ ఇచ్చిన నవీన్ ఆ తరువాత కూడా వరుసగా సినిమాలు చేస్తూ వస్తున్నాడు. మధ్యమధ్యలో అరవింద సమేత, గేమ్ ఛేంజర్, మాస్ జాతర లాంటి సినిమాలలో విలన్ గా చేస్తూ వస్తున్నాడు. అయినా, కూడా నవీన్ చంద్ర(Naveen Chandra) సినిమాలకు ఓటీటీలో మంచి డిమాండ్ ఉంది. అక్కడ వరుసగా సినిమాలు చేస్తున్నాడు
ఇదిలా ఉంటే, నవీన్ చంద్ర హీరోగా వస్తున్న లేటెస్ట్ మూవీ హానీ. సైకలాజికల్ అండ్ హారర్ జానర్లో వస్తున్న ఈ సినిమాలో దివ్య పిళ్ళై, దివి, రాజా రవీంద్ర ప్రధాన పాత్రలు చేస్తుండగా పలాస ఫేమ్ కరుణ కుమార్ తెరకెక్కిస్తున్నాడు. సినిమా ఫిబ్రవరి 6న విడుదల కానుంది. దీంతో, వరుసగా ప్రమోషన్స్ చేస్తున్నారు మేకర్స్. ఈ నేపధ్యంలోనే తాజాగా ఓ ఇంటర్వ్యూలో పాల్గొన్న నవీన్ చంద్ర తన సినిమాల గురించి ఆసక్తికర కామెంట్స్ చేశాడు.
నవీన్ చంద్ర కామెంట్స్ వైరల్!
ఈ సందర్బంగా ఆయన మాట్లాడుతూ.. “హనీ సినిమా కేవలం ఒక హారర్ సినిమా మాత్రమే కాదు. ఆడియన్స్ కి ఇది ఒక డిఫరెంట్ ఎక్స్పీరియన్స్ ఇస్తుంది. ప్రస్తుత సమాజంలో జరుగుతున్న చీకటి కోణాన్ని ఈ సినిమాలో చెప్పే ప్రయత్నం చేశాం. ఈ కథ విన్నప్పటి నుంచే చాలా ఎగ్జైటింగ్ గా ఉన్నాను. ఏ మనిషైనా మానసికంగా బలహీనమైనప్పుడు సమాజంలోని కొన్ని దుష్టశక్తులకు ఎలా బలవుతాము అనేది ఈ సినిమాలో అద్భుతంగా చూపించారు.
సైకలాజికల్ థ్రిల్లర్ మూవీ!
ఇక నా సినిమాల గురించి ఒకటే చెప్తాను. నా సినిమాలకు మొదట పది మంది థియేటర్స్ కి వచ్చారు. ఆ తరువాత వంద మంది అయ్యారు. ఇప్పుడు ఇంకా ఎక్కువ మంది రండి. ఒకసారి థియేటర్స్ కి వచ్చి నా సినిమాలకు కూడా ట్రై చేయండి” అంటూ చెప్పుకొచ్చాడు నవీన్ చంద్ర. దీంతో నవీన్ చేసిన ఈ కామెంట్స్ ఇప్పుడు సోషల్ మీడియాలో వైరల్ అవుతున్నాయి.
నవీన్ చంద్ర ‘హనీ’ మూవీ గురించి మరింత సమాచారం కోసం చూస్తూ ఉండండి. త్వరలోనే మరిన్ని అప్డేట్స్తో మీ ముందుకు వస్తాం. అప్పటివరకు మా ఛానల్ ని ఫాలో అవ్వండి.
